San Juan 16:25 - Wounaan Meu

²⁵ ’Ĩsin mua sĩi pãrag dawaacha khaba, bigawaapaita jaau chirʉmjo chirʉmgui ajim, khaugpimaphamjo. Pari jãg nʉʉ awia ya ag ed pabaadeewai tag jãg jaauba, warre dawaata pãrag mʉch Aai igwia jaaumajugui ajim.

Woun Meu

²⁵ ’Hĩsin mua sĩi pãrag dawaacha k'aba, bigawaapaita jaau chirʌmjö chirʌmgui hajim, k'augpimap'amjö. Pari jãg nʌʌ hawia ya hag hed pabaadeewai tag jãg jaauba, warre dawaata pãrag mʌch Haai higwia jaaumajugui hajim.

San Juan 16:25 Iomraidhean Croise

San Marcos 4:13

Maimua amag, —¿Mʉg nem ĩgkhaadam merag chukhu khitʉmjã pãrau khaugbata nʉ? ajim anʉm. Mʉg phithur khaba simjã khaugba nʉm chan magan deeum nem jaaukhiinjã ¿pãrau jãga khaugjuma? ajim anʉm.

San Marcos 4:34

Mamʉ ejemplo chuk chan mag õor pom wejomʉg bʉ̃ʉrjã nem jaauba aajeejim anaabá. Mag ejemplodamaupa nem jaaumatarrta ich khapeen dʉi amach appai aadeewain deeu wajapha amag jaaujeejim aajem, wajapcha khap amkhĩir.

San Marcos 8:32

Mag, ich dau aug wauju ich khapeenag ũramkhĩir ajapha jaaumajim aajem. Mag irua iekhabarm ũrbaawai Pedroou Jesús chawag warrwia irig, —¿Khantheeta pʉ mag iekha sĩma? Õrau pʉ dʉi magju khaba nʉmgui ajim anʉm irig.

San Juan 10:24

I mag nʉrrʉmta judionaan khapan i aig pos aichewia irig, —¿Jãagwaita pua marag meerba pʉch jaaujuuta jãg sĩma? Pʉʉta chadcha warrgarwe ich Ẽwandamaucha pʉiju aajerr khai, warre marag jaaubá ajierram, marau khap aag.

San Juan 10:6

Jesuu mag amag jaaumarran, jãg chi oveja thʉajemua ich nemchaain oopaar phe wai nʉrraajemjo iruajã ich iek ʉkha nʉm khʉʉn dʉi ich agjota aajem a sim ajim. Pari mag jaaumamta aig i iek ũr narr khʉʉnau pod khaug auba, sĩi oveja chaarta jaau simpii naajim.

San Juan 16:12

Mag jajawagmamua, —Agtha pãrag iek jaauju pooma wai chirʉmgui ajim, pari mʉʉgwaiwe par pãrag jaaukhiinjã pod pãrau khaugbaju.

San Juan 16:2

Ya amauta pãar dʉi magphobaademʉn, pãran amau amach eemua jʉr werppʉiwia amach culto waaujem eejã tag dubpibajugui ajim. Mamag nʉʉ awia juauchajã pãar khechmaju. Mag pãar khech nʉm khʉʉnau amachdeupain Ẽwandamau pãar dʉi magpi sĩewaita mag nʉm ajurau.

San Juan 16:32

pari magtarrau oo chirakhimgui ajim. Ya pãar jĩerraugwia mʉch appai barpʉaju ora paagpam. Mag pãrau mʉch appai mʉ barpʉawiajã mʉch ap khaba chirʉmgui ajim, mʉ Aai mʉ dʉi sĩewai.

2 Corintios 4:2

I ipierraa am khõchgau meraa nem wauwia deeu agʉm gaaimua mʉch khĩir naauju ayaam nemjã mua bʉ̃ʉrjã wauba chitʉm. Mua chan sĩi jãg khaphʉm anʉmta ar parhooba nem jaau nʉrrjeem khʉʉn khaba aawai õor khũgurwia maach Ẽwandam iek phã sim gaai chaauraapaijã jaauba chitʉm. Ẽwandam dau na magju khãai muan ãba nem agcha jaaujuuta ẽkhaajem. Mua mag nem jaaunaa wau chitʉmjã chi mʉ oojem khʉʉnau ni ãbmuajã meraa khaba nʉm.