San Juan 19:30 - Wounaan Meu

³⁰ Mag ich i aig ʉa athaawai sĩi ag gaai bereu oowi, —Ĩsin chad thumaa aaipa sĩsimgui a khitawia, mʉ dakhĩraa eeg ʉ̃thʉbaadewi warag chaaupabaadejim.

Woun Meu

³⁰ Mag hich hi haig hʌa hat'aawai sĩi hag gaai bereu hoowi, —Hĩsin chad t'umaa haaipa sĩsimgui ha k'itawia, mʌ dak'ĩraa heeg hʌ̃t'ʌbaadëwi warag chaaupabaadëjim.

San Juan 19:30 Iomraidhean Croise

San Mateo 20:28

Mʉ pãar khãai Emkhooi Iewaakha chirʉmjã mag sĩi mʉch garmua chikham chogaagjã beebajim. Mʉ beetarran sĩi chikhamnag mʉch chogamkhĩirta beejimgui ajim, mag chitʉmua chikham jua machgau thõowi mag thõobarm gaaimua õor pom sĩi amach pekau ee preso sĩsidʉmjo nʉm khʉʉn obeerkhapäain.

San Mateo 27:50

Mag jochkherʉʉ awia, thet äa a khitawia, warag chaaupabaadejim.

San Mateo 3:15

Magbaawai Jesuu, —Ideu magma ajim anʉm. Ichiita maadeu Ẽwandamau jaau simjo i ipierr thumaa nem wauju aai naabahab ajim anʉm. Magbaawai Juanau, —Magan chadau ajim aajem.

San Marcos 15:37

Pari mag nʉm ee deeu Jesuu thet äa a khitawia warre chaaupabaadejim anaabá.

San Lucas 22:37

Mua pãrag mag chirʉmʉn, Ẽwandam iek phã sim gaai jaau simjo ya mʉch thõimʉʉ paawaita mag chirʉmgui ajim anʉm. Ẽwandam iek phã sim gaai mʉ igwia jaauwai, “Iin, õor thõomiejota wai naaju” a sim. Mʉ igwia ich mag phã sim aawai chadcha thum ichdeu jaau sim eyaa obeberg maju a jaaumajim aajem.

San Lucas 23:46

Mag edau khĩbaadeewai Jesuu thet, —¡Tata! Nau mʉ chaaupabaadeewai puata mʉ akhaardam khap chirʉmgui ajim anʉm. Mag iekha khitʉm ee warag maach chaaupabaadejim aajem.

San Juan 10:11

Magnaa, Mʉʉta Pastor chaar chi wajapcharamʉugui ajim. Pastor chi wajapham abarmʉn ich nemchaain peerdʉ awaagjã ichta ʉdʉraa thõopiejemgui ajim.

San Juan 10:18

Mag mʉch thõopiju a chirʉm chan, ajués chikhamnauta mʉrʉg magpi naawai khaba, mʉch khĩrauta õor kõit mʉch thõopijugui ajim, am peerdʉ awaag. Mʉ Ayau mʉrʉg magta apitarr aawai mua chadcha ʉdʉʉr mʉch thõopiju aai chirʉm. Pari deeu ũwaai mag iiu phiidʉagjã jua theeg chirʉmgui ajim am jʉ̃g daar.

San Juan 17:4

’Pua mʉchig phidag deetarr thum mʉg jẽb gaai waubarmua mua õrag khaphʉ apibarmgui ajim, pʉʉta chadcha Ẽwandam chi jua thierriu.

San Juan 19:28

Mʉg jẽb gaai ichdeu nem wauju arr thumaa ya ichdeu waubarm khaphʉ sĩerr aawai mag mʉrʉg ich ãd mʉch dʉi wai joothʉmkhĩir jaautarr khur nʉʉ awia, —Mʉ obichaaga thʉnʉmgui ajim chi Jesuu. Pari magtarran ag nawe Ẽwandam iek phã sim gaai jaau simjo ich mag iekhaju atarr aawai ajim.

San Juan 4:34

Pari maar mag iekha nʉm ũrbaawai Jesuu marag, —Mua mag thach khoju wai chirʉm a chirʉmʉn, Ẽwandamauta mʉ pʉitarr aawai irua khõsi simjota nem wau chirʉmʉugui ajim, mʉchig phidag jaaupʉitarr thumaa opʉyaag.

Romanos 10:4

Pari ãba Cristo maach kõit meetarr iek ʉkha nʉm gaaimuapaita Ẽwandamau mag pekau chukhu arrjo apäaijem. Magua, Cristo gaaimua khaba sĩi ley ʉʉrkha nʉmua chan peerdʉju ẽkhaju khaba nʉm.

Romanos 3:25

Warrgarwe ichdeu õor peerdʉ aaujeewai chadcha õor pekau wau nʉmjã oobamjota am aaujeejim, ich Iewaa pʉi nʉm ora. Pari ĩs ya Ẽwandamau mag Jesucristota õor kõit thõmkhĩir pʉibarmua maachig khaphʉ api sim, chadcha warrgarm khʉʉnjã auju aai sĩejim. Pari mag auju ayaa apiegan Cristo meewia ich bag ãrbarmua ichta õor pekau chugpaajem khapijim, ich Ẽwandamau.

1 Corintios 5:7

Pãrau khaphʉm, phiesta Pascua ee paawai levadura thum barkhʉʉijem. Ich agjo khabahab Cristo meetarr gaaimua maach khaibag chugpaa athamjã. Mag sĩewai mag levadura denjo pãach thumaam khʉʉn ãrpi sim woun warre pãach eemua chawag jʉrbapʉit. Mag jʉrbapäaiwain chadau Pascua ee khoog pan levadura chukhu wau simjo pãar eejã mag khaigba nʉrrjeem gaaimua levadura denjo bigaaum khʉʉnpa ãrpiju khʉʉn chukhu aju.

Filipenses 2:8

Mag wounag pawia, wounaan ee sĩeichewia, sĩi chikhamnaanagta ʉdʉraa ich dʉi amachdeu ampierr apijim. Mag Ẽwandam ipierraa am khõchgau sĩi õor thõomie arrjo ʉdʉraa pakuls gaai ich meerphe thõopijim.

Hebreos 12:2

ãba Jesús gaaita dich khĩirjug sĩuju aai nʉm. Ichdeuta warrjã ʉu maachig Ẽwandam iekjã ʉkhapiwi mʉg atagjã parta ʉkha naajim apibaju, ich Ẽwandamau maach dʉi wauju jaautarr thum chadcha oopiju aawai. Ich Jesuuta chi khaigbacharam khʉʉnjo pakuls gaai ʉdʉraa ich thõopibajieb, chigagjã igba, mag ich thõopibarmua õor peerdʉ athaawai ichpa onee ich mag sĩerraju khaphʉ sĩerr aawai. Ichta ĩchab ich Aai jup sim khu juupjem gaai dʉi i juachaar garcha ãba jupimawi ich mag sĩerrʉm.

Hebreos 9:22

Ajapcharan mag ley jooi gaai jaau sim oowai, Ẽwandamag jeeuwain peer nem thʉnʉm thumta bagau jĩpheejeejim anaabá, chi jeeuju khʉʉnpa, Ẽwandamag jeeuju ayaa amkhĩir. Maguata bag ãrba chan pod pekau chugpaa auba aajeejim aajem.