San Juan 17:15 - Wounaan Meu

¹⁵ Mua chan pʉrʉg, mʉg durr gaaimua warre am chawag phe athaad aba, muan sĩita pʉrʉg, am thʉabá a chirʉmgui ajim, dosãtau am khũgurwia amachdeu ʉkhatarr iekta deeu isegam ugua.

Woun Meu

¹⁵ Mua chan pʌrʌg, mʌg durr gaaimua warre ham chawag p'ë hat'aad haba, muan sĩita pʌrʌg, ham t'ʌabá ha chirʌmgui hajim, dösãtau ham k'ũgurwia hamachdëu hʌ̈k'atarr hiekta deeu hisegam hugua.

San Juan 17:15 Iomraidhean Croise

San Mateo 5:37

Magju khãai chadcha nem wauju khai, warre wauju abat. Wa wauba khãijã aju khai, warre ich agjo waubam abat, mag nem inag igwia magʉm gaaimuata wauju a iekhaba.

San Mateo 6:13

Oob pua ʉdʉraa chan maar pekau ee burrpi chiram. Mag khãai warag maar thʉa wai chirsí, phithurg chukhu dosãtau maar ichig paa aum ugua. [Ẽwandam, pʉchdeuta nem thʉnʉmʉn thum khap chirʉm. Pʉchta chi jua thierriu, maagwai pʉchpaita thumaam khʉʉnau tho iekhaju aai nʉm, mʉg atag pawiajã ich mag.]” ’Magta jeeubat ajim anaabá ich Jesuu.

San Lucas 11:4

maimua ar marau maach dʉi khaigba abarm khʉʉn dʉi tag magʉm iek igba ich mag khĩir okhoopäaijemjo maar denjã khĩir okhoobapʉi. Oob pua ʉdʉraa chan maar pekau ee burrpi chiram. [Mag khãyau warag maar thʉa wai chirsí, phithurg chukhu dosãtau maar ichig paa aum ugua]” a jeeubat a jaaujim anʉm amag.

San Lucas 22:32

Mamʉ mua jũrr pʉ kõit Ẽwandamag jeeu chirʉmgui ajim anʉm, pʉch khũgurcheewai warre burrm iek burrm ugua. Maagwai ũmaai deeu mʉ thʉ̃r gaai khĩirju chirsiewai pʉchdeupaita jũrr pʉch khapeenag jaauju aai chirʉmgui ajim anʉm, amjã agjo ubʉ nʉisimkhĩir.

Gálatas 1:4

Pãrau khaphʉ nʉm, Jesucristo khurau khabamuan maachin agtha maach pekau eeta wenʉrraajeekham. Mamʉ magba maach Ẽwandam anaa maach Ayau ichdeu khĩirju wai sĩerrjo Jesucristoouta ʉu ʉdʉraa ich thõopijim maach kõit, magbarmua pekau jua eemua maach peerdʉ awaag.

2 Tesalonicenses 3:3

Mamʉ ich maach Por Jesucristoou ich garmua chan maach kha ogdʉba sĩerraawai pãar irua ich dʉi ubʉ wai sĩenaa mag khaibagkham khʉʉn jua ee burrpimaaugaujã pãar thʉa wai nʉrraju.

2 Timoteo 4:8

Mʉch mʉg phidkhabarm jũrran, jãg khaphig nʉm aig chi ganbarm khʉʉg porsir deejemjo, mʉrʉgjã ʉ̃gthar pabaimaawai maach Por Jesucristooucha, “Pʉ ʉu mʉ na ajapha chitajim” awi nem deeb khaba deeju, ichdeuta thumaam khʉʉn dʉi agcha ich jua khap nem waaujeewai. Mamʉ mag irua nem deeju chan mʉrʉgpai khaba, ar thum chadcha i deeu beepim khõsi nʉ durrum khʉʉnagjã irua deeju.

1 Juan 5:18

Maadeu khaphʉ nʉm, Ẽwandamta ich Aaikha wai sim woun chan ich mag ich pekau ee nʉrraba aajem, ich Ẽwandam Iewaauchata i thʉa wai sĩewai. Magua dosãtaujã pod pekau ee thʉ aum iek i thʉ auba aajem.

1 Juan 5:19

Maadeu khaphʉ nʉm, maach chadcha Ẽwandam denkha nʉm; pari khaphʉ nʉm ĩchab, mʉg jẽb gaai õor pom sĩi dosãtauta ich jua eegar phe wai sim.