San Juan 19:27 - Wounaan Meu

²⁷ Maimua jũrr mʉrʉgjã oonaa agjo, —Ar pʉam mʉ ãd, puata mʉg atagjã i khap chirʉmgui ajim. Mʉchig magtarr aawai mua chadcha ich ag edwe mʉch di aar i arrwia, mʉch ãdjo mʉch dʉi wai chirsijim.

Woun Meu

²⁷ Maimua jũrr mʌrʌgjã hoonaa hagjö, —Har pʌam mʌ hãd, puata mʌg hatagjã hi k'ap chirʌmgui hajim. Mʌchig magtarr haawai mua chadcha hich hag hedwe mʌch di haar hi harrwia, mʌch hãdjö mʌch dʌ̈i wai chirsijim.

San Juan 19:27 Iomraidhean Croise

San Mateo 25:40

Magbaawai deeu ich Jesuu amag, “Pãrau chadcha mʉchcha chan oobajierram, pari pãrau jãg dau aphʉʉ khithee arr khʉʉndam dau aug khaugwi am dʉi jãgtarr aig, mʉchchata dau aug khaug nʉmjo naabajieb” aju aajem amag.

San Marcos 3:34

Magnaa ich bigaau ohoodo narr khʉʉnag eerpanaa magjim anʉm: —Chamʉ khʉʉnta mʉ ãd anaa mʉ eeugpeenau.

San Lucas 18:28

Magbaawai Pedroou irig, —Maraun chad pʉ dʉi wenʉrram khõchgau maach nem wai narrjã ewag khĩirjuba, sĩi thum phepʉawi pʉ dʉi ogdʉba wenʉrrabma ajim anʉm.

San Juan 1:11

Ich durr gaai beetarrta, mag amach ee pierrumjã õrau i igbajierram.

San Juan 16:32

pari magtarrau oo chirakhimgui ajim. Ya pãar jĩerraugwia mʉch appai barpʉaju ora paagpam. Mag pãrau mʉch appai mʉ barpʉawiajã mʉch ap khaba chirʉmgui ajim, mʉ Aai mʉ dʉi sĩewai.

Hechos 21:6

Mag Ẽwandamag jeeuwia, thumaam khʉʉn dʉi agdaujo ayoo ayoo naawi, marau maach wetju barco ee waaidʉtkhabaadeewai amachjã ĩchab amach diig durr paaukhabaadejim.