San Juan 18:20 - Wounaan Meu

²⁰ Magbaawai Jesuu irig, —Mʉʉn thumaam khʉʉn dakhĩirta nem jaau chitaajemgui ajim anʉm: judionaan Ẽwandam iek ũraag ãba biirdʉajem deg, maimua Aai i jeeujem deg thumaam khʉʉn ãba biirdʉajem eejã agjo. Maagjeewai mʉ bʉ̃ʉrjã nem meraa jaautarr chukhu chitʉmgui ajim anʉm.

Woun Meu

²⁰ Magbaawai Jesuu hirig, —Mʌʌn t'umaam k'ʌʌn dak'ĩirta nem jaau chitaajemgui hajim hanʌm: judionaan Hẽwandam hiek hũraag hãba biirdʌajem deg, maimua Haai hi jëeujem deg t'umaam k'ʌʌn hãba biirdʌajem heejã hagjö. Maagjeewai mʌ bʌ̃ʌrjã nem meraa jaautarr chuk'u chitʌmgui hajim hanʌm.

San Juan 18:20 Iomraidhean Croise

San Mateo 24:26

Ya mag khaphʉ naawai ãbmua khãijã pãachig, “Õor maba aajem aarta sim” a jaauwai oob aar oon wetmiet ajim. Wa magbam khai, “Mʉig simta ich oopiba sim” a jajaaukhawiajã oob ʉkhamiet ajim.

San Mateo 26:55

Mag iekhapʉiwia jũrr ich pʉr awaan beetarr khʉʉnagta, —¿Pãrau oowain mʉʉn sĩi õor nem jĩgkhanaa õor thõomiejota chirab ajim jãg pãrau sĩi mʉ aig jua ee jierrnempan appai beeg athee? Ag na ed eepierr pãrag mua Aai i jeeujem deg Ẽwandam i jaaujeewai bʉ̃ʉrjã pãrau mʉ pʉr aubajierram.

San Mateo 26:65

Mag ũrbaawai chi phadnaan porou ich khajũa mor gayamta sʉrr abarmʉn, warre nem pom jẽ werppʉijim anaabá. Magnaa, —Mʉg wounau iekha sim chan ʉu khaba sim. Maach wounaan thum ãba thʉnʉmta iita mag Ẽwandam Iewaa anaab. Ya pãrau pãach jʉ̃gʉucha ũrbarm.

San Mateo 4:23

Mag nʉrrʉmua Galilea igaau Jesuu jaau phʉʉrdʉ nʉrraajeejim aajem, phobordam khekhedʉm ee judionaan Ẽwandam iek jaaujem di sĩsidʉmpierr. Mag jaau nʉrrʉmʉn maach peerdʉajem iekta jaaunaa ĩchab Ẽwandamagta dich Porkhapiju aai nʉm aajeejim aajem. Mag nʉm dʉi õor amach khamor machagpierr ich aig wai bee nʉmʉn monaaupʉinaa sĩi kha mamachdogpa chugpaapʉi maajeejim anaabá.

San Mateo 9:35

Jesús phoborpierr nʉrrʉmua didam khapan khaba khekhedʉm eem magwe phʉʉrdʉ nʉrraajeejim. Mag nʉrrʉmua Ẽwandam iek jaaujem deg dubwi maach peerdʉajem iek jaaumamua, “Ẽwandamta maach thumaam khʉʉn Porkhaimʉʉ sim; magua irigta ideu pãach thãar ajaug paapibat” a jaaujeejim. Mag nʉm dʉi ĩchab õor khamor machagjã khĩirpierr monaaumaajeejim, kha mamachdogpa.

San Marcos 8:32

Mag, ich dau aug wauju ich khapeenag ũramkhĩir ajapha jaaumajim aajem. Mag irua iekhabarm ũrbaawai Pedroou Jesús chawag warrwia irig, —¿Khantheeta pʉ mag iekha sĩma? Õrau pʉ dʉi magju khaba nʉmgui ajim anʉm irig.

San Lucas 21:37

Mag jaau simua ãsdaaupain sĩi Jesuu Aai i jeeujem deg õrag jaaujeejim aajem, Ẽwandam iek. Maimua edaar paawaita jũrr durrsĩ Olivo anʉm gaai mawia ich mam eejeejim aajem.

San Juan 18:21

Magnaa, ¿Khanthee pua mʉrʉgta jeeu sĩ? Amauta jaauju aai naabá ajim anʉm, khanta mua amag jaaujeejĩ. Amau meraa khaba nʉmgui ajim anʉm, mua amachig jaaujerr.

San Juan 6:59

Jesuu amag mag iekhatarran Capernaum phobor ee judionaan Ẽwandam iek jaaujem di wai narr eeta mag jaaumajim.

San Juan 7:14

Pari jũrram khʉʉnau mamagkham ee, mag nʉm dʉi ĩchab chi phiestajã seman jãrr pamam eeta barwia, Aai i jeeujem deg dubwia, õrag Ẽwandam iek jaau sĩeimajim.

San Juan 7:26

¿Jãga jãg õor pom thʉnʉm dakhĩir amachigcha mag iekhamamjã bʉ̃ʉrjã i chig aba nʉmma? ¿Wa ya chi thethecharam khʉʉnaujã, “Jãata chadcha warrgarwe ich Ẽwandamaucha pʉiju jaaujerr” a nʉwa? aajeejim.

San Juan 7:28

Mamʉ jũrram khʉʉnau mamagkham ũrwia mag Aai i jeeujem deg ichdeu jaau sĩerr aigmua ich Jesuu khĩesir iekhamamua, —Magan pãraun mʉch chi wounjã khaphʉnaa ĩchab mʉ durrjã khaphʉ naabma ajim. Pari mʉ chan pãrau khĩirju nʉmjo sĩi mʉch khĩrau beetarr khabam. Mʉʉn ãb pãrau khaugba naab mamʉ, bʉ̃ʉrjã seu chukhu sĩerrʉmuata pʉijimgui ajim. Ma pãrau khaugba nʉmgui ajim, khai agá.

San Juan 7:4

Maadeu thumaam khʉʉnag dich khaphʉ apim khõsi chirʉm chan, sĩi dich appaita meraa nem wauba aajem. Jãg pʉch nem wau sim thumaam khʉʉnag khap amkhĩirta waubá ajierram irig.

San Juan 8:2

Maimua ag noram edpherre deeu beewi Aai i jeeujem deg sĩeichejim. Mag i maig sĩeichem khaug athaawai i aig õor bee thʉnʉisijim. Magbaawai khʉt jupwi Ẽwandam iek jawaagpajim.

San Juan 8:26

Mʉch garmuan mua pãar jaauju akhiin, jaauju pooma chirʉm. Mamʉ magʉmta jaauba, ãba chi mʉ pʉitarrau jaaupitarrpierrpaita jaau chitʉmgui ajim. Pãrau mʉ iek ʉkhamapha naab mamʉ, mua jaau chirʉmʉn thum chadcharaugui ajim, chi mʉ pʉi simjã chadchata iekhaajeewai.

Hechos 26:26

Magʉm iek rey Agripaaujã wajapha khaphʉ simgui ajim anʉm. Mag irua khaphʉ sim mʉchdeu khaphʉ chiraawai ĩs mag irig mʉch iek ũrpim okhota mʉ iekha chirʉmjã aba chirʉmgui ajim anʉm. Õor ãbpaimuajã khaba, ni õor chukag eejã khábata Jesús thõowia deeu iiu phiidʉba arr aawai, chadcha irua meraajã khaba sim mua khaphʉ chirʉmgui ajim anʉm.