San Juan 17:20 - Wounaan Meu

²⁰ ’Tata, mua mʉg pʉrʉg jeeu chirʉm chan sĩi cha mʉch dʉi wenʉrrʉm khʉʉn kõitpai khaba, mʉg atag amau jaau wetum ũrwia mʉch iek ʉkhaju khʉʉn kõitpata pʉrʉg jeeu chirʉmgui ajim.

Woun Meu

²⁰ ’Tata, mua mʌg pʌrʌg jëeu chirʌm chan sĩi cha mʌch dʌ̈i wënʌrrʌm k'ʌʌn kõitpai k'aba, mʌg hatag hamau jaau wëtum hũrwia mʌch hiek hʌ̈k'aju k'ʌʌn kõitpata pʌrʌg jëeu chirʌmgui hajim.

San Juan 17:20 Iomraidhean Croise

San Juan 10:16

Pari agjo deeum khʉʉn thʉnʉmgui ajim, mʉg israelnaan khabam khʉʉn. Makhʉʉnjã mua ãbamʉg jʉr phe aujugui ajim, amaujã mʉ iek ũrbaawai ʉkhamkhĩir. Mag, israelnaan dʉi pap ãbam denkha nʉisiewai mʉchta am Pastorkha chitajugui ajim, amach thum ãba thʉa wai chitaag.

San Juan 17:19

Mʉchdeu mag pʉrʉg pʉch iek jaau nʉm phidag gaaita am phe wai chitapi chirʉmʉn, mʉg pʉ ipierraa am kõit ʉdʉraa mʉch thõopi chirʉm gaaimuata magpi chirʉmgui ajim, magbaawai amaujã mʉchdeu amag jaaupi chirʉmjo chadcha pʉ iekta jaau wenʉrramkhĩir.

San Juan 17:21

Tata, jãg maach numijã o ãba naajemjo, ich agjo ĩchab amjã maach dʉi o ãbata phe wai chitapim khõsi chirʉmgui ajim. Mag amʉn magan bigaaum khʉʉnaujã mag oowia khaphʉ aju, puata mʉ pʉijim.

Hechos 2:41

Mag chadcha Pedroou jaau sim ũrwia Ẽwandam iek ʉkhamarr khʉʉnau amach por choopimajierram aajem. Ich mag edpai ʉkhawia amach por choopimarr khʉʉn appai tres miljo naajim aajem.

Hechos 4:4

Mamʉ mag amach pʉrkha arrju nawe jaau durrarrdam õor pom mag thʉnarr khʉʉnau ũrtarr aawai ĩchab chi ʉkha narr khʉʉn khapanag emkhooin appai cinco miljo naajim aajem, ʉʉin dʉi chaainjã beerba.

Romanos 16:26

ĩsta ich ag iekpai wajapcha õrag khap apibarm. Magtarr aawai ĩsta chadcha thum durrpierram khʉʉnag mag maach peerdʉajem iek jaaupi sim, ich iek ʉkhanaa ich ipierraa wenʉrramkhĩir.

Efesios 4:11

Mag ich Cristoouta ich jua theeg chi ʉkha nʉm khʉʉnag jigmaju atarr aawai chadcha ichdeuta ãaur khʉʉn ich iek durrpierr aaidʉ jaaujem khʉʉn khapijim, apostolnaan; ãaur khʉʉn sĩi ichdeu iek jaaumamta jũrr warm khʉʉnag chi jaaujem khʉʉn khapijim, profetanaan; ãaur khʉʉn sĩi maach peerdʉajem iek jaaumamua iita õrag amach thãar ee aupi jaaujem khʉʉn khapijim, evangelistanaan; maagwai ãaur khʉʉn ya ich iek ʉkha durrum khʉʉn pekau ee burrm ugua am thʉajem khʉʉn pastornaan khapinaa, ich iek jaau khaug amkhĩir maestronaan khapijim.

2 Timoteo 1:2

Timoteo, pʉʉta mʉch chaaijo daupii wai chitaawai pʉrʉg mʉg ẽsap phã deepʉi chirʉm. Muan Ẽwandam maach Ayau maach Por Jesucristo dʉimua pʉ dau aug khaug paraanaa pʉ ʉuu wai nʉm dʉi khõinaata pʉ wai wenʉrrapim khõsi chirʉm.