San Juan 17:3 - Wounaan Meu

³ Mag am ich mag mʉ dʉi wenʉrraagan, amau pʉjã khaphʉnaa mʉjã khaphʉ aju aai nʉmgui ajim: ãba pʉʉta Ẽwandam charau, maagwai mʉ Jesucristo, pʉchdeu pʉitarr.

Woun Meu

³ Mag ham hich mag mʌ dʌ̈i wënʌrraagan, hamau pʌjã k'ap'ʌnaa mʌjã k'ap'ʌ haju haai nʌmgui hajim: hãba pʌʌta Hẽwandam charau, maagwai mʌ Jesucristo, pʌchdëu pʌ̈itarr.

San Juan 17:3 Iomraidhean Croise

San Marcos 9:37

—Mʉg chaai agtha ich juau paba aawai serbiiba khitʉmjo õor thʉnʉm thum mua khõsi chitʉm. Pãrau mʉ denjo mʉg khitheem ãb khãijã jãsenkhawia pãach di aig aumʉn magan pãrau mʉchchata khĩir jãsenkhabarmjo abarm ajim anʉm. Mag pãrau ʉdʉraa pãach aig mʉ baarpi nʉm aiguin magan pãrau mʉ Aaijã khõsi nʉmgui ajim anʉm, ichdeuta mʉ pʉitarr aawai.

San Lucas 9:48

—Mʉg chaai agtha ich juau paba aawai serbiiba khitʉmjo õor thʉnʉm thum mua khõsi chitʉm. Pãrau mʉ denjo mʉg khitheem ãb khãijã jãsenkhawia pãach di aig aumʉn, magan pãrau mʉchchata mag khĩir jãsenkhabarmjo abarmgui ajim anʉm. Mag pãrau ʉdʉraa pãach aig mʉ baarpi nʉm aiguin magan pãrau mʉ Aaijã khõsi nʉm anʉm, ichdeuta mʉ pʉitarr aawai. Mua pãrag jaaukhimgui ajim anʉm: Ar amachdeupai khĩirjuawai thumaam khʉʉn khãyaujã chaai bʉ̃rʉʉmdamjo serbiiba nʉm a khĩirju nʉm khʉʉnta warm khʉʉn khãyaujã ʉ̃rʉʉcha nʉmgui ajim anʉm chadcha, Ẽwandam dau na.

San Juan 10:36

Ich Ẽwandamauta ich aarmua mʉ jʉr auwia mʉg jẽb gaai pʉitarrta, ¿jãga pãrau mʉrʉg mag mua khaigba iekha chirʉm abarju, mua Ẽwandamag Aai icheewai?

San Juan 11:42

Mua khaphʉ chirʉmgui ajim, mua pʉchig jeeuwai pua mʉ iek ʉkhaajem. Pari magʉm ãba, ichiita thumaam khʉʉn jʉ̃g daar mua thet mag ʉu ajim a chirʉmgui ajim, thumaam khʉʉnag chadcha pʉchdeuta mʉ pʉijim a khap amkhĩir.

San Juan 14:26

Pari mʉ jũrr mʉ Ayau ich Akhaar pãar khĩir jãsenkhamkhĩir pʉibaawai maguata jũrr pãrag nem thumaa jaaunaa mua pãachig jaaujerrjã deeu thumaa pãrag khĩir eyaa apijugui ajim.

San Juan 17:18

Ich jãg pʉch iekta mʉg durr gayam khʉʉnag jaaumkhĩir pʉchdeu mʉ pʉitarrjo, ich agjo pʉch iek ʉkhaba thʉnʉm khʉʉnag ich ag iek jaaumkhĩirta muajã jũrr am pʉi chirʉmgui ajim.

San Juan 17:21

Tata, jãg maach numijã o ãba naajemjo, ich agjo ĩchab amjã maach dʉi o ãbata phe wai chitapim khõsi chirʉmgui ajim. Mag amʉn magan bigaaum khʉʉnaujã mag oowia khaphʉ aju, puata mʉ pʉijim.

San Juan 17:23

Magua, mʉ am dʉi chirʉm aig, pʉjã mʉ dʉi sim, mag nʉmua maach thum o ãba naag. Maagwai pʉ iek ʉkhaba nʉm khʉʉnaujã khaphʉ aju, puata chadcha mʉ pʉijim. Mag gaaimua ĩchab khaphʉ ajugui ajim, ich jãg pʉchdeu mʉ khõsi simjo amjã pua khõsi chirʉm.”

San Juan 17:25

Tata, puata thumaam khʉʉn dʉi chadcha nem agcha waaujeewai pʉrʉgta jeeu chirʉmgui ajim. Ar pʉ iek ʉkhaba nʉm khʉʉnau chan pʉ khaugba nʉm, mag amachdeu ʉkhaba nʉm gaaimua. Pari õor pom sĩi pʉ khaugba thʉnʉm daar, muan pʉ khaphʉ chitʉm; maagwai cha mʉ dʉi durrum khʉʉnaujã puata mʉ pʉitarr khaphʉ nʉmgui ajim ĩchab.

San Juan 17:8

Pua jaaupitarr iek ya mua amag jaaujim; mag jaaubaawai amachdeujã ʉkham khõsi ʉkhajierramgui ajim. Magnaa ich Ayag maar kõit iekhamamua, Ya amau ʉkha nʉmgui ajim, chadcha pʉ aarmuata mʉ beejim, pʉchdeu mʉ pʉiwia.”

San Juan 3:17

Ẽwandamau mʉ pʉitarr chan, sĩi õor khaibag waupi jaaumkhĩir khaba, sĩi am peerdʉ aumkhĩirta mʉ pʉijimgui ajim irig.

San Juan 3:34

Í chadcha ich Ẽwandamauchata pʉitarr aawai ich Ẽwandam khĩirjugta jaau simgui ajim anʉm, magamkhĩirta irig ich Akhaarjã phẽs dee sĩewai.

San Juan 5:44

¿Jãga pãrau mua nem jaau chirʉm ʉkhabarju ajim, jãg Ẽwandam ichta ãbpai khitʉmta pãachdeu nem wau nʉm gaaimua onee apiju khĩirjubanaa ãba pãach khapeenagpaita pãach thopim khõsi thʉnʉm?

San Juan 6:57

Mʉ Aai mʉ pʉitarrjã mee khaugba sĩerraawai mʉchjã i gaaimuata ich mag iiu chitʉm. Maagwai ĩchab chi mʉ modta thachjo wajap kho sim khʉʉn, ich jãg mʉjã mʉch Aai gaaimuata ich mag iiu chitaajemjo, mag wounjã ĩchab mʉ gaaimuata mʉg atag pawiajã ich mag iiu sĩsijugui ajim.

San Juan 7:29

Mʉchdeun mua i khaphʉ chirʉmgui ajim, i aar chirawia beetarr aawai. Ichdeuta mʉ pʉijimgui ajim.

San Juan 8:19

Magbaawai chi fariseonaanau, —Magan ¿jam sĩ pʉ aai? ajierram irig. Magbaawai Jesuu, —Pãrau chan mʉjã khaugba, ni mʉ Aaijã khaugba nʉmgui ajim. Pãrau mʉ oo naawai mʉ khaphʉ naakhiin, ĩchab mʉ Aaijã khaphʉ naakhamgui ajim, i jãga sĩerrʉ́.

1 Corintios 15:34

Khĩirjug khaphʉ aajeethʉ̃. Mua ũr chirʉm, mag maach meebarm chan tag phiidʉba aajem a jaaujem khʉʉn pãach eepaijã thʉnʉm anʉm; mamʉ mag thʉnʉmjã pãar bʉ̃ʉrjã chigaa khabamjota aajerram, amag iekhabanaa sĩi ũrbamjo aawai. Pãrau khaugba nʉ, chi mag nʉm khʉʉn chan Ẽwandam igar khaba, ni bʉ̃ʉrjã i khaugba naawaita mag nʉm. Magʉm khʉʉn pãach ee wai naaba warre jʉrbapʉit. Mʉch iek ũrwia khĩir naaumkhĩir ĩs chadcha mʉ mag iekha chirʉm pãrag.

1 Corintios 8:4

¿Õrau juau nem wautarrta ẽwandam awia agʉg jeeu nʉmua ag khĩirphee nemek wai narr khoju aai nʉ wa khoju khaba nʉ? Maadeu khaphʉ nʉm, õraun juau nem wautarrta ẽwandam anaab mamʉ, bʉ̃ʉrjã baleeba sĩsidʉm. Maach Ẽwandam charan ãbpaita khitʉm.

2 Corintios 4:6

Ar mʉg durr ompaa naawaijã sĩi ich iekhaupai khĩchag eemua ararag ompaa autarr ich ag Ẽwandamaupaita ich iekhau maach khĩirjug aardʉ athamjo ajim, magbarmua maach Ẽwandam thumaam khʉʉn khãai wajaug sĩerrʉmta Jesucristo gaaimua khaphʉ nʉisimkhĩir.

Filipenses 3:10

Muan Ẽwandamagta warag mʉchig ajapcha Cristo khaphʉ apim khõsinaa ĩchab Cristo iiupi autarr ag jua theegta mʉchig deepim khõsi chirʉm; magbaawai mua i denjo gaai machag ãwatju aainaa ĩchab ijo thõju akhiinjã, warag thãar phĩiuwia khĩirjuba thõog.

Filipenses 3:8

Warran mʉʉn chadcha magʉmʉg ee chitajim. Mamʉ maagjerr ĩsin jũrr mʉʉn Jesucristo deneu. Iita mʉ Porou. Tag ijo nem ajapham chan chukhum. Ʉ̃gthar oberaag awi warrgar mʉchdeu nem wau chitarr, ĩs mʉgnaa oowai chan bʉ̃ʉrjã maadeu nem igbata sĩsidʉm. Ajapcharan sĩi mag mʉch khõchagpierr nem wau chitarr thum mua isegjim, jũrr Cristo denkham khõchgau.

1 Tesalonicenses 1:9

Marau amachig jaauju nawe amach garmuata marag jaau nʉm, marau pãar oon weetwai jãga pãrau maar pãach ee baarpijĩ, maimua jãga parhoobam nemta pãach ẽwandamkha wai nʉnʉid arrjã isegmajierrá, jũrr Ẽwandam chaar chadcha iiu sĩejemʉgpaita jeeu wenʉrraag.

2 Tesalonicenses 1:8

Mag i urum edan ar õrau ich igmapha aajerr khʉʉn dʉi maach Por Jesuu õor peerdʉ aaujem iek jaauwaijã asekasmapha aajerr khʉʉn gaai mas deenta urum.

Hebreos 3:1

Magua hermanonaan, pãar ar Ẽwandam dʉipai wenʉrrʉm khʉʉn, ar maachta ich aar phe awaag ich chaainkha autarr khʉʉn, pãade mʉ iek ũrbat: Jesucristota chadcha ich Ẽwandamaucha ich iek jaaumkhĩir jʉr auwi pʉitarrau. Ichta ĩchab ĩsin warrgar phadnaan por aajerrjo maach kõit Ẽwandam dʉicha iekhaajemʉu. Ʉu i gaaimua maadeu chadcharam iekta ʉkha nʉm.

2 Pedro 1:2

Pãar kõit jeeu chiraajem, jãg pãachdeu warag Ẽwandam khaug wetum dʉi maach Por Jesujã khaphʉcha paaukhamam gaaimua ʉu pãar dʉrrcha eeg oonaa pãar khõinaa phe wai sĩemkhĩir.

2 Pedro 1:3

Ẽwandamaun maachig chadcha ich iek ʉkha nʉm khʉʉnjo ich atheepai nem ajapha wau wenʉrrajuuta khap apim khõsi sim. Magaag atheyan ich iiu aawai maadeu nem igju thum warre khĩir khaug sĩubarmjota ajim: Nacha maachig Cristota ajapha khaphʉ apijim, ar ichdeu nem ajapham appai waunaa ich ajaugjã oopi nʉmua maach ichig paa autarr ag Cristo.

2 Pedro 1:8

Cha mʉchdeu pãrag jaau chirʉmjo, chadcha mag ajapha nem wau nʉmuata warag pãachdeu ʉkhatarr iek gaai ubʉ paaukhamamʉn, magan pãar serbiibajã khaba, ni sĩi parta maach Por Jesucristo khaugjierramjã abaju.

1 Juan 1:2

Mag ichdeuta õor Ẽwandam aar obeerpiwia ich mag iiupiejemʉn warrgarwejã ich Aai dʉita sĩejeejim; pari magtarrta dau daaucha ich oopien beewia marau maach daúachata i ootarr aawai maachdeu ootarrta jaau nʉm.

1 Juan 1:3

Mag maach daúacha oowia maach jʉ̃gʉucha ũrtarrpa pãrag jaau nʉmʉn, mʉg maachjã ich Jooi chaar dʉijã khapeerkhanaa chi Iewaa Jesucristo dʉijã khapeerkha nʉmjo ĩchab pãarjã maach dʉi khapeerkhanaa õor ãbpaimjo naamkhĩrau.

1 Juan 2:23

Ar chi Ẽwandam Iewaa Cristo iekjã ʉkhaba simuan waragta Ẽwandam chi Aaijã iseg sim; magarrau ar chadcha Ẽwandam Iewaa Cristo igar simʉn chadau ĩchab chi Aai dʉijã khapeerkha sim.

1 Juan 4:6

Pari maach agjo mʉig eegarm khʉʉnkha nʉmta jũrr Ẽwandam denkha nʉm. Maagwai chi Ẽwandam amach thãar ee wai nʉm khʉʉnaupaita maach iek ũrm khõsi ũurjerram. Pari Ẽwandam den khabam khʉʉnau chan bʉ̃ʉrjã maachdeu jaau nʉm iek ũrmapha aajem. Maguata ãbmua khãijã Ẽwandam iekta jaau nʉrrʉm anʉmta maadeu jaau nʉm ũrmapha simʉn magan maig merag chukhu sim, chadam iek jaauba sĩi chikham khũguraagta mag nʉrrʉm.

1 Juan 5:20

Maadeu khaphʉ nʉm ĩchab, Ẽwandam Iewaa maach ee beewiata maachig khĩirjug deechejim, Ẽwandam chaarta wajapcha khap amkhĩir. Mag gaaimuata maachin chadcha ich Ẽwandam chaar dʉita wenʉrrʉm, pari wajapcharan chi Iewaa Jesucristo dʉijã agjo naawai mamʉ. Mag Cristota Ẽwandam chaar anaa maach ich mag iiupiejemʉu.