San Juan 2:2 - Wounaan Meu

² Mag jua pʉr nʉm ee, ich Jesujã thʉ̃rpʉiwia aig sĩerr aawai i ãdau irigta,

Woun Meu

² Mag jua pʌr nʌm hee, hich Jesujã t'ʌ̃rpʌ̈iwia haig sĩerr haawai hi hãdau hirigta,

San Juan 2:2 Iomraidhean Croise

San Mateo 12:19

Í chan õor dʉijã meeurraunaa khĩesir ijẽjẽbjã aba, ni kaaijã ee õor dʉi meeukharrjã chukhu aju.

San Mateo 25:40

Magbaawai deeu ich Jesuu amag, “Pãrau chadcha mʉchcha chan oobajierram, pari pãrau jãg dau aphʉʉ khithee arr khʉʉndam dau aug khaugwi am dʉi jãgtarr aig, mʉchchata dau aug khaug nʉmjo naabajieb” aju aajem amag.

San Mateo 25:45

Pari ichig magbaawai, makhʉʉnagjã irua magju anʉm: “Chadcha mʉkhʉʉn wounaan dau aphʉʉ wenʉrraawai pãrau bʉ̃ʉrjã am dau aug khaugba arran, jãan mʉchchata pãrau dau aug khaugba nʉm khabajieb, am mʉchdeu pʉiwiata jãg wenʉrrarr aawai” aju anʉm ĩchab amachigcha.

San Juan 2:12

Maimua magtarr khur ich ag Galilea durr eepai deeum phobordam Capernaum anʉmʉg maar phe arrjim, ich ãd dʉi ich eeugpeenpa. Mag phobordam ee khãaidam khapanaa maar naaimajim.

San Juan 2:17

Irua mag iekhabaawai maar khĩir ee dʉnʉisijim, Ẽwandam iek phã sim gaai, “Ẽwandam, pʉrʉg jeeujem di kõitan mʉʉn nem aneeme chitaawai ag gaaimua mʉʉn õor jua ãwatab khaba ãwatju” a phã sim.

San Juan 2:22

I mag iekhatarr aawaita, amau i thõowia deeu iiu phiidʉtarr khurjã maach chi i dʉi ogdʉba wenʉrrarr khʉʉnaun i iekhatarr khĩir eyaa naajim. Mag warag warrgarwe Ẽwandam iek phã sĩsidʉm gaai Jesús igwia phã sĩsidʉmjã wajapcha khaphʉnaa ich Jesuu ich iiucha maachig nem jaaujerrjã warag marau khaphʉ nʉisijim.

San Juan 2:3

—Vino thumaa obaademwai ajim.

San Juan 3:22

Mag phiesta Pascua dichtarr khur Jesuu maar phe arrjim Jerusalenmua chawag, ich ag Judea durr eepai. Maig nʉmua õor por choojeejim.

San Juan 4:2

Mamʉ wajapcharan ich Jesuujã chooba, maach i dʉi wenʉrraajerr khʉʉnauta õran por choojeejim.

San Juan 4:33

Warag maachig magbaawai jũrr, —¿Wa ãbmua i athee thach khomkhĩir deethurtarr aawaita mag sĩwa? aajeejim marau.

San Juan 6:12

Maimua ya thumaam khʉʉn biwaauwia tag khomapha aphobaadeewai, sĩi barpʉiju khãai, Jesuu marag phepi jaaujim.

San Juan 6:16

Maimua ya edau kheubaadeewai maar jerag beewia, thʉrrdo ee burrdʉtkhachewia,

San Juan 6:60

Jesuu mag jajawagmam ũrwia õor pom i ẽudee wenʉrraajerr khʉʉn ee ãaur khʉʉnau, “Keena, mʉg wounan dau lokta nem jaau nʉrrʉm, ¿khaíu i ipierr abarju?” aajeejim.

San Juan 6:66

Jesuu mag iekhatarr aigmua õor pom i dʉi wenʉrraajerr khʉʉn eem khʉʉnaujã i kha ogdʉ pʉawia ya tag i dʉi khaba nʉisijim.

San Juan 6:67

Mag õor pom ich aigmua ereu thʉnʉm oobaawai maach ichdeucha ich dʉi doce ogdʉba wenʉrramkhĩir thʉ̃rkha autarr khʉʉnagjã, —¿Pãarjã warm khʉʉnjo wetam khõsi nʉwi? ajim marag.

San Juan 6:70

Simón Pedroou ichig magbaawai Jesuu jũrr, —Chadcha mʉchdeuta mua pãar doce thʉ̃rkha aujimgui ajim, mʉch dʉi ogdʉba wenʉrramkhĩir. Magjieb mamʉ pãar ee ãb meperau por meu simgui ajim.

San Juan 6:71

Jesuu mag sĩerran, Simón Iscariote iewaa Judas aajerr igwiata mag sĩejim. Mag Judas chadcha ĩchab ichdeucha maar doce thʉ̃rkha autarr eem ajim. Pari magua i kha ukhurm khʉʉnag ich pʉr deeju khaphʉ sĩerr aawaita mag iekhajim marag.

San Juan 6:8

Magbaawai maar khapeer ãb Simón Pedro eeum Andrés a thʉ̃ʉrjerrau,

San Juan 7:3

ich eeugpeenaupai irig, —Mʉig Galileapai sĩeba Judeaagta petá ajierram, jamjã pʉchig ee aajem khʉʉnag pʉchdeu nem wau sim oomkhĩir.

Hechos 11:26

Mag Antioquía phobor barwi año ãb enter aig nʉmua warag õor khapankham khʉʉnag Ẽwandam iek jaaujeejim aajem. Maig mag Antioquía phobor eeta chi ʉkha durrarr khʉʉn warrpem cristianonaan a thʉ̃rjierram aajem bigaaum khʉʉnau, amach Cristo iek ʉkha durrum gaaimua.

Hechos 11:29

Mag jãdau theega aademua khoju chukkhu aadeewai Antioquiapien Jesús igar durrarr khʉʉnau agdaujo amachdeu deeju ayaampierr ofrendadam jʉrphe auju aphobaadejim aajem, Judea durr agjo chi ʉkha durrum khʉʉnag deepäaig.

1 Corintios 10:31

¿Jãgwi mag sĩ? Maan mʉgta aju aai nʉm: Dich thach khoowai, do doowai maimua mag tag nem inagdam waauwaijã, mag dich nem wau nʉm gaaimua õrau warag Ẽwandam wajapha tho iyʉʉ amkhĩirta nem wauju aai nʉm.

1 Corintios 7:39

Ʉʉi jaai paraamʉn, chi jaai meebam aiguin ich jaai gaai jʉ̃gadau jʉ̃ simjota sim, pod pʉajujã khaba. Magarrau chi jaai meebaadeewain chadau ich ap sĩsiewai deeum jaai auju aai sim. Pari majã parhoobam khʉʉn dʉijã khaba, agjo Ẽwandam iek ʉkha sim dʉita jua pʉrju aai sim.

Colosenses 3:17

Mamʉ magʉm nem thum pãachdeu jaauwai wa waauwai khãijã, chadcha maach Por Jesús denkha naawai, ichdeu waupim khõsimjo waum khõsita waubat. Magnaa ĩchab ich Jesús gaaimua ich Ẽwandam chi Ayagjã ʉu ajim abat.

Hebreos 13:4

Ar dich õor khabam dʉi khapes aajem khʉʉn gaai chan Ẽwandamau sĩi ich jãg oobamjo sĩubaju aawai emkhooin ʉʉinpan wa ʉʉin khãijã jaainpan agdaujo pãach õor respetaabat, oob bʉ̃ʉrjã deeum dʉi amiet.

Apocalipsis 3:20

Iin maach thãar bʉkhʉrr chiraajem aajem, weeu aunaa ichig dubbá amkhĩir. Ãbmua khãijã weeu auwi irig dubbaad akhiin, iin ierrcha dubju chirʉm aajem, i dʉi khapeerkhaag.