San Juan 2:16 - Wounaan Meu

¹⁶ Magnaa chi dubur per narr khʉʉnag, —Jopkhaa pãach nemchaain mʉigmua phe athaadet; mʉ Aai di chan sĩi pãrau merrkaúg paapäaig khabamgui ajim amag.

Woun Meu

¹⁶ Magnaa chi dubur për narr k'ʌʌnag, —Jöpk'aa pãach nemchaain mʌigmua p'ë hat'aadët; mʌ Haai di chan sĩi pãrau merrkaúg paapäaig k'abamgui hajim hamag.

San Juan 2:16 Iomraidhean Croise

San Mateo 21:12

Mag barwia Aai i jeeujem deg ooimaawaijã, sĩi merrkau eemjo thʉnʉmta ooimajim. Magbaa mag ag ee Ẽwandamag ofrendakha deeg nem per nʉm khʉʉn dawag jʉrkhʉʉipʉinaa, phatkhon cambienaa dubur per nʉm khʉʉn mesjã jẽkhʉt sĩepʉimajim.

San Mateo 21:13

Magnaa amag, —Ẽwandamau ich igwia ich iek phã sim gaai “Mʉ diin sĩi mʉrʉg jeeujem diiu” a simta, pãachdeuta ag ee mʉg nem parhẽpag per nʉmua sĩi chikham khũguurjem dikha wai naabma ajim.

San Mateo 22:5

Pari par mag deeu iek jaaupʉitarrjã beebajierram anaabá. Mag chi beeju arr khʉʉn eem ãaur khʉʉn warag amach nemjĩir oon ereubaadee tagam khʉʉn pogkha amach phidag ee wetjierram aajem.

San Marcos 11:17

Maimua amag, —Pãrau khaphʉ naabá ajim anʉm, Ẽwandamau ich iek phã pʉarr gaai, “Mʉg diin sĩi durrpierram khʉʉnau beewi ag ee Aai i jeeujem diiu” a sim. Mag simta pãachdeuta ag ee nem parhẽpag per nʉmua sĩi chikham khũguurjem dikha wai naabma a iekhajim aajem, ich Jesuu.

San Lucas 2:49

Magbaawai chi chaairau amag magjim anʉm: —¿Pãrau khaugbata nʉ, mʉ mʉig mʉch Aai iek õor dʉi ig iyʉʉ chiraju aai chirʉm?

San Juan 10:29

Mʉ Aai ichta thumaam khʉʉn khãaijã ʉ̃rpai sĩerrʉmuata mʉrʉg makhʉʉn deejimgui ajim. Mag ichta ʉ̃rpai sĩerrʉmua deetarr aawai ãbmuajã i jua eemjã pod khecheubamgui ajim.

San Juan 2:15

Ichdeu mag oobaimaawai maar dakhĩraa aig jʉ̃gad werba sĩsid arr jãaupʉrnaa agua bobojog thum amach phak dʉi ovejapa dawag jʉrkhʉʉipʉijim. Magnaa chi phatkhon cambie narr khʉʉn mesjã jẽkhʉt sĩekhʉʉipʉpʉi khabaadeewai am phatkhonjã sĩi parhooba khuyiupʉimajim.

San Juan 20:17

Mag ich gaai pʉrjopbaimaawaita Jesuu irig, —Oob mʉ gaai pʉrm; agtha mʉ mʉch Aai aar maba chirabahab ajim anʉm. Magnaa jũrr maar ich dʉi wenʉrraajerr khʉʉn igwiata, —Mawia, jũrr mʉ khodnaanag jaaubaimá ajim anʉm, “mʉ mʉch Aai dʉi ãba chiraimaag i aar mam; ich mag Ẽwandampai ĩchab pãar Aai anaa pãar Ẽwandamaugui” a jaaubaimá amag ajim aajem.

San Juan 5:17

Pari Jesuu mag chi judionaanau khĩirju nʉmjã khaphʉ sĩerr aawai amag, —Jua ʉ̃ʉijem edam magwe mʉ Ayaujã õor dau aug khaaugjeewai muajã ich agjota chirʉm khabahab ajim amag.

San Juan 8:49

Magbaawai Jesuu, —Mʉ dosãtau por meuba chirʉmgui ajim. Mʉg chitʉm aiguin mʉʉn sĩi mʉch Aaita tho iekha chitʉm. Pari maagwai jũrr pãrau mʉ Aaijã ogkhaba, warag mʉchta dosãtaujã por meu chirʉm aajemgui ajim.

1 Timoteo 6:5

Magʉm khʉʉn chan meeukha chikham ipeer ahau khaphobaademjã pʉam igba, ich mag sĩerrjeem, ya am amachdeu mag nem parhoob khaugba jaau nʉmʉgta por aragpa nʉm gaaimua Ẽwandam iek chi ajapcharamta iseg wai naawai. Am khĩirjugan jãg Ẽwandam i awia, amachdeu jaau wenʉrrʉm gaaimuata sĩi phatkhon pom au wenʉrraju khĩirju thʉnʉm. Ar sĩi magʉm khĩirjug wai sĩsidʉm khʉʉn dʉi oob khapeerkha chitam.

2 Pedro 2:3

Jãg pãrag jaau wenʉrrʉm khʉʉnan sĩi phatkhon atheepai bĩe sĩsid aawai, mag chad khabam nempa jaau wenʉrrʉmua pãar khũgurnaa pãar jua eem phatkhonpa aumaju. Mamʉ amach mag wenʉrrʉm paar am dau aug waupijuun, ya nawe Ẽwandamau jaau wai sim aawai ya chadcha am gaai mas aju dakpamam.