San Juan 18:4 - Wounaan Meu

⁴ Pari mag beewia amau ich dʉi magcheju ich Jesuu khaphʉ sĩerrjã, warag am khĩirphee mawia amag, —¿Pãar khaita jʉr wenʉrrʉ́? a jeeujim amag.

Woun Meu

⁴ Pari mag bëewia hamau hich dʌ̈i magchëju hich Jesuu k'ap'ʌ sĩerrjã, warag ham k'ĩirp'ee mawia hamag, —¿Pãar k'aita jʌr wënʌrrʌ́? ha jëeujim hamag.

San Juan 18:4 Iomraidhean Croise

San Mateo 16:21

Maimua jaaumamua ich Jerusalenag majujã jaaujim. Mag Jerusalén pabaimaawai jooin chi porkha nʉm khʉʉnau phadnaan chi porkha nʉm khʉʉnaupa Moisés iek jawaag chi machnaan dʉimua ich dau aphʉʉ wai naawi ich thõojujã jaaujim. Mamʉ mag amau i thõowiajã deeu ũwaai khãai thãrjup nʉm ee deeu ich iiu phiidʉjujã jaaujim.

San Mateo 26:2

—Pãrau khaphʉ nʉmgui ajim, mʉigmua khãai numí nʉm ee phiesta Pascua burrju. Mʉg phiesta eeta õrau mʉch chi Emkhooi Iewaa pʉr deejugui ajim, pakuls gaai meerphe thõomkhĩir.

San Mateo 26:21

Mag ãba kho nʉmuata ichdeu marag magjim: —Cha mʉ iekha chirʉm iekhau mʉig maach ãba nʉm khʉʉn ee ãbmua wir aig mʉ oomapham khʉʉnag mʉ pʉr deeju ajim.

San Mateo 26:31

Mam panaa Jesuu marag, —Ẽwandam iek phã sim gaai, “Mua chi pastor thõobapäaiwai chi ovejanaandam parhooba aaidʉju” a simjo, ĩsim edaar pãrau mʉ mʉch ap barpʉawi thumaa aaidʉtkhajugui ajim.

San Lucas 24:44

Mag ãwarrdam kho aaipawiata amag, —Keena, mʉg mʉch õrau thõojuuta mua pãrag jaaujeejimgui ajim anʉm, agtha maach ãba wenʉrraajeewaijã. Moiseeu Ẽwandam iek phãtarr gaai mʉ igwia jaau simjo, ichiita ich jãg mʉch dau aphʉʉ ajujã jaaujeejimgui ajim anʉm, mua pãrag. Maimua Ẽwandam i jaaumienau phãtarr gaaijã jaaunaa Davidau ẽsap Salmos anʉm phãtarr gaaijã mʉ igwia ich mag phã sĩsid aawai, chadcha ichdeu jaautarrjoo thum ag eyaa oberjimgui ajim anʉm amag.

San Juan 13:1

Ya phiesta Pascua anʉm burrju khãai ãbpai waaur sĩejim. Maagwai Jesuu khaphʉ sĩejim, ya ichdeu mʉg durr werpʉawi deeu ich Aai dʉi ãba sĩeimaju ed pabaadem. Thum mʉg jẽb gaai maar ich denkha durrarr khʉʉnan bʉ̃ʉrjã chig aba jãsehne aajeejim. Maagjerr aawai ya ãbmiecha amau i thõoju ed paawaijã agtha ichdeu maar khõsi sim khaphʉ apijim.

San Juan 13:11

Irua mag maar ee ãb thãar wajap khaba sim a sĩerran, maach eem ãbmua imeraa wir aig ich pʉr deeju khaphʉ sĩerr aawaita mag sĩejim.

San Juan 18:5

Magbaawai amachdeu, —Maran Jesús Nazaretpierrta jʉr nʉmgui ajim. Ichig magbaawai, —Mʉ khabahab ajim ich Jesuu.

San Juan 18:7

Magbaawai deeu ich Jesús garmua amag, —¿Ma pãar khaita jʉr wenʉrrʉmma? ajim. Magbaawai deeu amachdeu, —Maran Jesús Nazaretpierrta jʉr wenʉrrʉmgui ajim.

San Juan 19:28

Mʉg jẽb gaai ichdeu nem wauju arr thumaa ya ichdeu waubarm khaphʉ sĩerr aawai mag mʉrʉg ich ãd mʉch dʉi wai joothʉmkhĩir jaautarr khur nʉʉ awia, —Mʉ obichaaga thʉnʉmgui ajim chi Jesuu. Pari magtarran ag nawe Ẽwandam iek phã sim gaai jaau simjo ich mag iekhaju atarr aawai ajim.

San Juan 6:64

Pari mua mag jaau chirʉm ee pãar ee ãaur khʉʉnau mʉ iek ʉkhaba thʉnʉmgui a iekhamajim. Jesuu amag mag iekhatarran, warrgarwejã chijã khʉʉnauta i iek chadcha ʉkhaba naaju a khaphʉnaa chijãguata wir aig i oomapham khʉʉnagjã ich pʉr deeju a khaphʉ sĩerr aawaita mag iekhapʉijim.

Hechos 2:28

“Pʉchdeuta pʉch aarcha obeerjem khʉdau mʉrʉg khaugpijim, maagwai pʉch dʉicha chiraimaawai mʉ onee chirsijugui” ajim anʉm. (Sal. 16:8-11)

1 Pedro 4:1

Mag, Cristojã maach gaaimua õrau mas wautarr aawai pãarjã agjo i gaaimua dau aphʉʉ aag magʉm abaju aai nʉm. Cristo gaaimua dau aug wau nʉmjã magʉm aba, waragta i ipierraa jʉmpʉpʉikhamʉn, pekaujã maach dʉi jua theeg chukhuta aadeejem,