San Juan 17:25 - Wounaan Meu

²⁵ Tata, puata thumaam khʉʉn dʉi chadcha nem agcha waaujeewai pʉrʉgta jeeu chirʉmgui ajim. Ar pʉ iek ʉkhaba nʉm khʉʉnau chan pʉ khaugba nʉm, mag amachdeu ʉkhaba nʉm gaaimua. Pari õor pom sĩi pʉ khaugba thʉnʉm daar, muan pʉ khaphʉ chitʉm; maagwai cha mʉ dʉi durrum khʉʉnaujã puata mʉ pʉitarr khaphʉ nʉmgui ajim ĩchab.

Woun Meu

²⁵ Tata, puata t'umaam k'ʌʌn dʌ̈i chadcha nem hagcha waaujeewai pʌrʌgta jëeu chirʌmgui hajim. Har pʌ hiek hʌ̈k'aba nʌm k'ʌʌnau chan pʌ k'augba nʌm, mag hamachdëu hʌ̈k'aba nʌm gaaimua. Pari hõor pöm sĩi pʌ k'augba t'ʌnʌm daar, muan pʌ k'ap'ʌ chitʌm; maagwai cha mʌ dʌ̈i durrum k'ʌʌnaujã puata mʌ pʌ̈itarr k'ap'ʌ nʌmgui hajim hĩchab.

San Juan 17:25 Iomraidhean Croise

San Mateo 11:27

Mag ich Ayag ʉu ajim awia jũrr aig narr khʉʉnagta, —Nem thum mʉg thʉnʉmʉn mʉ Ayau mʉrʉgta deejimgui ajim anʉm. Mamʉ ãbmuajã khaugba sim, khai agá i Iewaa. Ãba ich mʉ Ayaupaita khaphʉ sim, chadcha mʉ i Chaairau. Mʉg nʉm aig ãbmuajã khaugba sim, khai agá mʉ Aai. Ãba mʉch chi Chaairaupaita mʉch Aai khaphʉ chitʉm. Bigaaum khʉʉnau khaphʉ aju awiajã, mʉchdeu amag jaaubarm khʉʉnaupaita ĩchab khaphʉ aju aai nʉmgui ajim anʉm.

San Mateo 16:16

Magbaawai Simón Pedroou, —Pʉ Cristo khabahab ajim irig, ich Ẽwandam Iewaa warrgarwe ichdeu jʉr auwia õor peerdʉ aumkhĩir pʉiju a jaaujerr.

San Lucas 10:22

Maimua jũrr chi aig narr khʉʉnagta magjim anʉm: —Nem thum mʉg thʉnʉmʉn mʉ Ayau mʉrʉgta deejim. Mamʉ ãbmuajã khaugba sim, khai agá mag Ẽwandam Iewaa. Ãba ich mʉ Ayaupaita khaphʉ simgui ajim anʉm, chadcha mʉ i chaairau. Mʉg nʉm aig ãbmuajã khaugba sim, khai agá mʉ Aai. Ãba mʉch chi Chaairaupaita mʉch Aai khaphʉ chitʉm. Bigaaum khʉʉnau khaphʉ aju awiajã mʉchdeu jaaubarm khʉʉnaupaita ĩchab i khaphʉ aju aai nʉmgui ajim anʉm.

San Juan 1:18

Ãbmuajã Ẽwandam chi Aai chan bʉ̃ʉrjã ooba aajem. Pari ich chi Chaai ãbpai khitʉmjã ich Aai dʉi ãbam Ẽwandamkhanaa i dʉi ãba sĩejeewai i oo nʉm gaaimuata chi Aaijã warag maadeu khaphʉ paaukhamam, í jãga sĩerrʉ́.

San Juan 15:21

Amau mag amachdeu am aig pãar khaibag wauju a chirʉmʉn, pãach mʉ dʉi khapeerkha nʉm gaaimuata pãar dʉi amau magju. Pari mag nʉmʉn, mʉ pʉitarr Ẽwandam amachdeu khaugbam gaaimuata pãar dʉi amau magjugui ajim marag.

San Juan 16:3

Mag amau pãar dau aug wau nʉmʉn, agtha bʉ̃ʉrjã mʉ Aai khaugba ni mʉjã khaugba aawaiu.

San Juan 16:30

Ya ĩsin chad marau khaphʉ nʉmgui anaajim, pua chadchata nem thum khaphʉ sim. Maguata bʉ̃ʉrjã pʉchig jeeubamjã pua maar khĩirjug khaphʉ jaaubapʉim. Maguata marau khaphʉ nʉmgui ajim, pʉ chadcha Ẽwandam sim aarmuachata beejim.

San Juan 17:11

Magnaa, “Tata, mʉ chan tag mʉg durr gaai chitabajugui ajim, deeu pʉ dʉi ãba chiraag ũwaai pʉ aar maagpaawai. Pari mʉ khapeen chan wetba, ich mʉig eegar nʉisijugui ajim, maar igwia. Maagwai pʉrʉgta am kõit mua jeeu chirʉmgui ajim, pʉchpaita thumaam khʉʉnau ee aju aai naawai. Pʉch iekhau pua am chig apiba, pʉchdeu mʉrʉg deetarr jua theegau am thʉa wai chirsí ajim, ich jãg maach numijã o ãba nʉmjo amjã ich mag o ãba wenʉrramkhĩir.

San Juan 17:18

Ich jãg pʉch iekta mʉg durr gayam khʉʉnag jaaumkhĩir pʉchdeu mʉ pʉitarrjo, ich agjo pʉch iek ʉkhaba thʉnʉm khʉʉnag ich ag iek jaaumkhĩirta muajã jũrr am pʉi chirʉmgui ajim.

San Juan 17:21

Tata, jãg maach numijã o ãba naajemjo, ich agjo ĩchab amjã maach dʉi o ãbata phe wai chitapim khõsi chirʉmgui ajim. Mag amʉn magan bigaaum khʉʉnaujã mag oowia khaphʉ aju, puata mʉ pʉijim.

San Juan 17:23

Magua, mʉ am dʉi chirʉm aig, pʉjã mʉ dʉi sim, mag nʉmua maach thum o ãba naag. Maagwai pʉ iek ʉkhaba nʉm khʉʉnaujã khaphʉ aju, puata chadcha mʉ pʉijim. Mag gaaimua ĩchab khaphʉ ajugui ajim, ich jãg pʉchdeu mʉ khõsi simjo amjã pua khõsi chirʉm.”

San Juan 17:3

Mag am ich mag mʉ dʉi wenʉrraagan, amau pʉjã khaphʉnaa mʉjã khaphʉ aju aai nʉmgui ajim: ãba pʉʉta Ẽwandam charau, maagwai mʉ Jesucristo, pʉchdeu pʉitarr.

San Juan 17:8

Pua jaaupitarr iek ya mua amag jaaujim; mag jaaubaawai amachdeujã ʉkham khõsi ʉkhajierramgui ajim. Magnaa ich Ayag maar kõit iekhamamua, Ya amau ʉkha nʉmgui ajim, chadcha pʉ aarmuata mʉ beejim, pʉchdeu mʉ pʉiwia.”

San Juan 3:17

Ẽwandamau mʉ pʉitarr chan, sĩi õor khaibag waupi jaaumkhĩir khaba, sĩi am peerdʉ aumkhĩirta mʉ pʉijimgui ajim irig.

San Juan 6:19

Ya maagwai maar dojãrr naajim. Cinco khabamʉn seis kilómetros khãijã naajim, dohi aigmua chi warphag. Mag nʉm eeta marau oowai, Jesuuta dojã ʉ̃r durramjo dʉdʉrg urum oophobaadejim. Mag oophobaadeewai maar jãphierr phobaadejim.

San Juan 7:29

Mʉchdeun mua i khaphʉ chirʉmgui ajim, i aar chirawia beetarr aawai. Ichdeuta mʉ pʉijimgui ajim.

San Juan 8:19

Magbaawai chi fariseonaanau, —Magan ¿jam sĩ pʉ aai? ajierram irig. Magbaawai Jesuu, —Pãrau chan mʉjã khaugba, ni mʉ Aaijã khaugba nʉmgui ajim. Pãrau mʉ oo naawai mʉ khaphʉ naakhiin, ĩchab mʉ Aaijã khaphʉ naakhamgui ajim, i jãga sĩerrʉ́.

San Juan 8:55

Mag pãachdeun, iita pãach Ẽwandam anaab mamʉ, pãrau i khaugba nʉmgui ajim. Muan chad i khaphʉ chirʉm. Mua chadcha i khaphʉ chirʉmta i khaugbam akhiin, maiguin mʉʉn seunem pãar dʉi ãbata chirʉm. Pari mua chadcha i khaphʉ chitʉm; magua mua i ipierraata nem waaujemgui ajim.

Hechos 17:23

Mua mag chirʉmʉn, pãar Aai i jeeujem dipierr phʉʉrdʉ chitʉmua oowai, pãar ẽwandamnaan thum thʉ̃r paar sĩsidʉm ee ãb sĩi thʉ̃rjã chukhu khãidu par sim aigta sĩi “Ẽwandam õrau khaugba sĩerrʉm athee” a phã sim ootarr aawaiugui ajim anʉm. Jãg pãrau pãachdeu khaugbamʉg jeeu naabá, ich mapaita muajã pãrag jaau chitabahab ajim anʉm,

Hechos 26:18

Mua am ee pʉ pʉi chirʉmgui ajim, am sĩi dau khĩsumjota naawai; pua mʉ iek jaaubaadeewai, dau egdʉtkha phobaademjo wajapha oophobaadeewai, tag amach pekau eepai khĩchag eemjo ich mag wenʉrram ugua. Mua pʉ pʉi chirʉmʉn, jãg sĩi dosãt ipierraa wenʉrraju khãai, Ẽwandamau khõsi simjota wenʉrramkhĩrau. Mag mʉ iek ʉkha phobaadeewai, Ẽwandamau amach khaibag chugpaabapäaiwain chadau, amjã judionaan chi ʉkha wenʉrrʉm khʉʉn dʉi ãba Ẽwandam chaainkha nʉisijugui” ajim. Maga maach Por Jesuu mʉrʉg iekhajimgui ajim anʉm Pabloou Agripaag, mag Damasco phoborog mamua khʉd ee Jesuu ichig iekhatarr jaaumamua.

Romanos 1:28

Amau amach garmuata Ẽwandam igba naawai ich Ẽwandamaujã amag oobamjo apʉiwia sĩi parhoobam khĩirjug maadeu igmaphamta warag ʉdʉraa amag khĩirjupi sim, magbaawai parhoobam nem wauju khabamta amach khõchagpierr waumkhĩir.

Romanos 3:11

“Ẽwandamau wajapha wenʉrrapi simjo chan ãbmuajã i denjo khĩirjuba sim; ãbmuajã i igmaphamjota sim.

Romanos 3:26

Mag, warrgar aajerrjo ĩsjã chi Jesús iek ʉkha nʉm khʉʉn chan ya tag kulp chukhu nʉm aju aai sim Ẽwandamau, chadcha am khaibag paarjã Jesuu ʉdʉraa ich thõopitarr aawai.

1 Corintios 1:21

Wajapcharan Ẽwandamau õrau amach khĩirjugaupai chan ich khaugbaju khaphʉ sĩerr aawai ich iek jaau nʉm ʉkha nʉm gaaimuata õor peerdʉ aaujem. Amau amach khĩirjugta wajaug thowi jũrr Ẽwandam iekta serbiibag pheejeeb mamʉ, mag amau serbiibag phe nʉm ʉkha nʉmuata Ẽwandamau õor peerdʉ aaujem.

1 Corintios 15:34

Khĩirjug khaphʉ aajeethʉ̃. Mua ũr chirʉm, mag maach meebarm chan tag phiidʉba aajem a jaaujem khʉʉn pãach eepaijã thʉnʉm anʉm; mamʉ mag thʉnʉmjã pãar bʉ̃ʉrjã chigaa khabamjota aajerram, amag iekhabanaa sĩi ũrbamjo aawai. Pãrau khaugba nʉ, chi mag nʉm khʉʉn chan Ẽwandam igar khaba, ni bʉ̃ʉrjã i khaugba naawaita mag nʉm. Magʉm khʉʉn pãach ee wai naaba warre jʉrbapʉit. Mʉch iek ũrwia khĩir naaumkhĩir ĩs chadcha mʉ mag iekha chirʉm pãrag.

2 Corintios 4:4

Ich chi dosãt mʉg jẽb gayam khʉʉn ẽwandamkha sĩerrʉmuata am dau khĩpi wai sim dʉi am khĩirjug ʉ̃rjã putiu borr wai simjo sim, maach Cristo thumaam khʉʉn khãai ʉ̃rpai sim iekta ʉkhapimaaugau. Mag Cristo iekhaupaita õtdau bʉʉg nem oowai khaphʉ aajemjo maachig khaphʉ api sim, Cristo gaaita ich Ẽwandam khĩir theg sim.

2 Tesalonicenses 1:8

Mag i urum edan ar õrau ich igmapha aajerr khʉʉn dʉi maach Por Jesuu õor peerdʉ aaujem iek jaauwaijã asekasmapha aajerr khʉʉn gaai mas deenta urum.

Hebreos 8:11

Magbarmʉn thum chaain bʉ̃rʉʉmdamaupa mʉ khakhapdo thʉnʉisiju aawai tag dich do ãbam eem khʉʉnagjã jaauba, ni dich khodnaanagjã mʉ iek jajaau abaju, tag magju igba aphobaadeju aawai.

1 Juan 1:9

Pari chadcha dich pekau pom nʉm khap irigta chaigpanaa dich khaigba abarm jaaumʉn, magan chadcha Ẽwandamau nem agchata waaujeewai agpierr maach khaibagjã thum chugpaapʉimaju.

Apocalipsis 13:8

Mag mepeer khumjo jojothor simʉgta mʉg atag paawai Ẽwandamagamjo jeeuju, ar thum Corderodam ʉdʉraa maach kõit ich thõopitarrau warr mʉg jẽb ompaabarwe ich ẽsap gaai am thʉ̃r phãkha auba arr khʉʉnau. Makhʉʉnta mag mepeer igar naaju aawai makhʉʉnauta maach chi Ẽwandam iek ʉkha nʉm khʉʉn dau aug wauju.

Apocalipsis 16:5

Magnaa mag dosĩgpierr do ãrpi sĩerraupai iekhamamua, “Ẽwandam, pʉchta bʉ̃ʉrjã pekau chukhu khitʉm; pʉchta warrgarwejã ich mag khitaawai ĩsjã ich agtha sĩerrʉmgui” a sĩejim. “Pʉchdeu am dʉi chachbarm aig, pua am dʉi nem agchata abarmgui” ajim, “amachdeu nem waumarrpierr.