San Juan 16:14 - Wounaan Meu

¹⁴ Iruata mʉ jaauju aai chirʉm aawai ichdeuta mua jaaujerr iekjã mʉchdeu jaaujerrjo ũwaai pãrag khĩir eyaa apinaa wajapcha khap apiju. Mag sim aig chan ichta tho iekhapiba, mʉʉta irua pãrag tho iekhapi simgui ajim.

Woun Meu

¹⁴ Hiruata mʌ jaauju haai chirʌm haawai hichdëuta mua jaaujerr hiekjã mʌchdëu jaaujerrjö hũwaai pãrag k'ĩir heyaa hapinaa wajapcha k'ap hapiju. Mag sim haig chan hichta t'ö hiek'apiba, mʌʌta hirua pãrag t'ö hiek'api simgui hajim.

San Juan 16:14 Iomraidhean Croise

San Juan 14:21

Chi mua nem jaautarr ũrnaa mʉ ipierraa simuan magan chadcha mʉ daupii sim a sim. Mag chi mʉ daupii simʉn, ĩchab mʉ Ayaujã i daupii ajugui ajim. Mag mʉ Ayau i daupii abaawai mʉchdeujã i khõsinaa warag mʉch khĩirjugchata khap apijugui ajim.

San Juan 15:26

’Pari õrau mag pãar oomapha nʉm ee, mʉchdeu jaau chirarrjo, mʉch ipaarmua mʉch Ayag ich Akhaar pʉipi jaaujugui ajim, pãar khĩir jãsenkhamkhĩir. Mag pierrwain chadau ichta mʉ destigkhajugui ajim, ichdeuta pãrau õrag chadam iek jaaupimamua ĩchab mʉjã jãga chitʉ́ a khaugpimaju aawai. Pari wajapcharan pãachjã mʉ destignaanaugui ajim, mua warrcha mʉch Aai iek jaaubaaderr aigmua pãachta mʉ dʉi ogdʉba wenʉrraawai.

San Juan 7:39

Mag sim aiguin Jesuu i iek ʉkhabarm khʉʉnaun Ẽwandam Akhaarta auju a sim ajim. Pari maagwai chan agtha chi Ẽwandam Akhaar beeba sĩejim, ich Jesujã agtha ich Aai aar ʉ̃gthar maba sĩerr aawai.

1 Corintios 12:3

Magua ĩs khĩirjuawai, ãbmua khãijã chadcha Ẽwandam Akhaar jua theegauta i iek jaau nʉrrʉm khai, pod Jesús thʉ̃r thʉ̃rnaa khaigba iekhaju khaba sim. Maimua ich Ẽwandam Akharauta iekhapibam chan, pod ãbmua, “Jesuuta thumaam khʉʉn Porou” a iekhabaju.

2 Corintios 4:6

Ar mʉg durr ompaa naawaijã sĩi ich iekhaupai khĩchag eemua ararag ompaa autarr ich ag Ẽwandamaupaita ich iekhau maach khĩirjug aardʉ athamjo ajim, magbarmua maach Ẽwandam thumaam khʉʉn khãai wajaug sĩerrʉmta Jesucristo gaaimua khaphʉ nʉisimkhĩir.

Gálatas 5:5

Pari pãar mag nʉm daumich, maraun chad Ẽwandam Akhaar gaaimua maimua chadcha Cristo maach kõit meetarr ʉkha nʉm gaaimuata Ẽwandam dau najã maach kulp chukhu naaju khaphʉ nʉm.

1 Pedro 2:7

Pãar chi ʉkha nʉm khʉʉnagan Cristoon chadcha dibig ajaphamʉu. Mamʉ ar ʉkhaba nʉm khʉʉnagan maadeu nem igmaphamjota sim. Mamʉ mag i isegju igwi Ẽwandam iek gaai jaau simjo, “Di eu narr khʉʉnau dipá isegtarrta jũrr chi dihãd jãrramkha sĩsiju” a sim. (Sal. 118:22)

1 Juan 3:23

Irua maachig waupi jaau simʉn ãba ich Iewaa iekta ʉkhapi simʉu; mag nʉm dʉi ĩchab ich Jesucristoou waupi jaautarrjo agdaujota dich khapeen kha khõsi api sim.

1 Juan 5:20

Maadeu khaphʉ nʉm ĩchab, Ẽwandam Iewaa maach ee beewiata maachig khĩirjug deechejim, Ẽwandam chaarta wajapcha khap amkhĩir. Mag gaaimuata maachin chadcha ich Ẽwandam chaar dʉita wenʉrrʉm, pari wajapcharan chi Iewaa Jesucristo dʉijã agjo naawai mamʉ. Mag Cristota Ẽwandam chaar anaa maach ich mag iiupiejemʉu.

1 Juan 5:6

¿Pari jãga mag Jesús Ẽwandam Iewaakha sim maadeu khaphʉ nʉ? Jesús por choo nʉm aig ich Ẽwandamaucha ʉ̃gtharmua jaauwia pakuls gaai ya meemaa aawaijã agjo jaautarr aawaima. Mag nʉm dʉi ich Ẽwandam Akhaar chadcha nem jaaujemuajã khaphʉ apiejem, Jesús chadcha Ẽwandam Iewaakha sim.

Apocalipsis 19:10

Mʉchig magbaawai, mua i bʉkhʉrr phõbkhaimajim irigta Ẽwandamagamjo jewaag. Mamʉ mag mua ich bʉkhʉrr phõbkhabaimaawai mʉrʉg, —Ʉ̃hʉ̃, oob jãgam mʉ dʉi. Ẽwandamagta jeeubá ajim. Mʉjã sĩi pʉ dʉi ãba Ẽwandam chog khabahab ajim, pʉ khodnaan ar Jesús iek amachdeu ʉkhatarrta ogdʉba amachdeu ootarrjo jaau durrum khʉʉnjo. Ẽwandamagta jeeubá ajim mʉrʉg.