San Juan 19:4 - Wounaan Meu

⁴ Chi soldaaunau mamagkham ee, chi Pilatoou deeu dawag oberchenaa chi judionaan pom pos thʉnʉmʉg, —Pãade oobat: Cha mua i dawag waipierrum, mua oowai mʉg woun bʉ̃ʉrjã kulp chukhu simgui ajim.

Woun Meu

⁴ Chi soldaaunau mamagk'am hee, chi Pilatoou deeu dawag höbërchënaa chi judionaan pöm pos t'ʌnʌmʌg, —Pãadë hoobat: Cha mua hi dawag waipierrum, mua hoowai mʌg woun bʌ̃ʌrjã kulp chuk'u simgui hajim.

San Juan 19:4 Iomraidhean Croise

San Mateo 27:19

Magnaa õor dakhĩir ich juupjem sie gaai oo sĩsijim anʉm. Mag oo simta i ʉʉirau irig, —Jãg wounan õor wajaphamʉuwai; oob jã chan khaibag waupi jaaum. Edaar mʉ khãai khõrkhaa khaibag khãai khõrkha ʉajim i gaaimua a jaaupʉijim anaabá.

San Mateo 27:24

Pilatoou Jesús pʉapʉiju ẽkha nʉm podba sĩi waragta õor phogdʉmam oobaawai do aibeepiwi thumaam khʉʉn dakhĩir jua sũgpʉijim aajem. Magnaa, —Pãrau mʉg woun iekkhõr chukhu simta thõomʉn mʉ chan bʉ̃ʉrjã kulp chukhu chirʉm, maan ya pãach appaim nemeu; mʉ gaai thʉmiet ajim anʉm amag.

San Mateo 27:4

Mag deeimawia magjim anʉm: —Jãg woun bʉ̃ʉrjã nem khaigba wautarrjã chukhu khitʉmta pãrag pʉr deetarr gaaimua, mʉʉn chadcha pekau pooma waubarm. Jã chan bʉ̃ʉrjã iekkhõr chukhu sĩejimgui ajim anʉm. Pari magbaawai amachdeu jũrr irig, —¡Ideu mag simgui ajim anʉm; maata magan maar gaai mas sĩeba! Maigjã pʉchta pʉ mag chirabahab ajierram anʉm.

San Mateo 27:54

Magbaawaita capitán soldaaun dʉi Jesús pakuls gaai jiir wejom eegar narr khʉʉnau mag ʉʉur theeg duuibaadem ee, mamagkham oophobaadee jãphierr nʉm iekhau warag, —Mʉg wounan chadchata Ẽwandam Iewaa ajim ajierram.

San Lucas 23:4

Magbaawai Pilatoou phadnaan chi porkha nʉm khʉʉnag maimua tagam khʉʉn aig narr khʉʉnagpa, —Mua mʉg woun gaai bʉ̃ʉrjã nem khaigba ooba chirʉmgui ajim anʉm, i thõopäaig.

San Lucas 23:41

Mag khãyau maachin, chadcha maachdeu khaigba arr gaaimuata mʉg naabahab ajim anʉm. Mamʉ mʉg woun chan bʉ̃ʉrjã pekau chukhu simta amau i mʉg dau aphʉʉ wai nʉmgui ajim anaabá.

San Lucas 23:47

Magbaawai capitán Romapierr aig sĩerrau ichdeu mag oobaawai, —Chadchata jãgan mʉg wounan chi ajapham ajimgui ajim anʉm, Ẽwandam na.

San Juan 18:33

Chi judionaanau ichig magbaawai deeu ierrag dubwia, chi Jesús ich aigcha thʉ̃r aunaa ichigchata, —¿Pʉʉta chadcha judionaan Reí? ajim anʉm Pilatoou.

San Juan 18:38

Magbaawai Pilatoou irig, —Mag chadcharam iek anʉm, ¿ma khanim iekhauma? ajim anʉm. Mag “¿Ma khanim iekhauma?” a jeeupet awi deeu dawag oberbaadejim, jũrr chi judionaan dʉi iekhaan. Mag oberwi amag, —Mua mʉg woun bʉ̃ʉrjã kulp paraa sim ooba chirʉmgui ajim, pãrau jaau nʉmjo.

San Juan 19:6

Mag amach dakhĩir daaugajãr dʉnʉʉubaichem oobaawai chi phadnaan pornaanau guardianaan Aai i jeeujem di thʉajerr khʉʉn dʉimua ũwaai sereu phobaadewi warre pa gaaita meerphepi jajaau aajeejim. Magbaawai chi Pilatoou amag, —Í chadcha khaigba khaba sĩewai mua chan i dichbamgui ajim. Warrwia pãachdeuta pãachdeu jaau nʉmjo pa gaai i meerphepʉijurauma ajim.

2 Corintios 5:21

Cristo chan bʉ̃ʉrjã pekau wauba khitajim; pari mag khitarrta, Ẽwandamau ʉdʉraa i thõopijim maach thumaam khʉʉn kõit, ichta mag pekau wauwia chi ikhʉ arrjo; i dʉi magbarmua jũrr maach denta chugpaabapäaiwai pekau chukhu narrjo nʉisimkhĩir.

Hebreos 7:26

Magua ichta chadcha maachdeu ig narr phad khabahab, maach kõit iekhaajem chaar. Ich chan nacharam khʉʉnjo khaba aawai bʉ̃ʉrjã pekau chukhu khitʉm; khaibagjã chukhu, ni bʉ̃ʉrjã chikham khaigba ajojoopaijã khaba, maachjo pekau pomkham khʉʉn eemjã khaba sim. Mag sĩewai ichta nem thum ʉ̃gtharm magwe thʉnʉm khãaijã ʉ̃rpai apijim Ẽwandamau, ich dʉi ãba.

1 Pedro 1:19

Jãgʉm nemeu phagju khãai, ich jãg warrgar Ẽwandamau õrag corderodam chi ajapcharamta jʉrwia ichig ofrendakha thõonaa deepiejerrjo, jũrr ich Iewaa Cristo bʉ̃ʉrjã pekau chukhu khitʉmta maach kõit thõopijim. Mag i thõopitarran i bag phĩr dʉi phatkhon khãaijã ajapcha sim ãrbarmuata maach khaibag eemua ober awaag ajim.

1 Pedro 2:22

Cristo chan bʉ̃ʉrjã pekau wauba ni chikhamnag seukhajã nem jaauba khitajim, mamʉ mag khitarrta chadcha amau i thõojierram.

1 Pedro 3:18

Pãrau khaphʉ nʉm, Cristojã maach khãai ajapha khitarrta, jũrr maach Ẽwandam dʉi iekkhõr pom narr khʉʉn kõit ʉdʉraa ich dau aphʉʉ apijim. Pari mag i meetarran, warr õrau amach pekau athee ʉ̃iba nemchaain thõojerr khĩir khaba arr aawai, mag biek ãbpai meebarmua maach chi khaibagnaan Ẽwandamau ʉu maach auju ayaa amkhĩir ajim. Í woun arr aawai chi meen chadcha meejim; mamʉ í ĩchab ich Aai gaaimua Ẽwandam arr aawai mag meetarrjã ich mag iiu sĩsijim.

1 Juan 3:5

Pãrau khaphʉ nʉm, Jesucristo mʉg jẽb gaai beewai mʉig eegarm khʉʉn pekau chugpaaju jʉraanta beejim, ichjo pekau chukhu paapʉimaag. Maadeu khaphʉ nʉm, í bʉ̃ʉrjã pekau chukhu khitʉm.