San Juan 18:19 - Wounaan Meu

¹⁹ Mag chi Jesús ich aar wai barbaimaawai chi phadnaan por Anás anʉmua irig maar i dʉi wenʉrraajem khʉʉnjã jeeunaa irua marag jaaujemjã jeeumajim aajem, khanta marag jaaujẽ a khap aag. Maagwai mʉ Pedro dʉi daaugajãr di ũjãrr chirajim.

Woun Meu

¹⁹ Mag chi Jesús hich haar wai barbaimaawai chi p'adnaan pör Anás hanʌmua hirig maar hi dʌ̈i wënʌrraajem k'ʌʌnjã jëeunaa hirua marag jaaujemjã jëeumajim haajem, k'anta marag jaaujẽ ha k'ap haag. Maagwai mʌ Pedro dʌ̈i daaugajãr di hũjãrr chirajim.

San Juan 18:19 Iomraidhean Croise

San Mateo 26:57

Mag i pʉr awaan beetarr khʉʉnau warre phadnaan por Caifás aarta athaadejierram, mamta Moiseeu ley phã pʉarr jawaag chi machnaan dʉi jooin chi thethemnaanpa dʉi ãba biirdʉ narr aawai.

San Marcos 14:53

Soldaaunau mag Jesús pʉr auwia ãb mag phadnaan thum thʉnʉm khʉʉn porkha sim aar warrjierram aajem. Mag mam i wai dubphobaadeewai aig pos aimajierram anaabá: tagam khʉʉn chi phadnaan porkha nʉm khʉʉn, judionaan Asamblea eem chi pornaan, maimua agjo Moiseeu Ẽwandam iek phã pʉarr jawaag chi machnaanpa thum ãba.

San Lucas 20:20

Mag amach dʉita õor meeukhapiju khãai sĩi õor jʉr auwia chi Jesús sim aar pʉijierram aajem, makhʉʉnau chadcha khaugba aawaita irig jeeu nʉm awia jeeubaimaawai, jaauju khaugba ipeerdʉ khãijã jaaubapäaiwai, magʉm gaaimua gobernador aar i pʉr arraag.