San Juan 19:17 - Wounaan Meu

¹⁷ Mag i athaadewi soldaaunau irig ag gaai ich meerphe jiirjopju pakulspai warrpibaawai ag dʉi opheeu gaai maa ajim, Porpá Durrsĩ anʉmʉg. Ich mag durrsĩpai maach hebreonaan meúa Gólgota aajem.

Woun Meu

¹⁷ Mag hi hat'aadëwi soldaaunau hirig hag gaai hich meerp'ë jiirjopju pakulspai warrpibaawai hag dʌ̈i höp'ëeu gaai maa hajim, Pörpá Durrsĩ hanʌmʌg. Hich mag durrsĩpai maach hebreonaan meúa Gólgota haajem.

San Juan 19:17 Iomraidhean Croise

San Mateo 10:38

Chi mʉ dʉi nʉrram khõsi simuan warre ich phithurg au nʉrrajujã khaphʉ aju aai sim, mʉ gaaimua chikhamnau ich thõoju khaphʉ awiajã ich mag mʉ bʉ ogdʉba nʉrraju aawai. Mag ãwatbaju chan parta ideu khõs mʉ dʉi sim a iekhajugui ajim.

San Mateo 16:24

Maimua ichdeupai jũrr maach thumaam khʉʉnagta, —Chadcha pãrau mʉ iek pãach thãraucha ʉkha nʉm khai, magan mua nem waupi jaau chirʉm appaita waubat, “Mʉchdeuta khap chirʉm mʉchdeu nem wauju” a iekhaba. Mʉ gaaimua chikhamnau pãach dau aphʉʉ thõoju khĩirjuwia khãijã magʉmjã igba waragta ʉkhanaat ajim.

San Mateo 27:37

I meerphe jiir wejom por ʉ̃r ẽsapdau phãkha sim gaai jaau sĩejim, khan gaaimuata i mag wai naajĩ. Chi ẽsapdau gaai “Chamʉʉta Jesuu, Judionaan Rey” a phã sĩejim.

San Marcos 10:21

Mag wounau mag iekhabaawai Jesuu i dau ee aug khaug paraa eerpanaa irig, —Mamʉ agtha pua nem khĩir ãb wauju waaur wai sĩebahab ajim anʉm. Pʉch diig mawia, nem thum pʉchdeu wai sim perkhʉʉipʉinaa, mag phatkhon jũrr dau aphʉʉ khitheem khʉʉnag thum jigbapʉi ajim anaabá. Maimuan chadau mʉ ẽudee pidú ajim anʉm, chadcha mʉ dʉi chitam khõsi chirʉm khai. Pua magmʉn ʉ̃gthar pawiajã bʉ̃ʉrjã augcheba phatkhon khãai nem ajapham pomta wai chirsijugui ajim anʉm irig.

San Marcos 15:26

Mag i meerphe wai narr pakuls gaai i por ʉ̃r ẽsapdau phã sĩejim anaabá. Mamʉ mag nem khaigbam wautarr jaauju chukhu arr aawai sĩi “Judionaan Rey” a phã sĩejim.

San Marcos 15:32

Magnaa ichigcha iekhamamua, —Israelam Rey, ¿pʉch khabá õor peerdʉ aumkhĩir Ẽwandamau pʉitarr? Magan pakuls gaaimua eeg ʉʉrbabaad anaajim aajem. Pʉ chadcha maar dakhĩir eeg ʉʉrbamʉn, maach daúacha oobaawai marau pʉ iek ʉkhaju anaajim anʉm irig. Ich dʉicha mag ãba õor numí agjo pakuls gaai narr khʉʉnaujã irig iek khaigba iekha naajim aajem.

San Marcos 8:34

Magwia Jesuu ich aig õor thʉnarr khʉʉn dʉi ich khapeenpa ãba thʉ̃rkha aunaa magjim anʉm: —Chadcha pãrau mʉ iek pãach thãraucha ʉkha nʉm khai, ed eepierr magan mua nem waupi jaau chirʉm appaita waubat ajim anʉm, “Mʉchdeuta khap chirʉm mʉchdeu nem wauju” a iekhaba. Mʉ gaaimua chikhamnau dau aphʉʉ pãach thõoju khĩirjuwia khãijã, magʉmjã igba, waragta ʉkhanaat ajim anʉm.

San Lucas 14:27

Ar chi mʉ dʉi nʉrram khõsi simuan warre ich phithurg au nʉrrajujã khaphʉ aju aai simgui ajim anʉm, mʉ gaaimua chikhamnau ich thõoju khaphʉ awiajã ich mag mʉ bʉ ogdʉba nʉrraju aawai. Mag ãwatbaju chan, parta ideu khõs mʉ dʉi nʉrrʉm ajugui ajim anʉm.

San Lucas 23:26

Mag wai naawia Jesús thõopʉyaan athaadeeu, woun Simón anʉm Cirenepierr phobor ee urum dʉi thẽubaawai, chi soldaaunau Jesuu arrmaa arr pakuls jũrr i opheeu ʉ̃r jiirpʉijierram aajem, Jesús mam ẽudee arramkhĩir.

San Lucas 23:33

Maimua buchagdam “Porpá durrsĩ” anʉm gaai waaidʉtkhawia pakuls gaai i meerphepʉijierram aajem, maimua i bigaau chi khaibagnaanjã agjo, ãb i juachaar gar maimua ãb i juawe gar.

San Lucas 23:38

Maagwai i meerphe jiir wejom por ʉ̃r ẽsapdau phãkha sim gaai jaau sĩejim aajem, khan gaaimuata i mag wai naajĩ. Chi ẽsapdau gaai “Chamʉʉta Jesuu, judionaan Rey” a phã sĩejim aajem. [Chi ẽsapdau phã sĩejim aajem griegonaan meúa, latín meúa maimua hebreonaan meúajã agjo.]

San Lucas 9:23

Maimua thumaam khʉʉnag eerpa eerpanaa, —Chadcha pãrau mʉ iek pãach thãraucha ʉkha nʉm khai, magan mua nem waupi jaau chirʉm appaita waubat ajim anʉm, “Mʉchdeuta khap chirʉm mʉchdeu nem wauju” a iekhaba. Mʉ gaaimua chikhamnau pãach dau aphʉʉ thõoju khĩirjuwia khãijã magʉm igba, waragta ʉkhanaat.

San Juan 19:13

Mag serereukham ũrwia, Pilatoou Jesús dawag warrpi jaaujim. Magwia, dʉi ichpa oberchewia sie gaai oo sĩsijim, warre thumaam khʉʉn dakhĩir jawaag. Mag i oo sĩerr aig “Empedrado” a thʉ̃ʉrjem, mokdaúa joothʉthʉʉd wau sĩerr aawai; ich mapai hebreonaan meúa Gabata a thʉ̃ʉrjeejim.

San Juan 5:2

Mag Jerusalén phobor ee dubaag “Ovejanaan Puertdi” a thʉ̃r sim dakha thʉ̃rrdo juau wautarr estanque anʉm sim. Mag thʉrrdo thʉ̃r hebreonaan meúa Betesda aajem. Mag thʉ̃rrdo igaau pórticos anʉm cinco naajim.

Hechos 7:58

Maimua i pʉrphobaadewi, phobor igaau arrnaa, jũrram khʉʉnau mokou barphobaadejim aajem, i thõopäaig. Maagwai warrcha chi thethem khʉʉnag i khĩir seukha iekha narr khʉʉnau amach khajũa ʉ̃rʉm ẽerkhanaa, woun ãb Saulo anʉmʉg phedeejierram aajem, amach mamagkhamich pʉrmkhĩir.