San Juan 16:32 - Wounaan Meu

³² pari magtarrau oo chirakhimgui ajim. Ya pãar jĩerraugwia mʉch appai barpʉaju ora paagpam. Mag pãrau mʉch appai mʉ barpʉawiajã mʉch ap khaba chirʉmgui ajim, mʉ Aai mʉ dʉi sĩewai.

Woun Meu

³² pari magtarrau hoo chirak'imgui hajim. Ya pãar jĩerraugwia mʌch happai barpʌaju hora paagpam. Mag pãrau mʌch happai mʌ barpʌawiajã mʌch hap k'aba chirʌmgui hajim, mʌ Haai mʌ dʌ̈i sĩewai.

San Juan 16:32 Iomraidhean Croise

San Mateo 26:31

Mam panaa Jesuu marag, —Ẽwandam iek phã sim gaai, “Mua chi pastor thõobapäaiwai chi ovejanaandam parhooba aaidʉju” a simjo, ĩsim edaar pãrau mʉ mʉch ap barpʉawi thumaa aaidʉtkhajugui ajim.

San Mateo 26:56

Pari pãrau ĩs mʉ dʉi mʉmʉgkhamʉn, jãan warrgar Ẽwandam i jaaumienau jaautarr thum ag eyaa obermkhĩrau ajim. Ya irua mag iekhabarm ee, ĩchab maach chi khapeenaujã chi Jesús ich appai werpʉawia parhoob dʉrmid phobaadejim.

San Marcos 14:27

Mag wetwia mam pabaimaawai ich Jesuu amag magjim anʉm: —Nau pãach thumaam khʉʉnau mʉ mʉch appai barpʉaju. ¿Jãgwi mag chirʉ́? Ich warrgarwe Ẽwandam i jaaumienau Ẽwandam iek phã pʉarr gaai ich mag aju a sĩewaima. Mag amau phã pʉarr gaai jaauwai, Ẽwandamau ʉdʉraa chi nemchaain pap õrag thõopiju a sim, mʉ igwia. Mag mʉ thõopʉyaag pʉr athaawai pãar sĩi nemchaainjo parhoob pãach papjã khaugba, chawag aaidʉju a phã simgui ajim anʉm.

San Marcos 14:50

Chi khapeenau mag amach dakhĩir amach Por pʉrphobaadem oobaawai tag irigjã ooba, sĩi warag khaphig phobaadewia ich appai barpʉajim anaabá.

San Juan 12:23

Mag wetwia judionaan khabam khʉʉnau ich jʉr wenʉrrʉm a jaaubaicheewai amjã peerdʉ awaag ʉdʉraa ich thõopiju jaaubaademua magjim: —Ya ĩsta chadcha mʉch chi Emkhooi Iewaa chikhamnau thõoju gayaa pamamgui ajim, mag amau mʉ thõobarmua mʉchta Ẽwandamau thumaam khʉʉn khãaijã ʉ̃rpai apieg.

San Juan 16:2

Ya amauta pãar dʉi magphobaademʉn, pãran amau amach eemua jʉr werppʉiwia amach culto waaujem eejã tag dubpibajugui ajim. Mamag nʉʉ awia juauchajã pãar khechmaju. Mag pãar khech nʉm khʉʉnau amachdeupain Ẽwandamau pãar dʉi magpi sĩewaita mag nʉm ajurau.

San Juan 16:25

’Ĩsin mua sĩi pãrag dawaacha khaba, bigawaapaita jaau chirʉmjo chirʉmgui ajim, khaugpimaphamjo. Pari jãg nʉʉ awia ya ag ed pabaadeewai tag jãg jaauba, warre dawaata pãrag mʉch Aai igwia jaaumajugui ajim.

San Juan 16:31

Magbaawaita ich Jesuu magjim marag: —Ĩsta pãrau mag khaphʉ nʉm anaabma,

San Juan 19:27

Maimua jũrr mʉrʉgjã oonaa agjo, —Ar pʉam mʉ ãd, puata mʉg atagjã i khap chirʉmgui ajim. Mʉchig magtarr aawai mua chadcha ich ag edwe mʉch di aar i arrwia, mʉch ãdjo mʉch dʉi wai chirsijim.

San Juan 20:10

Ya maach daúacha mag i aukhertarr ee ooba abaawai deeu maar maach diig wetjim.

San Juan 4:21

Magbaawai Jesuu irig, —Pʉde mʉ iek ũrbarí ajim anʉm: Ya mʉg atag paawai pãrau khĩirjubaju, mʉg durrsĩ gaaita Ẽwandamag jeeuju wa Jerusalén mawiata Ẽwandamag jeeuju. Magbarm aigmua parhooba pãach nʉm aigmua irig jeeuju aai aphobaadejugui ajim anʉm.

San Juan 4:23

Pari ĩs irig jeeu chaar jeeu nʉm khʉʉnaun mʉg atag paawai warag Ẽwandam Akharau khõsi simjo jeeujugui ajim anʉm, ya amau Ẽwandam jãga sĩerrʉ́ a khaphʉ naawai. Ichig mag jeeu nʉm khʉʉnta ich Ẽwandamaujã iigjemgui ajim aajem.

San Juan 5:25

Chadcha ĩsta pãar mag chi thõmjo nʉm khʉʉnaujã mʉch chi Ẽwandam Iewaa iekcha ũrju ed pabaichemgui ajim. Mag mʉ iek ũrwia ʉkha nʉm khʉʉnan warre Ẽwandam denkhanaa mʉg atagjã ich mag iiu nʉisijugui ajim.

San Juan 5:28

Mag muata õrag amach khĩircha jawaagjã iek theeg chirʉm a ũrwia oob jʉ̃gderraa amiet. Pari chadcha mʉchdeuta mʉg atag otarr khʉʉnagjã amach beptarr jẽbdegmua obeerpi jaaubaawai deeu iiu phiidʉtkhajugui ajim.

San Juan 8:16

Muata õor jaau chirakhiin, sĩi mʉch appaimuata jaau chirʉm khaba aawai muan chadcha nem agchata jaaujugui ajim, ich mʉ pʉitarrauta mʉ ipierr jaau sĩewai; ajapcharan ich mʉ Ayauma.

San Juan 8:29

Ich chi mʉ pʉi sim mʉ dʉi sĩewai, mua mʉch Ayau nem khõsimpaita waaujeewai irua sĩi mʉrʉg oobamjoo aba aajemgui ajim.

Hechos 21:6

Mag Ẽwandamag jeeuwia, thumaam khʉʉn dʉi agdaujo ayoo ayoo naawi, marau maach wetju barco ee waaidʉtkhabaadeewai amachjã ĩchab amach diig durr paaukhabaadejim.

Hechos 8:1

Maagwai ich Saulooujã ĩchab ich paarmua Esteban thõopim khõsi ʉdʉraa thõopʉipijim aajem. Mag Esteban thõotarr aigmua atagta õrau Jerusalén phobor ee chi ʉkha durrarr khʉʉn wajappha dau aug waujierram aajem, am ẽudee ẽkhanaa pʉrkha aumamua. Mag amach khapeen pʉrkha aumam oobaadeewai thum aaidʉ phobaadejim aajem, Judea durr maimua Samaria eem magwe. Ãba ich Jesuucha doce jʉr autarr khʉʉnpaita chaaug wetba, ich ag phobor eepai obʉg nʉisijim aajem.