San Juan 17:1 - Wounaan Meu

¹ Maimua mag jaau dichwia ʉ̃gthaag eerpanaa ich Ayag magjim: “Tata, ya ag ora pabaadem. Mʉg pʉch ipierraa chirʉm gaaimua chadcha pʉch Iewaakha chirʉm õrag khaphʉ apibá ajim, magbaawai muajã ĩchab pʉchta amag tho iekhapieg.

Woun Meu

¹ Maimua mag jaau dichwia hʌ̃gt'aag heerpanaa hich Hayag magjim: “Tata, ya hag hora pabaadëm. Mʌg pʌch hipierraa chirʌm gaaimua chadcha pʌch Hiewaak'a chirʌm hõrag k'ap'ʌ hapibá hajim, magbaawai muajã hĩchab pʌchta hamag t'ö hiek'apieg.

San Juan 17:1 Iomraidhean Croise

San Marcos 14:41

Mag biek thãrjupam gaaijã agtha khãidʉtkha thʉnʉm oobaicheewaita deeu amag, —¿Agtha pãar sĩi khãai gaaita nʉ? Khãigap nem pʉabat ajim anʉm. Pekau pom sĩsidʉm khʉʉnag mʉch chi Emkhooi Iewaa pʉr deeju ora pabaichebahab.

San Lucas 18:13

Maagwai jũrr chi gobiernoog paar nʉm khʉʉnag jeeujemdam ich appai ag warphaa oothẽu kherʉmua agjo Ẽwandamag jeeu sĩejim aajem. Mamʉ maan, jũrr ichdeupaijã ich pekau pom khitʉm khaphʉ sĩerr aawai, gaai machgau warag eeg ʉ̃thʉnaa por jõjõikhamuata maagjeejim anʉm Ẽwandamag: “Ẽwandam, mʉch chadcha pekau pom chitʉm khap, pʉrʉg jeeu chirʉm; mʉ ap chitʉm mʉ eeg oobá” aajeejim anʉm.

San Lucas 22:53

Ẽwandamag jeeujem deg ed eepierr pãar dʉi mʉ chiraawai, bʉ̃ʉrjã pãrau mʉ chig aba aajerrta, ĩsta Ẽwandamau pãrag ʉdʉraa mʉ pʉr aupiju ed ajim. Maagwai ĩsta ĩchab chi dosãtjã pãar ʉ̃rpaju ed ajimgui ajim anʉm, mʉ pʉr aumkhĩir.

San Juan 11:4

Pari ichig mag jaaubaa sĩi warag, —Jãg khamor machagau chan i meem iek meebamgui ajim. Jãan sĩi jãg khamor machag gaaimua Ẽwandamta thumaam khʉʉn khãaijã ʉ̃rpai sim anaa mʉchjã i Iewaa aawai agjo chirʉm a khap amkhĩirta jãgpijimgui ajim ich Jesuu mag ichig iek jaauchetarrag.

San Juan 11:41

Mag chi mok chawag pʉreupi jaautarr aawai chadcha chawag pʉreupʉijierram. Magbaawai Jesuu ʉ̃gthaag eerpanaa Ẽwandamag, —Tata, mua pʉrʉg ʉu ajim a chirʉmgui ajim, mʉg mʉchdeu jeeu chirʉm pua ʉu mʉ iek ʉkhabaawai.

San Juan 12:23

Mag wetwia judionaan khabam khʉʉnau ich jʉr wenʉrrʉm a jaaubaicheewai amjã peerdʉ awaag ʉdʉraa ich thõopiju jaaubaademua magjim: —Ya ĩsta chadcha mʉch chi Emkhooi Iewaa chikhamnau thõoju gayaa pamamgui ajim, mag amau mʉ thõobarmua mʉchta Ẽwandamau thumaam khʉʉn khãaijã ʉ̃rpai apieg.

San Juan 13:1

Ya phiesta Pascua anʉm burrju khãai ãbpai waaur sĩejim. Maagwai Jesuu khaphʉ sĩejim, ya ichdeu mʉg durr werpʉawi deeu ich Aai dʉi ãba sĩeimaju ed pabaadem. Thum mʉg jẽb gaai maar ich denkha durrarr khʉʉnan bʉ̃ʉrjã chig aba jãsehne aajeejim. Maagjerr aawai ya ãbmiecha amau i thõoju ed paawaijã agtha ichdeu maar khõsi sim khaphʉ apijim.

San Juan 16:32

pari magtarrau oo chirakhimgui ajim. Ya pãar jĩerraugwia mʉch appai barpʉaju ora paagpam. Mag pãrau mʉch appai mʉ barpʉawiajã mʉch ap khaba chirʉmgui ajim, mʉ Aai mʉ dʉi sĩewai.

San Juan 7:30

Amachig magbapäaiwai warag i pʉr auju khĩirjujierram. Pari agtha Ẽwandamau i pʉr aupiju ora khaba arr aawai ni ãbmuajã i pʉr auba, sĩi ich magpai sĩujierram.

San Juan 7:39

Mag sim aiguin Jesuu i iek ʉkhabarm khʉʉnaun Ẽwandam Akhaarta auju a sim ajim. Pari maagwai chan agtha chi Ẽwandam Akhaar beeba sĩejim, ich Jesujã agtha ich Aai aar ʉ̃gthar maba sĩerr aawai.

San Juan 8:20

Jesuu mag iekhamarr, Aai i jeeujem deg ofrenda phewi ag ãkhaajem aigta mag iekhamajim, ichpai jaau simua. Pari agtha i pʉr auju ed khaba arr aawai mag ichpai jaau sĩerr gaaimua i pʉr aum ig narrjã ãbmuajã i pʉr aubajim.

Hechos 3:13

Jãan ar Ẽwandamau ich Iewaa pʉitarrta ar khabam awi pãachdeu thõotarr ag jua theegauta jãg i monaaubapʉimgui ajim anʉm. Ich jãg Jesuuta i chogkha beetarr aawai, maach Ẽwandam anaa ĩchab maach jooin Abrán Isá maimua Jacob am Ẽwandamaupai thumaam khʉʉn Porkhapinaa nem jua theeg apijim. Ich ag Jesupai khabajieb ajim anʉm, ar Pilatoou pʉapäaig abaawai pãachdeu warag thõopʉipi jaautarr.

1 Pedro 1:21

Ich mag Cristo khurauta ʉu pãrau Ẽwandam iek ʉkha durrum. Mag Cristo thõowaijã, ich Ẽwandamauta ʉu i phiriu auwi, ich aar auwi, ich dʉi jua theeg ãba apijim. Maguata chadcha pãrau pãach thãraucha i iek ʉkha durrum, ich jãg Ẽwandamau Cristojã phiriu auwi ich aar autarrjo pãachjã agjo ich aar auju khaphʉ naawai.