San Juan 16:22 - Wounaan Meu

²² Ich jãg ʉʉi chaai machgau noobaadeejemjo, pãarjã nau nʉʉpai awia agjo dau nowaa aphobaadebajup, pari mag nʉm deeu maach oobaawai ũwaai pãar thãar onee aphobaadejugui ajim. Mag pãar onee aphobaadem chan ãbmuajã tag pãar okhĩirjuu apibajugui a jaaumajim marag ich Jesuupai.

Woun Meu

²² Hich jãg hʌʌi chaai machgau noobaadeejemjö, pãarjã nau nʌʌpai hawia hagjö dau nowaa hap'öbaadëbajup, pari mag nʌm deeu maach hoobaawai hũwaai pãar t'ãar honee hap'öbaadëjugui hajim. Mag pãar honee hap'öbaadëm chan hãbmuajã tag pãar hök'ĩirjuu hapibajugui ha jaaumajim marag hich Jesuupai.

San Juan 16:22 Iomraidhean Croise

San Mateo 28:8

Am iek amachig magbaawai aigmua apuraa ereubaadejim anaabá. Jãphierraa naajieb mamʉ agjo onee naajim aajem, amachig mag Jesús phiidʉbarm a jaaubaawai. Mag warag khajapha bʉ chʉp wetjim aajem, maach chi khapeenag jaauwimaag.

San Lucas 10:42

Mamʉ sĩi dich bi atheepai nem thum wauju khĩirjuba awiajã ʉu sim. Mariaau pʉ khãyau ajapcha abarm. Jãg sim aig irua Ẽwandam iek ũrm khõchgauta pʉ juagjã ooba abarm. Maagwai mua pod irig ũrpiba jaauju aai khaba chirʉmgui ajim anʉm.

San Lucas 16:25

Mamʉ magbaawai jooi Abranau irig magjim anʉm warag: “Khĩir eyaa ajuma” ajim anʉm, “pʉch monakha aawai nem khĩir thum paraanaa bʉ̃ʉrjã augcheba chitarr. Maagwai Lázaro bʉ̃ʉrjã magʉm chukhu i dau aphʉʉ khamor masi kherʉmjã pua irig ooba aajeejim. Mamʉ ĩs mʉig i khõinaa bibigag chukhu chirʉm. Jãigta khĩirjujuma ajim anʉm, jãgwia jũrr ĩs pʉ idawaa chirʉ́, õt khierr pechag ee.

San Lucas 19:26

Magbaa chi reíu, “Mua pãrag jaaukhimgui” ajim anʉm. “Ar mʉ athee nem wawaag nem par daúa ooba aajem khʉʉn dʉin mua mʉch garmuajã ajapha aju, amau chokhõgba mʉ athee nem wau naawai. Mamʉ ar mag nem waumapha nʉm khʉʉn dʉi chan magba, mʉchdeu amag nem deetarrjã warag am jua eem khecheu aumaju.

San Lucas 24:41

Mamʉ mag ichcha oo nʉmjã sĩi warag onegnaa dauderraamjo nʉm gaaimua ʉkhaba narr aawai ich Jesús garmuata deeu amag, —¿Keena, pãrau nem inagdam khoog chukhu nʉwi? ajim anʉm.

San Juan 14:1

Maimua maach thumaam khʉʉnag, —Oob jãg tag okhĩirjuunaa atcha khĩirju nʉʉ amiet ajim. Mʉ chan chadcha tag pãar khĩir chitabaju; pari mua pãach pʉabajeewai oob Ẽwandamaujã pãach iseg sim amiet. Magju khãai mua pãachig jawaagpamta khĩir eyaa abat ajim.

San Juan 14:19

Nau mʉigmua jopcha pom khaba nʉm ee, mʉg jẽb gaai mʉ iek ʉkhaba nʉm khʉʉnau tag mʉ oobaju. Pari mag amau mʉ ooba awiajã pãar dʉin deeu maach oojugui ajim. Mag deeu maach oobaawaita pãrau khaphʉ ajugui ajim, pãachjã mʉchjo ich mag iiu wenʉrraju.

San Juan 14:27

Mag iekhamamua, —Mʉchjã onee chiraawai mʉch petaawai pãarjã mua oneenaa khõinaata phepʉajugui ajim. Mag pãar oneenaa khõinaa nʉisim chan sĩi mʉg jẽb gayamjo khũchpai khaba, ich mag nʉisim iekhau ajim. Mag mʉ mam a chirʉm ũrwia oob okhĩirjuu amiet, ni nem okhojã amiet ajim marag.

San Juan 16:16

Maimua marag, —Nau mʉgtarr khur nʉʉpai awia, tag pãrau mʉ oobajugui ajim. Pari agtarr khur nʉʉpai awia deeu maach oojugui ajim.

San Juan 16:20

Mua mʉg jaau chirʉwe chan pãrau pod khaug auba nʉm, pari ya chadcha pãach dakhĩir magbaadeewaita mʉ iek ʉkhaba nʉm khʉʉn onee thʉnʉm daar, pãar mʉ athee icharaucha bĩewia okhĩirjuu ajugui ajim. Mag pãar okhĩirjug pooma ajup mamʉ, ya deeu pãach daúacha mʉ oophobaadeewai jũrr pãar oneeta aphobaadejugui ajim.

San Juan 16:6

sĩita warag okhĩirjuu nʉm, pãach appai aphobaadeewai pãach dau aphʉʉ aju khĩirjuwia.

San Juan 21:7

Mag nʉm ee ya mʉchdeun khaug wai chirarr aawai Pedroog, —Jã maach Por Jesús khabahab a chirajim. Ichig magbaawai sĩi khajũa khomariipai jũa sĩerr aawai ag bʉrre ich khajũa wajapha jũapet awi warag do ee dʉrbbaadejim, jopkharraa ichta chi Jesús sim aar baraag awia.

San Juan 4:14

Pari mua dee chirʉm do khĩirta do nʉm khʉʉn chan bʉ̃ʉrjã obichag chukhu ich mag wenʉrraju. Mag amachdeu dobarmpaita am mor ee ich mag khumdʉ ober sĩsimjo sĩejugui ajim aajem, ich mag Ẽwandam denkha nʉisieg.

Hechos 13:52

Mamʉ chi Ẽwandam iek ʉkhatarr khʉʉnan am ereutarr khurjã ich mag oneenaa Ẽwandam Akhaarjã amach gaai phẽs wai nʉisijim aajem.

Hechos 16:25

Mamʉ edacha pamjã amau agtha Ẽwandamag oraanaa meukhaarpa au naajim aajem. Mag amau Ẽwandamag jeeunaa meukhaarpa au nʉm ag ee presonaan narr khʉʉnaujã ũr naajim aajem.

Hechos 2:46

Mag nʉmua edau ãspapakhampierr Aai i jeeujem deg ãba podpanaa Ẽwandamag jeeujeejim aajem. Maimua amach di aar pawiajã ich mag Ẽwandamag jeeu nʉmua thachjã agdaujoo thoikhanaa thumaa o ãba onee kho dichdimapphʉ aajeejim anʉm.

Hechos 5:41

Mag Jesús iek jaau wenʉrrʉm gaaimuata mag amach wʉ thʉnʉʉubarmjã, okhĩirjugjã chukhu, warag aigmua onee ereubaadejim aajem, mag Jesús gaaimua amach aphʉʉ amkhĩirta Ẽwandamau amach jʉr athamjã khaphʉ narr aawai.

2 Corintios 6:10

Amau oowai okhĩirjuumjo chiraajeeb mamʉ, onee chirʉmta jãg chiraajem; amau mʉ dau aphʉʉmjo oojeeb mamʉ, mag chirʉmuan jũrr õor khapan nem jua paraamjo apiejemta mʉg chirʉm; amau oowai mʉ bʉ̃ʉrjã nem inagdam chukhu chitʉmjo oojeeb mamʉ, bʉ̃ʉrjã augchee khaugba chitʉm.

2 Tesalonicenses 2:16

Maraun, ich maach Por Jesucristoouchata maach Ẽwandam chi Aai dʉimua pãar khĩir jãsenkhanaa pãar juag oopim khõsi nʉm, pãrau nem jaaunaa nem wau nʉm thum wajaphata obeber amkhĩir. Ich Ẽwandamauta maach khõsi khĩir jãsenkhajim, ich mag wenʉrrʉmua ich dʉi ogdʉba nʉisijujã khap amkhĩir.

Hebreos 10:34

Mag durrum gaaimua pãach khapeen cárcel deg durrum khʉʉnjã pãrau ʉu dau aug khaaugjeejim. Mamʉ magpaijã khaba, mʉig eegar pãachdeu nemdam wai nʉm khãaijã ajapchanaa bʉ̃ʉrjã ãrba aajemta paarpajujã khaphʉ naawai, pãach nemdampa khechthʉg aumam kõitjã iekhaba, gaai mas khabamjo warag onee magʉmjã pãrau khĩu ãwaatjeejim.

Hebreos 6:18

Magta Ẽwandamau juraanaa õor dʉi iek deejem ũrwi, chadcha i seu chukhu sĩerrʉm khaphʉ nʉm gaaimuata ĩs ewagjã maach peerdʉ aumkhĩir Ẽwandam jʉr nʉm khʉʉnaun khaphʉ aajem, chadcha irua maach peerdʉ auju. Mag gaaimua i aar naaimaju khĩirjugta wai nʉm, ichdeu maach phe auju jaau simjo aju khaphʉ naawai.

1 Pedro 1:8

Pãrau mʉ denjo Jesucristo khĩircha oobajieb mamʉ, pãrau i khõsinaa i iekjã ʉkha nʉm. Maguata atcha oneg nʉm iekhau pod pãrau pãach onegjã jaauju khaugba nʉm, jãga naaimaju khai ya ich dʉicha naaimaawai.