San Juan 17:19 - Wounaan Meu

¹⁹ Mʉchdeu mag pʉrʉg pʉch iek jaau nʉm phidag gaaita am phe wai chitapi chirʉmʉn, mʉg pʉ ipierraa am kõit ʉdʉraa mʉch thõopi chirʉm gaaimuata magpi chirʉmgui ajim, magbaawai amaujã mʉchdeu amag jaaupi chirʉmjo chadcha pʉ iekta jaau wenʉrramkhĩir.

Woun Meu

¹⁹ Mʌchdëu mag pʌrʌg pʌch hiek jaau nʌm p'idag gaaita ham p'ë wai chitapi chirʌmʌn, mʌg pʌ hipierraa ham kõit hʌdʌraa mʌch t'õopi chirʌm gaaimuata magpi chirʌmgui hajim, magbaawai hamaujã mʌchdëu hamag jaaupi chirʌmjö chadcha pʌ hiekta jaau wënʌrramk'ĩir.

San Juan 17:19 Iomraidhean Croise

San Juan 10:36

Ich Ẽwandamauta ich aarmua mʉ jʉr auwia mʉg jẽb gaai pʉitarrta, ¿jãga pãrau mʉrʉg mag mua khaigba iekha chirʉm abarju, mua Ẽwandamag Aai icheewai?

San Juan 15:13

Maadeu dich khapeen athee nem waauwai amag khaphʉ apiejem, chadcha maadeu am khõsi nʉm; pari mag nem wau nʉm khãai ʉ̃rpai simʉn, am kõitjã ʉdʉraa dich thõopi chirʉmta chadcha am daupii chirʉm anʉmʉugui ajim.

San Juan 15:3

Pãran ya nemjĩir arg ee nʉmjota nʉmgui ajim, mua pãachig nem jaautarr thum ipierraa ʉkha nʉm gaaimua.

San Juan 17:17

Magua mua pʉrʉgta am kõit jeeu chirʉmgui ajim, pʉch iek jaau nʉm phidag gaaita am phe wai chitamkhĩir. Magnaa, Tata, ãba pʉch iekta chadam iekhaugui ajim.

San Juan 17:20

’Tata, mua mʉg pʉrʉg jeeu chirʉm chan sĩi cha mʉch dʉi wenʉrrʉm khʉʉn kõitpai khaba, mʉg atag amau jaau wetum ũrwia mʉch iek ʉkhaju khʉʉn kõitpata pʉrʉg jeeu chirʉmgui ajim.

1 Corintios 1:2

mʉg ẽsap phã deepʉi chirʉm, pãar jam Corinto phobor eem iglesia ee Ẽwandam iek ʉkha nʉm gaaimua maach khodkhanaa ar Cristo gaaimua sĩi ãba i atheepai wenʉrrʉmua i phoborkha nʉm khʉʉnag, maimua mag tag ar parhooba amach nʉnʉidʉmpierr maach denjo maach Por Jesucristoog jeeujem khʉʉnagjã agjo khap amkhĩirta mʉg ẽsap phã deepʉi chirʉm.

2 Corintios 4:15

Mag mʉch dau aug waaujem thum pãrag jaau chirʉmʉn, jãan mʉch mag chitʉm gaaimua pãachta ʉu amkhĩrau, magʉm gaaimua ĩchab Ẽwandamaujã dʉrrcha pãar dʉi wajapha aajeewai ich agjo ĩchab õor khapankham khʉʉnauta ʉkhawia irig ʉu ajim anʉmua i tho iekhamkhĩir. Magamkhĩirta mag mʉch dau aug waaujem pãrag jaau chirʉm.

2 Corintios 7:14

Titoou pãar oon maju nawe pãar Ẽwandam dʉi wajapha nʉm ya mua irig jaau wai chirajim. Mʉchdeu irig jaautarrjo chadcha pãar ich mag wajapha nʉm anaawai ʉu pãrau mʉ khĩir naaupibajierram. Pãrau khaphʉ nʉm, mʉ pãar aar chiraajeewai warm khʉʉn igwiajã mua seukha nem jaauba aajeejim. Maagwaita pãar igwi mag mʉch onee chirʉm Titoog jaau chirarrjã chadcha ich ag ee oberjim.

2 Corintios 8:9

Pãrau ni ãbmuajã meraa khaba nʉm, jãga maach Por Jesucristojã Ẽwandam dʉi ãba sĩerr aawai dau aphʉʉ khaba sĩerrta ich khĩrau mʉg jẽb gaai beewia dau aphʉʉ ajĩ maach gaaimua. Pari juau ogthom mag ich dau aphʉʉ apitarran, ich magbarm gaaimua jũrr Ẽwandamau maachta ich Cristo dʉi ãba wenʉrramkhĩir ajim. Magua Cristo gaaimua maach khodkha nʉm khʉʉn dau aphʉʉ oowai am dau aug khaug paraa abat.

Colosenses 1:6

Ich jãg pãachig jaaubaawai pãrau ʉkhatarr iekpaita ĩchab deeum khʉʉn eejã durrpierr aaidʉmam. Mag jaau nʉm ũrwi ʉkhamam khʉʉnjã khapaana paaukhamam dʉi ĩchab õor pooma warr amach khaigba wenʉrraajerr khĩirjug isegwi õor wäjäaunag paaukha thʉnʉm, ich jãg ʉu Ẽwandamau chadcha ich garmua maach khõsi aajem iek jaau nʉm ũrwi pãachdeu ʉkhatarrjo. Pãrau khaphʉ nʉm, mag Ẽwandamau ich garmua maach khõsi aajemʉn chadcharau.

1 Tesalonicenses 4:7

Ẽwandamau maach ich athee jʉr autarr chan sĩi parhooba pekau wau wenʉrramkhĩir khabajim. Magju khãai ichdeu khõsi simjo ich athee nem wajapha wau nʉmpai wau wenʉrramkhĩirta maach ich denkha aujim.

2 Timoteo 2:10

Maguata muan warag maach peerdʉajem iek aaidʉpim khõchgau, ich jãg phithurgjã igba ãwat chitaju, mʉg atag Ẽwandamau ich iek ʉkhapi aumam khʉʉndam ʉu amkhĩir; mag Jesucristo gaaimua peerdʉ nʉisiewai ich mag i sim aar wenʉrramkhĩir.

Tito 2:14

Ich mag Jesucristota maach kõit ʉdʉraa ich thõopijim, magbarmua maach khaibag thum chugpaapʉiwia maach peerdʉ awaag, mag peerdʉ auwia ya ich den chaarkha nʉisiewai jũrr ãba ich atheepaita nem ajapha waum khõsi wauju khĩirju wenʉrramkhĩir.

Hebreos 10:29

Pãade khĩirjubat: Maagjerr khʉʉn dʉi magta aajerr khai, ¿jãgaju khai Ẽwandamau oowai ich Chaaita õrau khõchkhabam iekhau sĩi maadeu nem igmaphamjo amach kõit i bag ãrtarrjã warag isegnaa, ich Ẽwandam Akharau ʉu amach Ẽwandam denkha aaujem igwiajã sĩi wau iekhaajem khʉʉn dʉi? Amau mag iseg naab mamʉ, ¿mag i Chaai bagau khabajĩ, Ẽwandamau ich garmua õor dʉi iek deewai jaautarrjo chadcha õor pekau chugpaawi peerdʉ auju aai apitarr?

Hebreos 2:11

Mag ich Jesús Ẽwandam Iewaa arrta, maachjo angelnaan khãaijã eegpai simuata Ẽwandam athee maach ajaug paapʉiwi ich Aaita maach Aaikhapijim. Mag gaaimuata chadcha ich Ẽwandam Iewaa Jesuujã chigag chukhu maachig eeugpeen aajem.

Hebreos 9:13

Iin chadcha mag amau chĩb bag phak emkhoi bag dʉi aunaa, ĩchab mag phak ʉʉidam phaatarr khʉrr mephorrag pa simjã do ee waaureunaa, leíu jaau sim chaaur waubarm gaaimua Ẽwandamag jeeujujã khaba sĩi ãr sĩsim anʉm ʉ̃r jĩpheewaijã, ʉ̃rpain ʉu chadcha ajaug paa nʉmjo aajem, deeu Ẽwandamag jeeuju ayaa apieg.

Hebreos 9:18

Maguata nacha Ẽwandamau õor dʉi iek deetarr iek theeg apiegjã, ĩchab nemchaaindam khech nʉm aig am bagdam ãr nʉmuata mag ley iek theeg apijim.

Hebreos 9:26

Maataa, mag biek ãbpai ich thõopibarmua nemchaain bag denjo pod õor pekau chugpaa auba arr amuan chad, phadnaanau biek khapan nemchaain kheechjerrjo mʉig jẽb gaai õor nʉisierr aigmua agjo biek khapan õor pekau paar ich thõopienjã udkhʉrrkhakha aajeekham. Pari magba ĩsta ya Cristo udthurwi biek ãbpai warrgarm khʉʉn kõitpa ich thõopibarm. Mag ich thõopibarmuata mag nemchaain kheechjerr tiempojã opʉiwi ya jũrr õor peerdʉju ayaam jaar khabapʉim.

1 Juan 3:18

Chaaina, maadeu sĩi dich khapeenag par iiupaita “Muan pʉ khõsi chirʉm” aju khaba nʉm; mag khãai chadcha am athee nem wajapha wau nʉmuata amag khaphʉ apiju aai nʉm, maadeu chadcha am khõsi nʉm.

1 Juan 3:3

Pari thum mag amach daúacha i ooju khĩirju nʉm khʉʉnan mʉʉgwaiweta wajapha naaju ẽkhaajem, ich jãg Jesucristojã khaibag chukhu wajaphata sĩerrʉmjo.