San Juan 16:20 - Wounaan Meu

²⁰ Mua mʉg jaau chirʉwe chan pãrau pod khaug auba nʉm, pari ya chadcha pãach dakhĩir magbaadeewaita mʉ iek ʉkhaba nʉm khʉʉn onee thʉnʉm daar, pãar mʉ athee icharaucha bĩewia okhĩirjuu ajugui ajim. Mag pãar okhĩirjug pooma ajup mamʉ, ya deeu pãach daúacha mʉ oophobaadeewai jũrr pãar oneeta aphobaadejugui ajim.

Woun Meu

²⁰ Mua mʌg jaau chirʌwe chan pãrau pöd k'aug hauba nʌm, pari ya chadcha pãach dak'ĩir magbaadeewaita mʌ hiek hʌ̈k'aba nʌm k'ʌʌn honee t'ʌnʌm daar, pãar mʌ hat'ee hicharaucha bĩewia hök'ĩirjuu hajugui hajim. Mag pãar hök'ĩirjug pöoma hajup mamʌ, ya deeu pãach daúacha mʌ hoop'öbaadeewai jũrr pãar honeeta hap'öbaadëjugui hajim.

San Juan 16:20 Iomraidhean Croise

San Mateo 21:38

Pari warm khʉʉnau mag i ogkhajujã khĩirjuba, sĩi warag amach aar barpinaa, “Keena, chamʉʉta chi iewaa aawai mʉguata mʉg atagjã jũrr ich aai nemjĩir jʉ̃aju khabahab” ajierram anʉm. “Jãg sĩpí warre maadeu i thõopʉiju, mʉg uvado jũrr maach denkha awaag” ajierram anʉm, amach appai.

San Mateo 5:4

’Pãar ar pãach pekau pom nʉm khaug auwi okhĩirjunaa Ẽwandamagta chugpaapi nʉm khʉʉn, onee abat ajim anʉm, ich Ẽwandamauta pãar khĩir jãsenkhawi pãar khĩir onee apiju aawai.

San Marcos 14:72

Pedroou mag irua chan bʉ̃ʉrjã Jesús khaugba chitʉm a iekhabarm ee, deeu ũmaai chi ãthãrrta kekerekee ajim anaabá. Mag ãthãrr biek numí bĩe dichdimaawaita Pedroou warre Jesuu ichig iekhamatarr khĩir eyaa aadejim anʉm, “Ãthãrr biek numí bĩeju nawe pua biek thãrjup õrag bʉ̃ʉrjã mʉ khaugba chitʉm a iekhaju” ichig Jesuu jaautarr. Ichig magtarr thumaa khĩirju athaawaita warre okhĩirjug machag aademua icharaucha o jãsehne bĩe chirʉʉ ajim anaabá.

San Marcos 16:10

Ichdeu mag oobaawai chi Jesús dʉi wenʉrraajerr khʉʉn gaai machgau bĩe durrum aar mawia amag jaauwimajim anaabá.

San Lucas 22:45

Mag ʉ̃gthaag ich Ayag jeeu sĩi awia, phiidʉwia, ich khapeen oon beewai sĩi warag okhĩirjug machgau khãidʉtkha thʉnʉmta oochejim anʉm.

San Lucas 22:62

Mag khĩir ee dʉnʉisim abarmʉn chadau, gaai machaaga aademua dawag oberwia, warre o jãsenag aademua bĩe sĩi ajim anaabá.

San Lucas 23:27

Maagwai i ẽudee õor pooma wedurajim aajem. Mag õor khapanag ee ʉʉinjã ĩchab i ʉaper durrumua i athee bĩe wedurajim anaabá.

San Lucas 24:17

Mag wetumua ich garmuata, —Keena, ¿pãar khandam jaauwaita mʉg iyʉʉ wenʉrrʉ́ma? ¿Jãga jãg pãar okhĩirjuumjo wetmá? ajim anʉm.

San Lucas 24:21

Amau i jãgbajupii awia marau khĩirjuawai ichdeuta israelnaan thum Romapien jua eemua por obeer aujupii naajimgui ajim anʉm. Mag khĩirju naajieb mamʉ, viernes i thõotarr ya khãai thãrjup pamgui ajim anʉm, ĩsim khurau i dau aphʉʉ abarm.

San Lucas 6:21

Onee abat ajim anʉm, pãar ar Ẽwandamau waupim khõsim nem wawaagta jãsoomjo nʉm khʉʉn. Jãgtarr jũrr mʉg atag pãar bʉ̃ʉrjã augcheba wenʉrrajugui ajim anʉm. Onee abat, pãar mʉ gaaimua dauhi paraa durraajem khʉʉn; mʉg atag pãar okhĩirjug khaugba wenʉrrajugui ajim anʉm.

San Juan 16:33

Oob khĩirjumiet, mua ag nawe thum pãrag mag jaau chirʉmʉn, pãach warag mʉ denkha wenʉrrʉm gaaimua onee amkhĩraugui ajim. Mʉig eegar nʉweran pãar chadcha dau aphʉʉ wenʉrraju; pari khĩirdam onee abat ajim; mua mʉch garmuata mʉg durr gayam jua theeg thum podpʉiwia pãar eeg oo wai chitajugui ajim.

San Juan 16:6

sĩita warag okhĩirjuu nʉm, pãach appai aphobaadeewai pãach dau aphʉʉ aju khĩirjuwia.

San Juan 20:20

Magnaa chadcha marag ich jua oopinaa ich ãi ee thutkhereu sutarrjã oopibaawai maar onee aphobaadejim, deeu maach daúacha maach Por oobaawai.

Hechos 5:41

Mag Jesús iek jaau wenʉrrʉm gaaimuata mag amach wʉ thʉnʉʉubarmjã, okhĩirjugjã chukhu, warag aigmua onee ereubaadejim aajem, mag Jesús gaaimua amach aphʉʉ amkhĩirta Ẽwandamau amach jʉr athamjã khaphʉ narr aawai.

Romanos 5:11

Pari mag ich aar aujupaijã khabam. Maach Por Jesucristoou Ẽwandam dʉi mag maach khõinaa apitarr paarjã irig ʉu ajim anaa ich Ẽwandamta tho iekhaajem, onee naawai.

2 Corintios 6:10

Amau oowai okhĩirjuumjo chiraajeeb mamʉ, onee chirʉmta jãg chiraajem; amau mʉ dau aphʉʉmjo oojeeb mamʉ, mag chirʉmuan jũrr õor khapan nem jua paraamjo apiejemta mʉg chirʉm; amau oowai mʉ bʉ̃ʉrjã nem inagdam chukhu chitʉmjo oojeeb mamʉ, bʉ̃ʉrjã augchee khaugba chitʉm.

Gálatas 5:22

Mag khãai Ẽwandam Akharagta ichdeu khõsi simjo ʉdʉraa pãachig nem jaaupi nʉmʉn chad warag pãar ee agdaujo pãach khapeen kha khõsinaa, onee, khõinaata wenʉrraju. Mag nʉm dʉi ĩchab chikhamnau khãijã dich meeukhapiju ẽkhaawaijã sĩi ãwatpʉpʉi aa khaphʉnaa, ich odeg bigaaum khʉʉndamjã ʉuta wenʉrrapim khõsi, õor dʉi o ajaphanaa, dich khapeenag nem magju abarmjã chadcha dich iekhatarrjo nem wau wenʉrraju.

1 Tesalonicenses 1:6

Pãach daúa maar mag wajapha wenʉrrʉm oobaawai, pãrau maar wenʉrraajemjo awia ĩchab maach Por Jesús nʉrrarrjo ajierram. Ich ag gaaimua pãar phithurg aujierrab mamʉ, ich Ẽwandam Akharauta pãar thãar onee api sĩewai pãrau maach peerdʉajem iekjã onee ʉkhajierram.

Santiago 1:2

Khodamnaan, nem thumaamua pãach khĩirpierr chachmawiajã warag oneeta abat.

Judas 1:24

Pari pãar chadcha maach Ẽwandam ãbpai khitʉm den aawai oob khĩirjumiet. Ichdeuta maach Por Jesucristo gaaimua maach peerdʉ auwia, ich jua theegauta maach pekau ee burrpiba thʉanaa, maach i agkham edjã oneeta bʉ̃ʉrjã pekau chukhu phe auju, ich mag ich dʉi naamkhĩir.

Apocalipsis 11:10

Makhʉʉn numí mag Ẽwandam iek jaau wenʉrrʉm khʉʉn mag mepeer sĩi khanjo simua khechbapʉim abaawai, õor durrpierram khʉʉnta onee ajurau, Ẽwandam i jaau durrum gaaimua amach khajap sĩuba aajerr khʉʉnta ya khechbapäaiwai. Mag onegau jũrr agdaujo chikhamnag regalojã ʉahʉanaa phiestajã wauju.

Apocalipsis 18:7

Jãg ichdeupai ich thowi parhooba ichdeu khõchagpierr aajerr paar, ich agjo i gaai mas waunaa i dau aug waupibat” ajim. “Iruan ichdeupai ich igwi, ‘Mʉʉn mʉiguin rey ʉʉijota ʉm, mʉ chan khoopaa ʉʉi khabam; mʉg ʉrrʉm chan mʉ chan bʉ̃ʉrjã dau aphʉʉ ʉrrabaju’ a iekhaajem.