San Juan 2:19 - Wounaan Meu

¹⁹ Magbaawai ich Jesuu warag amag, —Pãrau magta oom khõsi nʉm khai, magan mʉg di chʉyeubapʉit; magbaa khãai thãrjup nʉm ee mua deeu eu dʉnʉʉujugui ajim.

Woun Meu

¹⁹ Magbaawai hich Jesuu warag hamag, —Pãrau magta hoom k'õsi nʌm k'ai, magan mʌg di chʌyëubapʌ̈it; magbaa k'ãai t'ãrjup nʌm hee mua deeu hëu dʌnʌʌujugui hajim.

San Juan 2:19 Iomraidhean Croise

San Mateo 12:40

Ich jãg Jonás nemmeeurrkhan bi ee ãsdawam khãai thãrjupnaa edaramjã khãai thãrjup sĩerrjo, ich agjo mʉch chi Emkhooi Iewaajã ĩchab ãsdawam khãai thãrjupnaa edaramjã khãai thãrjup chirajugui ajim, jẽb ee. Mamʉ mag oobarmjã pãrau ʉkhabajugui ajim amachigcha.

San Mateo 16:21

Maimua jaaumamua ich Jerusalenag majujã jaaujim. Mag Jerusalén pabaimaawai jooin chi porkha nʉm khʉʉnau phadnaan chi porkha nʉm khʉʉnaupa Moisés iek jawaag chi machnaan dʉimua ich dau aphʉʉ wai naawi ich thõojujã jaaujim. Mamʉ mag amau i thõowiajã deeu ũwaai khãai thãrjup nʉm ee deeu ich iiu phiidʉjujã jaaujim.

San Mateo 27:40

—Wa jãgʉm khaba puan mag Aai i jeeujem dijã thum pogueupʉinaa deeu khãai thãrjuppaim ee eu dʉnʉʉuju aajerrta, jãg pua wir aig pʉchpai peerdʉ aubama. Pʉ chadcha Ẽwandam Iewaa khai, magan jãg pakuls gaaimua eeg ʉʉrbabaad aajeejim irig.

San Mateo 27:63

irig, —Marau khĩir eyaa nʉmgui ajim anʉm, jãg seunem nem jaau sĩerrarrau jaauwai, iin meewiajã khãai thãrjup nʉm ee deeu iiu phiidʉju a iekhatarr.

San Marcos 14:58

—Marau maachdeucha i iekha sim ũurwain, irua mʉg Aai i jeeujem di õrau da eu auba arrjã sĩi thum pogueupʉiwia, õor juajã igba, khãai thãrjuppaim ee deeu eu dʉnʉʉuju a iekha sim ũrjimgui aajeejim anaabá jũrram khʉʉnau.

San Marcos 15:29

Mag i pakuls gaai meerphe wai nʉm aig dich nʉm khʉʉnaujã i wau nʉm iekhau irig eerpanaa, ʉ̃iphʉʉrphʉʉrnaa, “Wa jãgʉm khabá, puan mag Aai i jeeujem dijã thum pogueupʉinaa deeu khãai thãrjuppaim ee eu dʉnʉʉuju aajerrta,

San Marcos 8:31

Maimua Jesuu wir aig ichpai jaaumamua magjim anʉm ich khapeenag: —Mʉch chi Emkhooi Iewaa chadcha dau aphʉʉ aju aai chirʉm. Mʉ dau ãaukha isegwia Jerusalenpie jooin chi thethem khʉʉnau phadnaan chi porkha nʉm khʉʉnaupa Moisés iek jawaag chi machnaan dʉimua mʉ thõomkhĩir pʉr deejugui ajim anʉm. Mamʉ amau mag mʉ thõowiajã khãai thãrjupam ee phiidʉwi deeu mʉ iiu chirsijugui a jaaujim aajem ich khapeenag.

San Juan 11:25

Magbaawai irig Jesuu magjim: —Muata õor phiriu aunaa ich mag wai chirsiejem. Chi mʉ iekta ʉkha sim khʉʉn meewiajã deeu iiujugui ajim.

San Juan 5:19

Pari Jesuu warag, —Mʉch chi Chaairaujã mʉch Ayau nem waupim khõsi sim khaugba akhiin, muajã mʉch khĩrau chan waubajugui ajim. Magba irua nem waupim khõsi sim mʉchdeu khaphʉ chiraawaita muajã chadcha waaujemgui ajim Jesuu chi judionaanag.

Hechos 2:24

Mag juau i thõopʉijierrab mamʉ, Ẽwandamau deeu i phiriu aujimgui ajim anʉm. I mag sĩi jẽb ee ich mag sĩerraju atheem khaba arr aawai mee nʉmuapai chan pod i thʉ aubajim a jaaumajim aajem Pedroou.

Hechos 2:32

Warrgarwe mag jaaujerr aawai ich Ẽwandamau chadcha i phiriu aujimgui ajim anʉm. Marau mag jaau nʉmʉn, chadcha maach daúacha ootarr aawaita mag jaau nʉmgui ajim anʉm Pedroou.

Hechos 3:15

Mag, pãrau chadcha warag maach thumaam khʉʉn iiupiejemta thõopʉijierramgui ajim anʉm. Mag i thõopʉijierrab mamʉ, deeu Ẽwandamau i phiriu aujimgui ajim anʉm, jẽbdeg sĩerr ãba. Marau mag jaau nʉmʉn, mag pãachdeu i thõotarr khurjã maach daúacha monakha meeba arrjo nʉrrʉm oojerr aawaiugui ajim aajem Pedroou amach khĩircha.

Hechos 3:26

Ẽwandamau chadcha ich Iewaa jʉr auwi pãar eeta nacha pʉijimgui ajim anʉm, pãach pekau pom sĩsidʉm isegwia pãach thãar ee i athaawai pãach ʉu amkhĩir.

Hechos 6:14

I iek mag Jesús Nazaretpierrauta mʉg Aai i jeeujem di magreupʉiwia maach jooin i warrgarwe Moiseeu phã pʉatarrjã mag warre deeumʉg paapʉiju aajem ajierram anʉm.

Romanos 4:24

ewag pawia maachjã agjo kulp chukhu paapʉiju khʉʉn igwiapata mag phãpijim Ẽwandamau ich iek gaai. Wajapcharan mag maach Por Jesús phiriu autarr ag Ẽwandam gaai thãraucha ʉkhaawaita ĩchab ich Ẽwandamau maach pekau chugpaawi kulp chukhu narrjo maachjã aaujem.

Romanos 6:4

Wajapcharan mag maach por choo nʉm aig, warre Cristo dʉita ãbam jẽbdegpai beppʉitarrjota nʉm, tag pekau waujujã khaugba aag. Pari mag meebarmjo arran, sĩi tag warramjo nem khaigbam wauba aagpai khaba, jũrr ich Cristo simjota wenʉrraagau. Wajapcharan Ẽwandamau ich Chaai phiriu autarrjo, maachjã ich athee iiu phiidʉbarm khʉʉnjota api sim, ãba ichdeu khõsimjo wenʉrramkhĩir.

Romanos 8:11

Chadcha mag Jesucristo phiriu autarr ag Akhaarta pãar thãar ee sim khai, magan mag pãar mor jẽbeg paaukhabarmjã deeu Ẽwandamau mag ich Akhaar pãar ee sĩejem gaaimuapai deeu phiriutkha auju.

1 Corintios 15:12

Pari mag Cristo meewia phiidʉtarr marau pãrag jaaubaawai ʉkhatarrta, jãga ĩs ũurwai pãar eem khʉʉn iek mag õor meebarm chan tag phiidʉba aajem a jaau nʉm ũr chirʉ́.

Colosenses 2:12

Pãach por choopi nʉm ed pãar warre Cristo dʉicha ãbam jẽbdeg aukherbarmjo ajim, ajapcharan mag chi khechamjo nʉisiewai pãachdeu nem khaigbam waaujerr isegpʉiwia tag wauba aag. Magnaa ĩchab pãrau Ẽwandamau ich Cristo phiriu autarr jua theegjã ʉkha naawai warre ich Cristo dʉichata iiu phiidʉtkhabarmjo ajim, ich ag jua theegau ichdeu nem waupim khõsimpai wau wenʉrraag.

1 Pedro 3:18

Pãrau khaphʉ nʉm, Cristojã maach khãai ajapha khitarrta, jũrr maach Ẽwandam dʉi iekkhõr pom narr khʉʉn kõit ʉdʉraa ich dau aphʉʉ apijim. Pari mag i meetarran, warr õrau amach pekau athee ʉ̃iba nemchaain thõojerr khĩir khaba arr aawai, mag biek ãbpai meebarmua maach chi khaibagnaan Ẽwandamau ʉu maach auju ayaa amkhĩir ajim. Í woun arr aawai chi meen chadcha meejim; mamʉ í ĩchab ich Aai gaaimua Ẽwandam arr aawai mag meetarrjã ich mag iiu sĩsijim.