San Juan 17:24 - Wounaan Meu

²⁴ Magnaa deeu ũwaai, “Tata, mua khaphʉ chirʉmgui ajim, mʉ ũwaai pʉ aar chiraimaawai ich jãg warr mʉg jẽb ompaaju nawe pua chadcha mʉ khõsi pʉch dʉi ãba chi jua thierrkha wai chirarrjo deeu pua mʉrʉg ich ag jua theeg deeju. Pari mag pʉ aar chiraimaawai mʉch khapeenjã ĩchab mʉch chirʉm aigta mʉch dʉi phe wai chitam khõsi chirʉmgui ajim, mag jua theeg pua deeu mʉrʉg deebarm amag oomkhĩir.

Woun Meu

²⁴ Magnaa deeu hũwaai, ’Tata, mua k'ap'ʌ chirʌmgui hajim, mʌ hũwaai pʌ haar chiraimaawai hich jãg warr mʌg jẽb hompaaju nawe pua chadcha mʌ k'õsi pʌch dʌ̈i hãba chi jua t'ierrk'a wai chirarrjö deeu pua mʌrʌg hich hag jua t'eeg deeju. Pari mag pʌ haar chiraimaawai mʌch k'apeenjã hĩchab mʌch chirʌm haigta mʌch dʌ̈i p'ë wai chitam k'õsi chirʌmgui hajim, mag jua t'eeg pua deeu mʌrʌg deebarm hamag hoomk'ĩir.

San Juan 17:24 Iomraidhean Croise

San Mateo 25:21

Magbaawai chi patrón jooirau irig, “Ʉu kherʉmgui” ajim anʉm. “Pʉ chadcha piyón wajaphamʉu; pua mua jaautarr thum agjo abarm. Mʉg phatkhon pom khaba deetarrau pua jãgbarpí, jãgtarr jũrr mua pʉrʉg warag ʉ̃r deekhimgui” ajim anʉm. Magnaa irig, “Ierrag dubwia mʉ dʉi onee abá” ajim aajem.

San Mateo 25:23

Magbaawai chi patronau magʉgjã, “Pʉjã chadcha piyón wajaphamʉu; pua mua jaautarr thum agjoo abarmgui” ajim anʉm irig. “Phatkhondam pom khaba deetarrau pua ʉu jãgbarm khai, ag jũrr mua pʉrʉg warag ʉ̃r deejugui” ajim anʉm. “Jãgbarpí pʉjã ĩchab ierrag dubwi mʉ dʉi onee abá” ajim aajem magʉgjã agjo.

San Mateo 25:34

Magnaa mag ich juachaar gar nʉm khʉʉnag ichta Rey aawai ichdeuta amag, “Pãar, mʉ Ayau ʉu abarm khʉʉn, ierrag dubbat mʉ dʉi jooba wenʉrraag” aju anaabá. “Mʉg durr ompaa nʉwe mʉch Aai dʉimua pãrag nem deeju atarr ĩsta chadcha mʉ Ayau pãachigcha deegpamgui” aju anʉm, “pãachdeu mʉ dʉi ʉu atarr jũrr.”

San Mateo 26:29

Pari mʉg dobarmjo chan tag doba, ãba mʉchta mʉch Ayau thumaam khʉʉn Porkhapibarm edta deeu ũwaai pãar dʉi dojugui ajim. Pari mag ed maach oobarm chan ĩsimjopai khaba, oneechata aju, nem thʉnʉm thum chi iiur aju aawai a jaaujim ich Jesuu maachigcha.

San Lucas 12:37

Pãrau khaphʉ nʉmgui ajim anʉm, ar chi chognaan mag daukhana amach patrón nʉ nʉm khʉʉnan onee aju, i barbaicheewai. Mag amau daukhana ich nʉ nʉm oobaicheewai, ichta jũrr chi chogkha simjo am sĩi nʉmich, mes gaai thach thoikhawia am jãhogjugui ajim anaabá, ich garmuata.

San Lucas 23:43

Magbaa Jesuu irig, —Ĩswe pʉ mʉ dʉi durr wʉjʉu durr chiraimaju ajim anaabá.

San Juan 1:14

Mag, Ẽwandam Iewaata wounag pawia mʉig eegar sĩeichejim. Ichta Ẽwandam Chaai ãbpai khitʉmuata ich iiu aawai ich Aai ipierraa nem khĩir pogkhe wau nʉrrarr marau oojim. Magta i gaaimua marau khaphʉ nʉisijim, jãga Ẽwandam chi Ayaujã maach jãsene sĩerrʉ́.

San Juan 12:26

Maimua ĩchab chi chadcha mʉ chogkhanaa mʉ dʉi nʉrram khõsi simʉn, ichdeu khõchagpierr nem wauba, mʉchdeu nem waupim khõsimpaita wau nʉrraju aai sim. Mag amʉn magan am wenʉrrʉmpierr mʉchjã am dʉi chitajugui ajim. Ãbmua magta mʉ chogkha nem wau nʉrrʉmʉn, mʉ Ayaujã ich khĩircha i tho iekhajugui ajim.

San Juan 14:3

Mʉ pãar na mamgui ajim; maimua ya nem thum khĩir khaug sĩsiewai ũwaai mʉ beejugui ajim, pãar phe awaan, mʉch chirʉm aig dʉi ogdʉba ich mag wenʉrramkhĩir.

San Juan 15:9

Ich jãg mʉ Ayaujã mʉch khõsi wai sĩejemjo, muajã pãar khõsi chitʉm. Ich jãg pãach nʉmjota nʉisit ajim, mua ich jãg pãar khõsi chitaag.

San Juan 17:2

Mʉ pʉch Iewaa aawai pʉchdeuta mʉrʉg mʉg durr gaai thumaam khʉʉn khãaijã iek theeg ʉ̃rpai apinaa, pʉchdeu mʉch iek ʉkhapimam khʉʉnjã ĩchab mʉch dʉi ich mag wenʉrraju aai apieg ʉu pua mʉrʉg pʉch jua theegjã deejimgui ajim.

San Juan 17:22

Pʉchdeu mʉ pʉiwia mau eegar chirʉmjã agtha pʉch dʉi ãba ʉ̃gthar chirʉmjo apitarrjo, ya amjã mua mʉch dʉi õor ãbpaimjota phe wai chitʉmgui ajim, maachjo o ãba ich mag naamkhĩir.

San Juan 17:5

Nau mʉgtarr khur deeu mʉ pʉch aar pabaimaawai, warr mʉg durr ompaaju nawe mʉchta pʉch dʉi ãba nem iek theeg chi Porkha chirarrjo, ũwaai mʉrʉg agjo iek theeg apinaa chi Porkhapibá a jeeumajim ich kõitpai.”

San Juan 6:37

Thum mʉ Ayau mʉ iek ʉkhapi nʉm khʉʉnaun mʉ ig nʉm. Mag mʉch ig nʉm khʉʉnan mua aub khaba aujugui ajim.

San Juan 6:39

Ich chi mʉ pʉitarr Jooiraujã khõsi simʉn, mag ya mʉch õorkha thʉnʉm khʉʉn eem ãbjã okhoopiba, sĩi mʉg durr o nʉm edjã deeu phiriutkha aupim khõsita simgui ajim.

San Juan 8:58

Magbaa ich garmua, —Mʉʉn Abrán thaabaju nawe ich mag chirajimgui ajim amag.

1 Corintios 13:12

Ẽwandam iek ʉkha nʉmjã ich jãgta sĩebahab. Ĩsin maadeu Ẽwandam igwia i khaphʉ nʉm anaab pari sĩi espheg khĩir purrjoom ee nem inag oo nʉmjopaita i khaphʉ nʉm, wajappai khaugba. Pari jãg nʉʉ awia mʉg atag paawai chadcha ich simjo maadeu i wajapha khaphʉ aju, ya agdaujo i dʉi khĩircha oophobaadem aig. Mʉg maach agtha eegar wenʉrrʉweran mʉchdeun ya i wajapha khaphʉ chirʉm a chirab mamʉ, agtha i ooba aawai wajappai i khaugba chirʉm. Pari jãg chirʉʉ awia ich jãg ich Ẽwandamau wajap mʉ khaphʉ simjo mʉch garmuajã ĩchab i khaphʉ aju.

2 Corintios 3:18

Maguata maach i iek ʉkha durrum khʉʉn chan mag agtha putiu khĩir borr nʉmjo khaba aawai espheg dau wajapham ee oo nʉmjota ich Ẽwandam wajaugjã maach gaaita õrau oo nʉm, maach nem wajapha wau nʉm gaaimua. Mag nʉmua maachin waragta ich Ẽwandam Akharau wajaug paamaawai warag maach Por Jesujota paaukhamam.

2 Corintios 4:6

Ar mʉg durr ompaa naawaijã sĩi ich iekhaupai khĩchag eemua ararag ompaa autarr ich ag Ẽwandamaupaita ich iekhau maach khĩirjug aardʉ athamjo ajim, magbarmua maach Ẽwandam thumaam khʉʉn khãai wajaug sĩerrʉmta Jesucristo gaaimua khaphʉ nʉisimkhĩir.

2 Corintios 5:8

thõjujã khĩirjuba chirʉm. Mag mʉ meewiajã ichiita maach Por Cristo aar i dʉita ãba chiraimaju khaphʉ chirʉm.

Filipenses 1:23

Khar jãguata warag thoophem numijã am khõsi aadeejem: thoophem ãb Cristo aar chiranaa, thoophem ãbmua warag i iek jaau chitaag. Mua khĩirjuawai Cristoou ich aarta mʉ aukhiin chadcha mʉ ajapcha akham.

1 Tesalonicenses 4:17

maimuata maach agtha chi iiu durrum khʉʉn sĩi ʉ̃gthaa edjã baug ee degolp jiirkha athamjo awi mag chi maach nawe meetarr khʉʉnpa ich mag i dʉi ãba nʉisiju.

1 Pedro 1:21

Ich mag Cristo khurauta ʉu pãrau Ẽwandam iek ʉkha durrum. Mag Cristo thõowaijã, ich Ẽwandamauta ʉu i phiriu auwi, ich aar auwi, ich dʉi jua theeg ãba apijim. Maguata chadcha pãrau pãach thãraucha i iek ʉkha durrum, ich jãg Ẽwandamau Cristojã phiriu auwi ich aar autarrjo pãachjã agjo ich aar auju khaphʉ naawai.

1 Juan 3:2

Cristo gaaimua khodamnaan, ya maachin chadchata Ẽwandam chaainau. Mʉʉgwaiwe chan maadeu khaugba nʉm, jãga nʉisiju khai mʉg atag pawiajã; ãba maadeu khaphʉmjo nʉmʉn, Cristo dʉnʉʉubaichem ed maach ichjo aphobaadejupaita khaphʉ nʉm, ya mag edan dau daau khĩirchata i oophobaadeju aawai.

Apocalipsis 21:22

Mag phobor ee mua bʉ̃ʉrjã Ẽwandamag jeeujem di oobajim, ich maach Por Ẽwandam thumaam khʉʉn khãaijã jua theeg ʉ̃rpai sĩerrʉmpaita Ẽwandamag jeeujem di anaa ĩchab ichpaita chi Cordero aawai.

Apocalipsis 3:21

Ar nem phithurm awiajã ogdʉba ʉu amachdeuta i denjo nem thum podpʉi nʉm khʉʉnagan, irua ich jup chirʉm gaai dʉi ãba ich bigaau juppiju aajem, ich dʉi ãba iek theeg nʉisimkhĩir, ich jãg ichdeujã nem thum podtarr jũrr ĩchab ich Ayau ich dʉi ãba iek theeg apitarrjo.