San Juan 18:25 - Wounaan Meu

²⁵ Mag mam Jesús dʉi mamag khaawai Pedroon agtha jĩchgau õt khãkhãai khajim. Mag i õt khãkhãaikham eeta ãbmua irig, —¿Pʉjã ar woun ierr wai nʉm dʉi wenʉrraajem khʉʉn eem khabá? ajim. Magbaawai Pedroou seukha, —Ʉ̃hʉ̃, mʉ chan am eem khabam, mua i khaugba chitʉmgui ajim.

Woun Meu

²⁵ Mag mam Jesús dʌ̈i mamag k'aawai Pedroon hagt'a jĩchgau hõt k'ãk'ãai k'ajim. Mag hi hõt k'ãk'ãaik'am heeta hãbmua hirig, —¿Pʌjã har woun hierr wai nʌm dʌ̈i wënʌrraajem k'ʌʌn heem k'abá? hajim. Magbaawai Pedroou sëuk'a, —Hʌ̃hʌ̃, mʌ chan ham heem k'abam, mua hi k'augba chitʌmgui hajim.

San Juan 18:25 Iomraidhean Croise

San Mateo 26:69

Mag chi thethem khʉʉnau Jesús dʉi mamag khaawai Pedro iek i daaugajãr ũjãrr oo chirajim aajem. Mag i oo chirʉm aigta, mag degam ʉʉi chi di khʉʉn chog beewia irig, —Pʉjã ĩchab jãg Jesús Galileapierr dʉi nʉrraajemʉugui aichejim anʉm.

San Marcos 14:66

Mam ierr Jesús dʉi mamag khaawai Pedro iek i di ũjãrr chirajim aajem, daaugajãr. Maig i chirʉmta i aig ʉʉi ãb beejim aajem, phadnaan thumaam khʉʉn porkha sim ag chog.

San Lucas 22:55

Mag chi phadnaan por aar deethurwia chi Jesús ierr wai nʉmich, jũrr di ũjãrr õt orwia ag bigaau ohood aphobaadejim aajem. Magbaawai Pedrojã ĩchab am bigaau oo sĩsijim anʉm.

San Lucas 22:56

Mamʉ i mag oo simta, aiguim ʉʉi ĩchab chi phadnaan por chogkha sim beewia, i khĩir eerpanaa, warm khʉʉnag, —Chamʉg wounjã ĩchab i dʉi nʉrraajemʉu aichejim anʉm.

San Lucas 22:57

Magbaawai Pedroou, —Mua magʉm wounaan ooba chitʉmgui ajim anʉm.