San Juan 17:6 - Wounaan Meu

⁶ Maimua jũrr maar kõit ich mag Ẽwandamag jeeumamua magjim: “Sĩi mʉg durr gaai parhooba thʉnʉm khʉʉn eemua pʉchdeucha jʉr auwia pʉch iek ʉkhapi autarr khʉʉnagan ya mua jaaujimgui ajim, pʉ jãga sĩerrʉ́. Warrgarwe pʉch denkha auju arr khʉʉn aawai pua mʉrʉg deejimgui ajim, mʉ dʉi mʉg ogdʉba wenʉrramkhĩir. Pua mʉrʉg amag jaaupitarr mua jaauwi, ʉkhawi, ĩsin ʉu pʉchdeu khõsimjota wenʉrrʉmgui ajim, maar igwia.

Woun Meu

⁶ Maimua jũrr maar kõit hich mag Hẽwandamag jëeumamua magjim: ’Sĩi mʌg durr gaai parhooba t'ʌnʌm k'ʌʌn heemua pʌchdëucha jʌr hauwia pʌch hiek hʌ̈k'api hautarr k'ʌʌnagan ya mua jaaujimgui hajim, pʌ jãga sĩerrʌ́. Warrgarwe pʌch dënk'a hauju harr k'ʌʌn haawai pua mʌrʌg deejimgui hajim, mʌ dʌ̈i mʌg hogdʌba wënʌrramk'ĩir. Pua mʌrʌg hamag jaaupitarr mua jaauwi, hʌ̈k'awi, hĩsin hʌ̈u pʌchdëu k'õsimjöta wënʌrrʌmgui hajim, maar higwia.

San Juan 17:6 Iomraidhean Croise

San Juan 1:18

Ãbmuajã Ẽwandam chi Aai chan bʉ̃ʉrjã ooba aajem. Pari ich chi Chaai ãbpai khitʉmjã ich Aai dʉi ãbam Ẽwandamkhanaa i dʉi ãba sĩejeewai i oo nʉm gaaimuata chi Aaijã warag maadeu khaphʉ paaukhamam, í jãga sĩerrʉ́.

San Juan 12:28

Maimua sĩi ich Ayag, —Tata, muan mʉch gaaimuata sĩi thumaam khʉʉnaujã pʉrʉgta ãba ee apim khõsi chirʉmgui ajim. Pari irua magbaawai ʉ̃gtharmuata woun iekjo, —Ya pʉ gaaimua õrau mʉrʉg ee abarm; pari ichiita warag mʉchig ee apijugui ajim.

San Juan 15:19

Pãraujã am denjo mʉ iek ʉkhaba nʉm akhiin, amau pãar daupii akham, amach igar nʉm khʉʉn dʉi aajemjo. Pari pãar am eemua mua mʉch athee jʉr autarr aawai amau pãar oomapha nʉmgui ajim, ya pãar amach dʉi khaba naawai.

San Juan 15:3

Pãran ya nemjĩir arg ee nʉmjota nʉmgui ajim, mua pãachig nem jaautarr thum ipierraa ʉkha nʉm gaaimua.

San Juan 15:7

’Pãrau mʉ kha ogdʉba mua pãachig jaautarr ipierraata wenʉrrʉmʉn, pãachdeu nem waupim khõsimta mʉrʉg jaaubat, magbaa mua waub khaba waujugui ajim.

San Juan 17:12

Mʉg jẽb gaai mʉchta am kha ogdʉba chitaawain pua mʉrʉg jua theeg deetarrau mua am chig apiba thʉa wai chitajimgui ajim, magamkhĩirta pua amag mʉ iek ʉkhapitarr aawai. Mag am thʉa wai chitaawai ãbjã okhooba, ãba ya ag nawe chi okhoom arr appaita okhoobarmgui ajim. Dau ãb jãgbarmʉn, jãan pʉch iek phã sim gaai jaau simjo ich jãgju arr aawai ajimgui” ajim, Judas igwia.

San Juan 17:14

Pua amag pʉch iek jaaupitarr ya mua amag jaauwia ʉkhatarr aawai ya am maach deneugui ajim. Mag gaaimua pʉ iek ʉkhaba nʉm khʉʉnau jũrr am kha khõchkhaba wai nʉmgui ajim, tag amach igar khaba naawai.

San Juan 17:16

Tata, pua khaphʉ simgui ajim, mʉ mʉig eegarm khaba chirʉm. Magua mʉ khapeenjã ya sĩi mʉig eegar parhoobam khʉʉnjo khaba thʉnʉm, am mʉ dʉita wenʉrraawai.

San Juan 17:2

Mʉ pʉch Iewaa aawai pʉchdeuta mʉrʉg mʉg durr gaai thumaam khʉʉn khãaijã iek theeg ʉ̃rpai apinaa, pʉchdeu mʉch iek ʉkhapimam khʉʉnjã ĩchab mʉch dʉi ich mag wenʉrraju aai apieg ʉu pua mʉrʉg pʉch jua theegjã deejimgui ajim.

San Juan 17:24

Magnaa deeu ũwaai, “Tata, mua khaphʉ chirʉmgui ajim, mʉ ũwaai pʉ aar chiraimaawai ich jãg warr mʉg jẽb ompaaju nawe pua chadcha mʉ khõsi pʉch dʉi ãba chi jua thierrkha wai chirarrjo deeu pua mʉrʉg ich ag jua theeg deeju. Pari mag pʉ aar chiraimaawai mʉch khapeenjã ĩchab mʉch chirʉm aigta mʉch dʉi phe wai chitam khõsi chirʉmgui ajim, mag jua theeg pua deeu mʉrʉg deebarm amag oomkhĩir.

San Juan 17:26

Ya mua amag jaaujim, pʉ jãga sĩerrʉ́. Pari ichiita warag mua amag ich jãg jaau chitajugui ajim, ich jãg pʉchdeu mʉ daupii wai simjo amaujã jũrr agdaujo amach khapeen kha khõsi amkhĩir. Amag magamkhĩran, mʉchta am dʉi chitajugui” a iekhamajim ich Ayag maar kõit.

San Juan 17:7

Ya ĩsin amau khaphʉ nʉmgui ajim, nem thum mua waunaa jaaujerr pʉchdeu mʉchig jaaumampierr mua wau chitarr.

San Juan 18:9

Jesuu mag “Ideu mʉ khapeen wetpibat” atarran, ag nawe ichdeu maar igwia, “Tata, pʉchdeu mʉ iek ʉkhapitarr khʉʉn chan ãbjã okhooba abarm” atarr aawai ajim, maar eem khʉʉn ãbjã chig am ugua.

San Juan 6:37

Thum mʉ Ayau mʉ iek ʉkhapi nʉm khʉʉnaun mʉ ig nʉm. Mag mʉch ig nʉm khʉʉnan mua aub khaba aujugui ajim.

San Juan 6:39

Ich chi mʉ pʉitarr Jooiraujã khõsi simʉn, mag ya mʉch õorkha thʉnʉm khʉʉn eem ãbjã okhoopiba, sĩi mʉg durr o nʉm edjã deeu phiriutkha aupim khõsita simgui ajim.

San Juan 8:51

Magnaa, Ĩs mua chadcha chi mua jaau chirʉm ipierraa sim woun chan thõbaju a chirʉmgui ajim ich Jesuu.

San Juan 8:52

Pari magbaawai chará chi judionaanau, —Ĩsta chadcha marau wajapha pʉ khaphʉ nʉm: Pʉʉn chadcha por ee dosãt wai simuata mag iekhapi simgui ajierram. ¿Khani Abranjã meewia maimua tagam khʉʉn agjo Ẽwandam i jaaujerr khʉʉnjã thumaa otarrta mag pʉ ipierraa nʉm khʉʉn chan khechbaju a nʉ?

Hechos 13:48

Pabloou Bernabé dʉimua mag jaaubarm ũrwia judionaan khabam khʉʉnau amach jʉ̃gʉucha mag amjã peerdʉju aai nʉm a ũrbaawai onegau, “Keena, mʉg Ẽwandam iekhan chadcha chi ajaphamʉugui” ajierram aajem, chadcha thãraucha amachdeu ʉkha nʉm iekhau. Mag thumaa ʉkhatarr khʉʉnan, nawe Ẽwandamau ichdeu oowai ich iek ʉkhaju khaphʉ wai sĩerr khʉʉn ajim.

Romanos 11:2

Ẽwandamau warrgarwe ichdeu õor jʉr autarr khʉʉn chan isegba sim. ¿Pãrau khĩir eyaa khaba nʉ, warr jooingar Ẽwandam i jaaujem khʉʉn pom khechtarr jaar jooi Eliaau Ẽwandamag jeeumamua ya i ich appaita chirʉm a iekhatarr?

2 Corintios 4:6

Ar mʉg durr ompaa naawaijã sĩi ich iekhaupai khĩchag eemua ararag ompaa autarr ich ag Ẽwandamaupaita ich iekhau maach khĩirjug aardʉ athamjo ajim, magbarmua maach Ẽwandam thumaam khʉʉn khãai wajaug sĩerrʉmta Jesucristo gaaimua khaphʉ nʉisimkhĩir.

Colosenses 3:16

Agjo ĩchab Cristoou maach peerdʉ aaujem iek pãachdeu khaugtarrta khĩir okhooba ich mag pãach thãar ee wai nʉisit. Mag iek warag khaugmaag, khĩirjug khaphʉta jũrr agdaujo pãach khapeenag jaaupetat. Mag nʉm dʉi ĩchab wawimamua jũrr agdaujo chikham khĩir onee apibat. Chadcha thãraucha Ẽwandamag ʉu ajim anaa irig meukharau Salmos aunaa deeum meukhaarjã i jʉ̃gaagaamta aubat.

2 Timoteo 1:13

Timoteo, ar iek wajapham maach Ẽwandam den mua jaau chitarr ũrwi pʉchdeu khaugtarrta wajap khĩir eyaanaa agpierr chitá. Magnaa jãg pʉchdeu ʉkhatarr iek ich jãg ogdʉba ʉkhanaa, Cristoou ich garmua maach khõsi arr gaaimua i dʉi wenʉrraawai, pʉch khapeen kha khõsi chitá.

Hebreos 2:12

Mag ichdeu maach ich eeugpeen ich dʉi aai ãbam khʉʉnkha wai sim igwi, ich Ẽwandam iek phã sim gaai mag sim: “Tata, mua mʉch eeugpeenag jaauju pʉ jãga chirʉ́; magnaa mʉchdeupa am dʉi pʉ thumeukharju” a sim. (Sal. 22:22)

Hebreos 3:6

Mamʉ Cristo Jesús chan magba, Jesuun ich Iewaa chaar ichdeu pʉitarrau. Magtarr aawai ichdeuta maach ich Aai õorkhaju khʉʉn thum peerdʉ auwi ichdeuta khap sim, ichig jaautarrjo. Maata i phidag aawai i gaaimuata maach mʉg Ẽwandam denkha nʉm. Majã chadcha mag i õorkha naawai parta i iek ʉkhaba nʉm khaphʉnaa onee irua maach ich aar phe auju khĩirjugta ogdʉba wenʉrrʉmʉn mamʉ.

1 Pedro 1:1

Mʉʉn Pedroou, Jesucristooucha ich i jaaumkhĩir jʉr autarr. Pãar pãach durr chaaur parhooba aaidʉ durrum khʉʉnag muata pãrag mʉg ẽsap phã deepʉi chirʉm: Ponto anʉm durram khʉʉnag, Galaciapienag, Capadociapienag, Asiapienag maimua Bitiniapienagjã agjo; ajapcharan maach meeun thum maach peerdʉajem iek ʉkha nʉm gaaimua durr chaaur dʉr durrum khʉʉnagma.

1 Juan 5:20

Maadeu khaphʉ nʉm ĩchab, Ẽwandam Iewaa maach ee beewiata maachig khĩirjug deechejim, Ẽwandam chaarta wajapcha khap amkhĩir. Mag gaaimuata maachin chadcha ich Ẽwandam chaar dʉita wenʉrrʉm, pari wajapcharan chi Iewaa Jesucristo dʉijã agjo naawai mamʉ. Mag Cristota Ẽwandam chaar anaa maach ich mag iiupiejemʉu.

Apocalipsis 2:13

I iek pua nem waaujem thumaa irua khaphʉ chirʉm aajem. Pʉ sim phobor dosãt phobor anaabá. Mamʉ irua khaphʉ chirʉm aajem, magʉm ãba pua ich kha ogdʉba khitʉm. Irua khaphʉ chirʉm aajem, ar Antipas khararrau ich daúacha oowia ich iek jaau khitʉm athee chi dosãt igar thʉnarr khʉʉnau i thõo nʉm jaarjã, pua ãsie pʉchdeu ich iek ʉkhatarrjã isegba chadcha ĩsjã agtha ich mag ich kha ogdʉba khitʉm.

Apocalipsis 3:10

Pʉchdeu irua jaautarr ipierraanaa bʉ̃ʉrjã jua ʉ̃yaajã khaugba khitaajeewai irua pʉ thʉa wai chitaju aajem. Ichdeuta mag pʉ thʉa wai chirʉm chan mʉg jẽb gaaim khʉʉn thum Ẽwandamau chachwi okhĩirjug pooma thʉnʉm jaarjã pʉ warm khʉʉnjo khabaju anaabá, ichdeuta pʉ thʉa wai sĩewai.

Apocalipsis 3:8

I iek pua nem wau simjã irua thumaa khaphʉ chirʉm aajem. Irua khaphʉ chirʉm aajem, chadcha pʉ chan magcha nem jua theeg khaba khitʉm; mamʉ magʉm ãba, pua i ipierraa khitaajem aajem. Pua ãsie i igwi, “Mua chan tag i iek ʉkhabamjã” aba, ich mag ogdʉba ʉkha khitʉm aajem. Pʉch mag khitʉm gaaimua irua pʉ na puertdi weeu wai chirʉm aajem, ich iek jaauju ayaa amkhĩir. Mag puertdi chan ni ãbmuajã pod phãar aubam aajem.