San Juan 19:39 - Wounaan Meu

³⁹ Mag athaadem ee ĩchab Nicodemojã beejim. Ich ag Nicodemo ajim biek ãb edaar ich Jesús dʉi iyʉʉ athurtarr. Nicodemoou jʉ̃gdee mirra anʉm dʉi áloe anʉmta sĩi jʉser ãbam ee waaureu sim waibeejim, agua i kha phuraag. Mag jʉ̃gdee peer quintal ãbpaím sĩejim.

Woun Meu

³⁹ Mag hat'aadëm hee hĩchab Nicodemojã bëejim. Hich hag Nicodemo hajim biek hãb hedaar hich Jesús dʌ̈i hiyʌ̈ʌ hat'urtarr. Nicodemoou jʌ̃gdee mirra hanʌm dʌ̈i áloe hanʌmta sĩi jʌser hãbam hee waaurëu sim waibëejim, hagua hi k'a p'uraag. Mag jʌ̃gdee peer quintal hãbpaím sĩejim.

San Juan 19:39 Iomraidhean Croise

San Mateo 12:20

Mag i pʉibarm chan õor dau aphʉʉ khitheem khʉʉn warag dau aug waupiegjã khaba, ni ich iek gaai ubʉ khaba khitheem khʉʉn okhoopiegjã khaba, warag ich meebarm gaaimua õor ʉu peerdʉju ayaa apiegta pʉiju.

San Mateo 19:30

Pari mag ed ãaur khʉʉn ar mʉig eegar aawai amachta chikham khãaijã ʉ̃rʉʉcha nʉm aajerr khʉʉnta ʉ̃gthar Ẽwandam aar paaukhaimaawaijã jũrr serbiibacha aajerrjoo nʉisijugui ajim. Maimua jũrr ar mʉ gaaimua chikhamnau serbiibag pheejerr khʉʉnta jũrr warm khʉʉn khãaijã ʉ̃rcha nʉisijugui a iekhamajim ich Jesuu, marag ũrmkhĩir.

San Mateo 2:11

Mag barwia, chi chaai kherarr aar dubnaa ooimaawai, chadcha chi chaaidam ich María dʉi ooimajierram anaabá. Magbaawai ag khĩirphee jĩepor phõbkhanaa i ajaug tho iekhajierram aajem, ich reikhaju igwi. Magnaa amach nem wai beetarr eem phĩr maimua incienso mirra dʉi thũpha khitheem aunaa irig deejierram aajem.

San Marcos 16:1

Mag thumaam khʉʉn jua ʉ̃i kheeujem ed kheubaadeewai María Magdalena, ãbakhai María Santiago ãd maimua Salomé dʉi amach thãrjupam khʉʉnau jʉ̃gdee perkha sĩujierram aajem, agua Jesús kha phuraan maag.

San Juan 12:3

Mag nʉmta ich Lázaro ʉ̃phʉi ãbakhai María jʉ̃gdee narrdo chaar den nem parhẽpagkham dʉi dubchejim. Mag dubchewia, chigagjã igba, agua Jesús bʉ sũgnaa deeu ich porbʉʉupai jʉʉupʉijim. Mag nem thũpag sĩewai mag irua Jesús bʉ agua sũgbaadee sĩi dijã enter thʉ̃ap joisijim.

San Juan 12:7

Judaau mag iekhabaawai Jesuu irig, —Ideu irig jʉ̃gdeeu mʉ bʉ sũgpibá ajim. Jã i den nau jopcha mʉ meebaadeewai agua mʉ kha phuraag sĩi ãkha wai sĩerr khabahab ajim irig.