San Juan 19:34 - Wounaan Meu

³⁴ Pari mag mee kherʉm ãba, soldaaunau chadcha mee sim khap aag awi, ãbmua i ãi ee thutkhereu su oojim. Magbaawai bag choorbabaadem dʉi maach chodamta dojo dau bʉ̃ʉ choorba thʉnʉisijim.

Woun Meu

³⁴ Pari mag mee k'ërʌm hãba, soldaaunau chadcha mee sim k'ap haag hawi, hãbmua hi hãi hee t'utk'ërëu su hoojim. Magbaawai bag choorbabaadëm dʌ̈i maach chödamta döjö dau bʌ̃ʌ choorba t'ʌnʌisijim.

San Juan 19:34 Iomraidhean Croise

San Mateo 27:62

Ag noram sĩi jua ʉ̃ʉijerr ed, wajapcharan sabarhedma, chi phadnaan pornaan Moiseeu Ẽwandam iek phã pʉarr wajapcha ʉʉrkhaajerr khʉʉn dʉi Pilato aar wetwia

San Juan 19:33

Pari Jesús denjã agjo bʉbrewaag awi oowai, ya chi meemta jiir jochkherajim. Mag oobaimaawai i bʉ bʉbreubajierram.

San Juan 20:20

Magnaa chadcha marag ich jua oopinaa ich ãi ee thutkhereu sutarrjã oopibaawai maar onee aphobaadejim, deeu maach daúacha maach Por oobaawai.

Hechos 22:16

Magnaa mʉrʉg, “¿Jãimua pʉ khani nʉ chirʉ́ma? ajim. Phiidʉwi, pʉch por choopibá. Magnaa Ẽwandamau pʉch khaibag chugpaamkhĩir Jesucristoog jeeubá” ajim ich jooi Ananiaau mʉrʉg.

1 Corintios 1:30

Maimua pãachin chadau ich Ẽwandamauchata pãar Jesucristo bʉ ogdʉba phe wai sĩebma. Ich mag Cristo gaaimuata ĩchab maadeu Ẽwandam khĩirjug wai nʉm; i gaaimuata ya peerdʉwia sĩi pekau chukhu arrjo nʉm; i gaaimua ĩchab Ẽwandam iek ʉkha nʉmua warag bãau wetum; ich Jesucristo gaaimuata Ẽwandamau maach per autarrjo naawai i denkha nʉm; mag i denkha naawai ãba ichigpaita jeeupiejem.

1 Corintios 6:11

Ãaur khʉʉn pãar ee cha mua jaau chirʉmjota thʉnaajim warrgar. Mamʉ ĩs ya maach Por Jesucristo gaaimua ich Ẽwandam Akharau ya pãar khaibag thum ʉpʉiwia ich atheepaita nem wajapham appai wau wenʉrramkhĩir pãar jʉr aujim. Mag nʉm dʉi warr pãar i dʉi iekkhõr pom wenʉrrarrjã, maach Por Jesucristoou Ẽwandam Akhaar dʉimua ʉu pãar peerdʉ auwia pekau chukhu arrjo pãar wai sim.

Efesios 5:26

Cristoou mag ich thõopitarran, maach peerdʉajem iek ũr nʉm dʉi dich por choopibarmua ajaug paapʉiwi ich atheepaita nem wau wenʉrramkhĩir ajim.

Tito 2:14

Ich mag Jesucristota maach kõit ʉdʉraa ich thõopijim, magbarmua maach khaibag thum chugpaapʉiwia maach peerdʉ awaag, mag peerdʉ auwia ya ich den chaarkha nʉisiewai jũrr ãba ich atheepaita nem ajapha waum khõsi wauju khĩirju wenʉrramkhĩir.

Hebreos 9:13

Iin chadcha mag amau chĩb bag phak emkhoi bag dʉi aunaa, ĩchab mag phak ʉʉidam phaatarr khʉrr mephorrag pa simjã do ee waaureunaa, leíu jaau sim chaaur waubarm gaaimua Ẽwandamag jeeujujã khaba sĩi ãr sĩsim anʉm ʉ̃r jĩpheewaijã, ʉ̃rpain ʉu chadcha ajaug paa nʉmjo aajem, deeu Ẽwandamag jeeuju ayaa apieg.

Hebreos 9:22

Ajapcharan mag ley jooi gaai jaau sim oowai, Ẽwandamag jeeuwain peer nem thʉnʉm thumta bagau jĩpheejeejim anaabá, chi jeeuju khʉʉnpa, Ẽwandamag jeeuju ayaa amkhĩir. Maguata bag ãrba chan pod pekau chugpaa auba aajeejim aajem.

1 Pedro 3:21

Ich jãg Noé ich chaain dʉi mag dohãd eemua peerdʉtarrjo, maachjã agjo do ee por choo nʉmuata maach peerdʉ nʉmjã õrag khaphʉ apiejem, Jesucristo iiu phiidʉarr gaaimua peerdʉ naawai. Pari mag doou por choo nʉm chan maach mor chi ʉ̃rʉmta ʉpʉyaag khaba, Ẽwandamag dich thãarta ajaug paapi jeeunaa ichdeu khõsimjo wenʉrraagta mag por choojem.

1 Juan 5:6

¿Pari jãga mag Jesús Ẽwandam Iewaakha sim maadeu khaphʉ nʉ? Jesús por choo nʉm aig ich Ẽwandamaucha ʉ̃gtharmua jaauwia pakuls gaai ya meemaa aawaijã agjo jaautarr aawaima. Mag nʉm dʉi ich Ẽwandam Akhaar chadcha nem jaaujemuajã khaphʉ apiejem, Jesús chadcha Ẽwandam Iewaakha sim.

Apocalipsis 7:14

Magbaa mua irig, —Señor, pʉchdeuta khap chirabahab, mua chan khaugba chirʉm a chirajim. Magbaa ichdeu mʉrʉg jaaubaadewi magjim: —Jãkhʉʉnan Ẽwandamau õor okhĩirjug pooma api nʉm jaar ʉu i iek ogdʉba ʉkha durrawia peerdʉtarr khʉʉnaugui ajim. Magua khabahab ajim, jãg am khajũa bäpphä jũa sĩsidʉm, chadcha ich chi Cordero bag ãrtarrauta amach khaibag thum chugpaatarr aawai.