San Juan 16:13 - Wounaan Meu

¹³ Ich Ẽwandam Akhaarcha pierrwain chadau, ichdeuta mag chadam iekjã khap apiejeewai, Ẽwandamau pãachig jaaumam thumaa pãrau khaphʉ ajugui ajim. Mag irua jaaumamjã chadam iekhaugui ajim, irua sĩi ich khĩraupaita nem jaauba chi Ayau ichig jaaumamta jũrr pãrag jaaumaawai. Mag sĩewai mʉg atag nem obeberg majujã pãrag khaphʉ apijugui ajim, ichdeupai.

Woun Meu

¹³ Hich Hẽwandam Hak'aarcha pierrwain chadau, hichdëuta mag chadam hiekjã k'ap hapiejeewai, Hẽwandamau pãachig jaaumam t'umaa pãrau k'ap'ʌ hajugui hajim. Mag hirua jaaumamjã chadam hiek'augui hajim, hirua sĩi hich k'ĩraupaita nem jaauba chi Hayau hichig jaaumamta jũrr pãrag jaaumaawai. Mag sĩewai mʌg hatag nem höbëbërg majujã pãrag k'ap'ʌ hapijugui hajim, hichdëupai.

San Juan 16:13 Iomraidhean Croise

San Juan 12:49

Chi mʉ iek iseg nʉm khʉʉnaun khaphʉ aju aai nʉmgui ajim, sĩi mʉch khĩrauta mʉch iekham aig iekhaba chitʉm. Mʉ Ayauta mʉ pʉitarr aawai, ichdeuta mua iekhamajujã jajawag maawai, ich agpierrpaita jaau chitʉmgui ajim.

San Juan 14:17

Magbaawai irua ich Akhaar pʉiju. Pari ma, mʉg jẽb gaai sĩi parhoobam khʉʉnau pod aubajugui ajim, amau i oojã oobanaa khaugjã khaugba naawai. Mag amau i khaugba nʉm ee, ichdeun pãrag ich khaugpinaa chadam iekjã khaphʉ apijugui ajim, ichta pãar thãar ee sĩenaa mʉg atagjã ich mag pãar dʉi sĩerraju aawai.

San Juan 14:26

Pari mʉ jũrr mʉ Ayau ich Akhaar pãar khĩir jãsenkhamkhĩir pʉibaawai maguata jũrr pãrag nem thumaa jaaunaa mua pãachig jaaujerrjã deeu thumaa pãrag khĩir eyaa apijugui ajim.

San Juan 14:6

Magbaawai ich Jesuu, —Mʉchpaita ʉ̃gthar maajem khʉd khabahab ajim. Mʉ gaaimuata chadam iekjã pãrau khaphʉ nʉm. Mʉchdeuta mʉg jẽb gaaiwe õor Ẽwandam denkhapiejem. Ãba mʉ gaaimuapaita õran mʉ Aai aar barju aai nʉmgui ajim.

San Juan 15:26

’Pari õrau mag pãar oomapha nʉm ee, mʉchdeu jaau chirarrjo, mʉch ipaarmua mʉch Ayag ich Akhaar pʉipi jaaujugui ajim, pãar khĩir jãsenkhamkhĩir. Mag pierrwain chadau ichta mʉ destigkhajugui ajim, ichdeuta pãrau õrag chadam iek jaaupimamua ĩchab mʉjã jãga chitʉ́ a khaugpimaju aawai. Pari wajapcharan pãachjã mʉ destignaanaugui ajim, mua warrcha mʉch Aai iek jaaubaaderr aigmua pãachta mʉ dʉi ogdʉba wenʉrraawai.

San Juan 16:12

Mag jajawagmamua, —Agtha pãrag iek jaauju pooma wai chirʉmgui ajim, pari mʉʉgwaiwe par pãrag jaaukhiinjã pod pãrau khaugbaju.

San Juan 3:32

Mamʉ irua magba, mʉ khãaijã ʉ̃gtharmta ichdeucha oowia ichdeucha ũrtarrta jaau sĩebahab ajim anʉm Jesús igwia. Mamʉ magʉmjã khapancha khaba nʉm i iek ʉkha durrum khʉʉn.

San Juan 8:38

Muan mʉch Aai dʉi chiraawai i dʉi khaugtarrta pãrag jaaujem. Maagwai pãraujã ich agjo pãach ayau pãachig jajaaukhamta waaujemgui ajim.

Hechos 11:28

Mag beewia ãb Agabo anʉmua Ẽwandam Akharau ichig jaaupibaawai õrag jaaujim anʉm, durrpierr jãdau theeg burrju. Magtarr khur Claudio reikha sim jaar, chadcha ich Agaboou jaautarrjoo ajim anaabá.

Hechos 20:23

Ẽwandam Akharau mʉchig jaaujeewai mua khaphʉ chirʉmgui ajim, amau mʉ dʉi amachdeu ampierr awi mʉ phãarju cárcel diin jam sĩsidʉm.

Hechos 27:24

mʉrʉg khĩirjupibajimgui ajim, ichiita emperador dʉi khĩircha iekhab khaba iekhaju chiraawai. Mag gaaimua Ẽwandamau mʉ peerdʉ atham dʉi ĩchab pãar thum mʉ dʉi ãba khodjorrom khʉʉnjã peerdʉ auju a jaaujimgui ajim, chi Ẽwandam chogau mʉchigcha.

2 Tesalonicenses 2:12

magbaawai ĩchab magʉm gaaimua amach khõchagpierr nem khaigbamta waum khõchgau chadam iekta ʉkhaba arr gaaimua jũrr ich Ẽwandamauta am gaai mas aímʉ mas aag.

2 Tesalonicenses 2:3

Ãbmua khãijã pãachig mag jaauwai maan seukhaawaiu. Ich Jesucha beeju na ichiita woun ãb chi khaigbam mʉg jẽb gaai sĩeicheju. Mag wounauta õor Ẽwandam dʉi meeukhapiju. Mamʉ mʉg atag paawai Ẽwandamau jũrr i gaaita jua khʉaba ich mag i gaai mas wai nʉrraju.

Hebreos 1:1

Warr jooingar Ẽwandamau biek khapan ichdeucha õor jʉr auwi makhʉʉnagta ichdeu nem jaaum ig sim jaaujeejim aajem. Khar khãaipi au nʉmua, ich chognaan pʉi nʉmua, wa magbaju khai ichdeuchata amag jaaujeejim aajem, makhʉʉnau jaau nʉm ũr nʉm gaaimua õrau ich khapcha pamamkhĩir. Mag, chadcha makhʉʉnauta jũrr maach jooinag ich agjoo jaaujeejim aajem.

1 Juan 2:20

Pari pãragjã Cristoou ich Ẽwandam Akhaar chaar deetarr wai naawai mua khaphʉ chirʉm pãrau jãgbaju. Mag pãrau chadam iek khaphʉ naawai jãg warm khʉʉn denjo i ichaaur abaju.

1 Juan 2:27

Pari pãrau ich Ẽwandam Akhaarta pãach thãar ee wai naawai muata pãrag jaauju khaba chirʉm, mag pãar thãar ee simuata ichdeu khap pãrag jaaumaawai. Irua nem jaau sim chan seukhaa khaba chadcharau. Maguata ich chi Ẽwandam Akharau pãachig jaaujemjo Cristo dʉita ogdʉba ich jãg nʉisit.

1 Juan 4:6

Pari maach agjo mʉig eegarm khʉʉnkha nʉmta jũrr Ẽwandam denkha nʉm. Maagwai chi Ẽwandam amach thãar ee wai nʉm khʉʉnaupaita maach iek ũrm khõsi ũurjerram. Pari Ẽwandam den khabam khʉʉnau chan bʉ̃ʉrjã maachdeu jaau nʉm iek ũrmapha aajem. Maguata ãbmua khãijã Ẽwandam iekta jaau nʉrrʉm anʉmta maadeu jaau nʉm ũrmapha simʉn magan maig merag chukhu sim, chadam iek jaauba sĩi chikham khũguraagta mag nʉrrʉm.

1 Juan 5:6

¿Pari jãga mag Jesús Ẽwandam Iewaakha sim maadeu khaphʉ nʉ? Jesús por choo nʉm aig ich Ẽwandamaucha ʉ̃gtharmua jaauwia pakuls gaai ya meemaa aawaijã agjo jaautarr aawaima. Mag nʉm dʉi ich Ẽwandam Akhaar chadcha nem jaaujemuajã khaphʉ apiejem, Jesús chadcha Ẽwandam Iewaakha sim.

Apocalipsis 1:1

Mʉʉn Juanau, Jesucristo chog. Muata pãrag mʉchdeu ootarr jaaum ig chirʉm. Mʉg mua jawaagpam iekhan ich Ẽwandamaucha Jesucristoog jaautarrau. Mag ichig jaaubaawaita mʉ khãaipi auwi mʉrʉg jaaujim, jũrr mua ich iek ʉkha durrum khʉʉnag jaaumkhĩir. Mʉg iek thum ich jaaubarmjo chadcha jopcha aju khap amkhĩir, Jesucristoou ich chog ãb ʉ̃gthar ich dʉi sĩejemʉgta jaaujim, mag mʉ khãaipi atham ee jũrr magua mʉrʉg jaaumkhĩir.

Apocalipsis 1:19

Maimua mʉrʉg, “Cha pʉchdeu nem oobarm dʉi nau pʉchig oopibarmpa ẽsap gaai thumaa phã sĩubá” ajim, “mʉʉgwai nem in thʉnʉm, maimua mʉgtarr khurjã nem obeberg maju thum phã sĩubá” ajim.