San Juan 2:11 - Wounaan Meu

¹¹ Mag Galilea durr phobordam Caná anʉm ee do vinoog paatarrta warrpem õrau nem ooba aajem Jesuu wautarr ajim, mag wau sim gaaimua ich jua theeg oopieg. Mag, maach i dʉi wenʉrraajerr khʉʉnaujã warag wajapcha i khaphʉ nʉisijim, chadcha Ẽwandamau warrgarwe pʉiju a jaaujerr dʉita maach wenʉrrʉm. Magta marau warag i iek ʉkha nʉisijim.

Woun Meu

¹¹ Mag Galilea durr p'öbördam Caná hanʌm hee dö vinoog paatarrta warrpem hõrau nem hooba haajem Jesuu wautarr hajim, mag wau sim gaaimua hich jua t'eeg hoopieg. Mag, maach hi dʌ̈i wënʌrraajerr k'ʌʌnaujã warag wajapcha hi k'ap'ʌ nʌisijim, chadcha Hẽwandamau warrgarwe pʌ̈iju ha jaaujerr dʌ̈ita maach wënʌrrʌm. Magta marau warag hi hiek hʌ̈k'a nʌisijim.

San Juan 2:11 Iomraidhean Croise

San Juan 1:14

Mag, Ẽwandam Iewaata wounag pawia mʉig eegar sĩeichejim. Ichta Ẽwandam Chaai ãbpai khitʉmuata ich iiu aawai ich Aai ipierraa nem khĩir pogkhe wau nʉrrarr marau oojim. Magta i gaaimua marau khaphʉ nʉisijim, jãga Ẽwandam chi Ayaujã maach jãsene sĩerrʉ́.

San Juan 1:17

Ẽwandamau Moiseeg ley phãpiewai sĩi jãga wenʉrraju aai nʉ a khap amkhĩirpai phãpijim. Pari jũrr Ẽwandamau ich Iewaa Jesucristo päaiwai, ichta ich Chaai chaar aawai, warre ich gaaimuata i jãga chitʉ́ a khaphʉnaa ĩchab maach ichdeu khõsi simjã khap amkhĩirta pʉijim.

San Juan 1:43

Ag noram Jesús jũrr Galilea durr maju aadejim. Mag nʉm ee Felipe dʉi oojim. Mag oobaawai irig, —Felipe, mʉ dʉi marrau ajim.

San Juan 1:50

Magbaa Jesuu irig, —¿Higo bʉ eegar mʉchdeu pʉch ootarr a jaaubaawaita pua mʉrʉg mag chirʉ́? Ĩsta pua ag khãyaujã nem wajapcharam oogpabahab ajim.

San Juan 10:41

Mag i maig sĩeimaawai õor pom i aar wetwia amach eepai, —Keena, chadcha Juanau chan mʉg Jesús denjo ag na õrau nem ooba aajemjã wauba khitajim. Mamʉ irua ich mʉg woun igwia nem jaaujerran, chadcha thumaa ich ag eeta jaaumajimgui ajierram.

San Juan 11:15

Pari ʉuta mʉ i aar khaba chirajimgui ajim. Magba akhiin nau jãg chi mee sim mua pãach dakhĩir phiriu aujujã oobakham. Mamʉ chadcha Ẽwandam jua theeg mʉ gaai sim khap amkhĩir, i aarcha oon wettarrau ajim marag.

San Juan 11:47

Magbaawai chi fariseonaan, phadnaan chi porkha narr khʉʉn dʉi ãba, tagam khʉʉn chi thierrnaanpa biirdʉjierram aajem. Mag biirdʉnaa amach eepai jũrr amach khapeenagta, —Keena, ¿maadeu jãga ajuma jãg woun dʉi? ajierram anʉm. Jãguan chadchata maach dauderraa ag na õrau nem ooba aajempata wau nʉrrʉm.

San Juan 12:37

Parii Jesuu maach meeun judionaan khapan thʉnʉm dakhĩir nem khĩir pogkhe waumamua ich jua oopipi aajerrjã wajappai i iek ʉkhaba aajeejim.

San Juan 12:41

Isaiaau ag nawe ichdeu ootarrjo magta phã pʉajim, ya Cristo mʉig eegar maach ich mʉg sĩeicheewaijã õrau i dau aphʉʉ wauwia thõoju khaphʉ sĩerr aawai. Pari magʉm ãba, Ẽwandamau ichta thumaam khʉʉn khãaijã ʉ̃rpai apijujã khaphʉ sĩejim.

San Juan 14:13

Pãar chadcha mʉch denkha naawai pãrau pãachdeu nem khõsim thum mʉ Ayagta mʉ iek gaai thʉwiata jeeumʉn, mua pãar dʉi mag pãachdeu jeeu nʉmjo ajugui ajim, mʉchdeu pãar dʉi mag chirʉm gaaimua ich mʉ Aaita chi jua thierriu a khap amkhĩir.

San Juan 16:30

Ya ĩsin chad marau khaphʉ nʉmgui anaajim, pua chadchata nem thum khaphʉ sim. Maguata bʉ̃ʉrjã pʉchig jeeubamjã pua maar khĩirjug khaphʉ jaaubapʉim. Maguata marau khaphʉ nʉmgui ajim, pʉ chadcha Ẽwandam sim aarmuachata beejim.

San Juan 2:1

Magtarr khur khãai thãrjup nʉm ee, Galilea durr phobordam Caná anʉm ee õor jua pʉr naajim. Maig Jesús ãdjã dʉi sĩejim.

San Juan 2:23

Mag Jerusalenag mawia am phiesta Pascua ee simua ich iiu aawai ag na õrau nem ooba aajempa wautarr oowia õor khapanaam khʉʉnau i iek ʉkhajierram.

San Juan 3:2

Mag wounau edaar Jesús aig beewia irig, —Maestro, marau khaphʉ nʉmgui ajim, chadcha Ẽwandamauta pʉ pʉijim, ich iek marag jaaumkhĩir. Í pʉ dʉi sĩewai merag chukhu simgui ajim, jãg ag na õrau nem ooba aajempa pʉchdeu wau sim gaaimua. Magba aawai ni ãbmuajã jãg pua nem wau simjo wauba nʉmgui ajim. Magua mʉ pʉ aigta beejimgui ajim, Ẽwandam chi Porkha sim aar jãga mʉ i dʉi chirsiju mʉchig khap jaaumkhĩir.

San Juan 4:3

Mag, fariseonaanau Jesús aarta ʉ̃rcha õor poposkham khaphʉ aphobaadem ich Jesuujã khaug athaawai Judea durrmua jũrr ichta warag Galileaag petajim. Magbaawai maar i dʉi wetjim.

San Juan 4:46

Mag Galilea durr paimawia deeu Canaag majim, ag na ichdeu do atarrta vinoog paatarr phoborog. Maagwai ĩchab Capernaum phobor ee sĩejim woun ãb rey dʉi phidkhaajem, chi thethem. Mag den chaai mor mas sĩejim aajem.

San Juan 4:54

Mag chaai parba kherʉm warppaimua monaaupʉitarrta Judeamua beewi Jesuu Galilea durr biek numiim õor dakhĩir ag na amau mag ooba aajem wautarr ajim, mag chaai monaautarr gaaimua ichta Ẽwandamau pʉitarr a õrag khap amkhĩir.

San Juan 5:23

mag gaaimua ich jãg mʉ Aai tho iyʉʉ aajemjo mʉch chi Chaaijã agjo thumaam khʉʉnag tho iekhamkhĩir. Mag sĩewai mʉch chi Chaairagjã eenaa wajapha mʉ tho iekhaba nʉm khʉʉnau chan magan mʉ Aaijã thoba nʉmgui ajim, ichdeu mʉ pʉitarrta mʉ mʉg chitʉmjã igba naawai.

San Juan 6:14

Õor pom mag thʉnarr khʉʉnau amach daúacha Jesuu ich iiu aawai mag ag na amau mag ooba aajerrta mag waubarm oobaawai jũrr amach eepai, “Chadcha mʉg wounta ich Ẽwandamaucha ich i jaaumkhĩir jʉr auwi pʉiju a jaaujerrauwai” aajeejim.

San Juan 6:2

Mag i ag khĩirphee petaawai õor pom i ẽudee ereubaadejim, amachdeu mag õor mor masim khʉʉn pooma monaaumamua i jua theeg oojerr aawai.

San Juan 6:26

Magbaawai Jesuu amag, —Chadcha pãrau mʉ jʉr wenʉrrʉmʉn, sĩi pãach thach biwaau khopitarr aawaita pãrau mʉ jʉr wenʉrrʉmgui ajim. Mamʉ ĩs mag mua jãg pãach dakhĩir wautarr gaaimua mua jaau chitʉm ʉkhakhimjã aba nʉm.

San Juan 6:30

Magbaawai deeu amachdeu irig, —Pua deeu maar dakhĩir ag na marau ooba aajemta waukhiin chadau marau chadcha pʉ Ẽwandamauta pʉijim aju. ¿Mamʉ khani pua wau nʉ? ajierram.

San Juan 7:31

Ãaur khʉʉnau i dʉi mag nʉm ee, ãaur khʉʉn khapan aig narr khʉʉnau ʉkha nʉm iekhau, —Daau mag nʉm ich Ẽwandamaucha pʉiju a jaaujerr pierrwaijã, mʉg Jesuu nem wau nʉrrʉm khãaijã ʉ̃rʉʉcha ag na õrau nem ooba aajem waubarju a iekha naajim.

San Juan 9:16

Irua magbaawai chi fariseonaan ee ãaur khʉʉnau, —Chi pʉ dʉi magtarr woun chan magan Ẽwandamau pʉitarr khabam; maguata mʉg jua ʉ̃ʉijem edjã ʉʉrkhaba simgui ajierram aajem. Pari maagwai jũrr ãaur khʉʉnau, —Pari i Ẽwandamau pʉitarr khaba akhiin, ¿jãga irua jãg Ẽwandam jua theegau õor monaaubarju? Pekau paraam khʉʉnau chan pod i denjo jãgbamgui aajeejim anʉm. Amach magphobaadem gaaimua warag amach eepaijã ihãba iekhaba nʉm iekhau

2 Corintios 3:18

Maguata maach i iek ʉkha durrum khʉʉn chan mag agtha putiu khĩir borr nʉmjo khaba aawai espheg dau wajapham ee oo nʉmjota ich Ẽwandam wajaugjã maach gaaita õrau oo nʉm, maach nem wajapha wau nʉm gaaimua. Mag nʉmua maachin waragta ich Ẽwandam Akharau wajaug paamaawai warag maach Por Jesujota paaukhamam.

2 Corintios 4:17

Mʉig eegar aawai año khapan mʉg dau aug wau chitawiajã mʉg atag ya Ẽwandam dʉi ich mag ogdʉba chiraimanaa oowain sĩi khũchpaita mag aphʉʉ chitarrjoo aju, magʉm thum ãwattarr jũrr Ẽwandamau mʉch wajapcha wai sĩsiewai.

2 Corintios 4:6

Ar mʉg durr ompaa naawaijã sĩi ich iekhaupai khĩchag eemua ararag ompaa autarr ich ag Ẽwandamaupaita ich iekhau maach khĩirjug aardʉ athamjo ajim, magbarmua maach Ẽwandam thumaam khʉʉn khãai wajaug sĩerrʉmta Jesucristo gaaimua khaphʉ nʉisimkhĩir.

1 Juan 5:13

Keena, pãar Ẽwandam Iewaa iek ʉkhaajem khʉʉnagta mʉg ẽsap phã deepʉi chirʉm, ya pãar i denkha naawai chadcha pãach i dʉi ich mag wenʉrraju khap amkhĩir.