San Juan 16:1 - Wounaan Meu

¹ ’Mua pãrag ag nawe mag õrau pãar oomapha aju a chirʉmʉn, ya pãach dʉi chadcha magphobaadeewaijã mua pãachig jaaujerrta khĩir eyaanaa warag ubʉ nʉisimkhĩrau ajim.

Woun Meu

¹ ’Mua pãrag hag nawe mag hõrau pãar hoomap'a haju ha chirʌmʌn, ya pãach dʌ̈i chadcha magp'öbaadeewaijã mua pãachig jaaujerrta k'ĩir heyaanaa warag hubʌ nʌisimk'ĩrau hajim.

San Juan 16:1 Iomraidhean Croise

San Mateo 11:6

Magnaa ĩchab irig, “Chi mʉ iek ʉkhawi ogdʉba mʉ gaai ʉkha chirʉm wounan onee ich mag chitaju a jaaubaimat” ajim anʉm, mag ichig jeeuwimarr khʉʉnag.

San Mateo 13:21

Mamʉ jẽb chukag gaaimua chi nemjĩirdam wajap khaarkhaba arrjo, ĩchab mag ũrm khõsi ũrnaa ʉkhatarrjã wajappai ubʉ khaba nʉm. Mag khukhurpai naawai, mag iek wajapham gaaimua chikhamnau khaigbanaa phithurg aawaijã, deeu Ẽwandam iekta isegwi, warr amach naajerrjota wenʉrram khõsi nʉm.

San Mateo 13:57

Amachdeu mag nʉm gaaimua irua nem jaau simjã asekasba, warag i dʉi khĩir khʉʉukha phobaadejim. Pari magbaa ich Jesuu amag, —Chadcha deeum durram khʉʉnaun mʉg Ẽwandam iek jaau wenʉrrʉm khʉʉnag eenaa am dʉi ajapha aba aajeeb ajim. Mamʉ mag sim, jũrr dich di aig wa dich bãautarr durrpai chan magjã magba warag am kha isee aajerramgui ajim, jũrr amach khĩircha.

San Mateo 24:10

Mag jaar paawai õor pom mʉ iek ʉkha thʉnarr amachdeu ʉkha narr iek isegwi deeu ewag wetju, warr amach narrjo. Magbaadee wir aig amach eepaijã chikham oomapnaa wir aig chikham thõomaju ajim.

San Juan 15:11

’Mua pãrag mag iekha chirʉmʉn, mʉch onee chirʉmjo pãachjã warag wajapcha onee amkhĩraugui ajim. Pãar mag mʉjota onee nʉmʉn magan mʉg eegarm oneg khaba, oneg chaarta wai nʉisim.

San Juan 16:4

Ya mua pãrag ag nawe mag jaau chirʉmʉn, ya chadcha pãach mag am jua ee dau aphʉʉ aadeewaijã mua pãachig amau pãach dʉi magju a jaaujerr khap amkhĩraugui ajim. ’Mag mʉch gaaimua pãar dau aphʉʉ ajujã warrcha mʉch khapeenkha awaag pãar thʉ̃rkha aauwaiwe mua chadcha pãrag jaaubajimgui ajim, agtha pãar dʉi amau magju wají narr aawai; mag nʉm dʉi ĩchab mʉchcha pãar dʉi chitaawai.

Romanos 14:21

Wajapcharan mag maach gaaimuata maachjo Cristo iek ʉkha kherʉmdam pekau ee burrpi sim khai, magan warag bʉ̃ʉrjã nemek khoba, nagjã doba, ni parhooba nem waujujã khaba nʉm.

Filipenses 1:10

nem aai khabamjã isegnaa nem ajaphampaita waumkhĩir. Mag amʉn magan Cristo beem edjã pod ãbmuajã “Pãar khaigba naajim” abaju.

1 Pedro 2:8

Maimua ĩchab ich ag woun igwiapai, “Jãg dibig gaaimuan õor bʉheu sub khaba bʉheu suwi burrju” a sim. (Is. 8:14) Mamʉ mag am bʉheu suwi burrju a simʉn, maach peerdʉajem iek jaau nʉm ũr nʉmjã amachdeu ʉkhaba arr gaaimua Ẽwandamau ich aar aubajuuta jaau sim, ich warrgarwe mag ich iek ʉkhabam khʉʉn dʉin ich magta aju arr aawai.