San Juan 17:13 - Wounaan Meu

¹³ Mag ich Ayag jeeumamua, “Tata, mʉ ũwaai deeu pʉ aar mam, pari mua mag am kõit jeeu chirʉmgui ajim, amach dakhĩircha. Mʉig agtha am dʉi eegar chirʉwe mag jeeu chirʉmgui ajim, amach jʉ̃gʉucha ũr naawai mʉch onee chirʉmjo ĩchab amjã onee nʉisimkhĩir.

Woun Meu

¹³ Mag hich Hayag jëeumamua, ’Tata, mʌ hũwaai deeu pʌ haar mam, pari mua mag ham kõit jëeu chirʌmgui hajim, hamach dak'ĩircha. Mʌig hagt'a ham dʌ̈i heegar chirʌwe mag jëeu chirʌmgui hajim, hamach jʌ̃gʌucha hũr naawai mʌch honee chirʌmjö hĩchab hamjã honee nʌisimk'ĩir.

San Juan 17:13 Iomraidhean Croise

San Juan 13:3

Jesuu khaphʉ sĩejim, ich Ayau ichigta nem thum jaaunaa ʉ̃gtharmua ich pʉitarr aawai deeu i aar maju.

San Juan 15:11

’Mua pãrag mag iekha chirʉmʉn, mʉch onee chirʉmjo pãachjã warag wajapcha onee amkhĩraugui ajim. Pãar mag mʉjota onee nʉmʉn magan mʉg eegarm oneg khaba, oneg chaarta wai nʉisim.

San Juan 16:33

Oob khĩirjumiet, mua ag nawe thum pãrag mag jaau chirʉmʉn, pãach warag mʉ denkha wenʉrrʉm gaaimua onee amkhĩraugui ajim. Mʉig eegar nʉweran pãar chadcha dau aphʉʉ wenʉrraju; pari khĩirdam onee abat ajim; mua mʉch garmuata mʉg durr gayam jua theeg thum podpʉiwia pãar eeg oo wai chitajugui ajim.

San Juan 17:11

Magnaa, “Tata, mʉ chan tag mʉg durr gaai chitabajugui ajim, deeu pʉ dʉi ãba chiraag ũwaai pʉ aar maagpaawai. Pari mʉ khapeen chan wetba, ich mʉig eegar nʉisijugui ajim, maar igwia. Maagwai pʉrʉgta am kõit mua jeeu chirʉmgui ajim, pʉchpaita thumaam khʉʉnau ee aju aai naawai. Pʉch iekhau pua am chig apiba, pʉchdeu mʉrʉg deetarr jua theegau am thʉa wai chirsí ajim, ich jãg maach numijã o ãba nʉmjo amjã ich mag o ãba wenʉrramkhĩir.

San Juan 3:29

Pãrau ooba aajẽ ajim anʉm, jua pʉr nʉm khʉʉnjã: chi ʉʉi dʉi nawe iek deewi simta chi jayau; pari chi mag eeu pa nʉm khʉʉn paairinkha sim dʉi am bigaau simjã ĩchab onee aajem. Maarjã ich agjota naabahab Jesús dʉi. I jãg sim aig woun ãb eeu ʉʉi au simjota sĩebahab. Magua amau jãg i aarta phẽphẽeukham aig, mʉjã dʉi ĩchab onee chirʉmgui ajim anʉm, sĩi õrag i jaau chitʉmua.

San Juan 7:33

Pari mag ich pʉr aumkhĩir ich aar õor pʉi nʉmjã ich Jesuu khaphʉ sĩerr aawai amag, —Khũchpaita pãar dʉi mʉ mʉig eegar chitabahab. Mʉʉn deeu mʉch pʉitarr aar maju chirʉmʉugui ajim.

Hechos 13:52

Mamʉ chi Ẽwandam iek ʉkhatarr khʉʉnan am ereutarr khurjã ich mag oneenaa Ẽwandam Akhaarjã amach gaai phẽs wai nʉisijim aajem.

Romanos 14:17

Wajapcharan Ẽwandamag dich Porkhapi nʉm chan, sĩi nem khĩirpierr thach kho nʉm khaba, ni nem khĩirpierr do nʉmjã khabam. Ẽwandamag ʉdʉraa dich Porkhapi nʉmʉn, irua nem khõsimjo waunaa dich khapeen dʉijã khõinaa nʉm dʉi ich Ẽwandam Akhaar gaaimua onee wenʉrrʉmʉu.

Gálatas 5:22

Mag khãai Ẽwandam Akharagta ichdeu khõsi simjo ʉdʉraa pãachig nem jaaupi nʉmʉn chad warag pãar ee agdaujo pãach khapeen kha khõsinaa, onee, khõinaata wenʉrraju. Mag nʉm dʉi ĩchab chikhamnau khãijã dich meeukhapiju ẽkhaawaijã sĩi ãwatpʉpʉi aa khaphʉnaa, ich odeg bigaaum khʉʉndamjã ʉuta wenʉrrapim khõsi, õor dʉi o ajaphanaa, dich khapeenag nem magju abarmjã chadcha dich iekhatarrjo nem wau wenʉrraju.

Hebreos 12:2

ãba Jesús gaaita dich khĩirjug sĩuju aai nʉm. Ichdeuta warrjã ʉu maachig Ẽwandam iekjã ʉkhapiwi mʉg atagjã parta ʉkha naajim apibaju, ich Ẽwandamau maach dʉi wauju jaautarr thum chadcha oopiju aawai. Ich Jesuuta chi khaigbacharam khʉʉnjo pakuls gaai ʉdʉraa ich thõopibajieb, chigagjã igba, mag ich thõopibarmua õor peerdʉ athaawai ichpa onee ich mag sĩerraju khaphʉ sĩerr aawai. Ichta ĩchab ich Aai jup sim khu juupjem gaai dʉi i juachaar garcha ãba jupimawi ich mag sĩerrʉm.

1 Juan 1:4

Mʉg thum ẽsap gaai mua phã deepʉi chirʉmʉn, pãachdeujã cha mʉchdeu jaaupʉi chirʉmjo abaawai warag pãach oneecha amkhĩrau.

2 Juan 1:12

Pãrag nem jaauju pooma wai chirʉm; pari sĩi mʉg ẽsap gaaipai chan mua jaaupʉibam. Magju khãai mʉchchata pãar aar mawia pãar dʉi khĩirchata iyʉʉ am khõsi chirʉm, maach thumaa ãba wajapcha onee aag.