San Juan 15:9 - Wounaan Meu

⁹ Ich jãg mʉ Ayaujã mʉch khõsi wai sĩejemjo, muajã pãar khõsi chitʉm. Ich jãg pãach nʉmjota nʉisit ajim, mua ich jãg pãar khõsi chitaag.

Woun Meu

⁹ Hich jãg mʌ Hayaujã mʌch k'õsi wai sĩejemjö, muajã pãar k'õsi chitʌm. Hich jãg pãach nʌmjöta nʌisit hajim, mua hich jãg pãar k'õsi chitaag.

San Juan 15:9 Iomraidhean Croise

San Juan 15:11

’Mua pãrag mag iekha chirʉmʉn, mʉch onee chirʉmjo pãachjã warag wajapcha onee amkhĩraugui ajim. Pãar mag mʉjota onee nʉmʉn magan mʉg eegarm oneg khaba, oneg chaarta wai nʉisim.

San Juan 15:13

Maadeu dich khapeen athee nem waauwai amag khaphʉ apiejem, chadcha maadeu am khõsi nʉm; pari mag nem wau nʉm khãai ʉ̃rpai simʉn, am kõitjã ʉdʉraa dich thõopi chirʉmta chadcha am daupii chirʉm anʉmʉugui ajim.

San Juan 17:26

Ya mua amag jaaujim, pʉ jãga sĩerrʉ́. Pari ichiita warag mua amag ich jãg jaau chitajugui ajim, ich jãg pʉchdeu mʉ daupii wai simjo amaujã jũrr agdaujo amach khapeen kha khõsi amkhĩir. Amag magamkhĩran, mʉchta am dʉi chitajugui” a iekhamajim ich Ayag maar kõit.

San Juan 3:35

Chi Ayaujã ich Chaai jãsene wai sĩewai nem thʉnʉmjã thum ãba irigta jaaubajieb.

Efesios 3:18

tagam khʉʉn agjo ʉkha durrum khʉʉn denjo jãga ich Cristoou khũchpaim athee khaba ich mag daupii wai nʉrraagta thumaam khʉʉn khõchkhaajẽ a khap amkhĩir; maimua jãga õor dau aphʉʉ maadeu nem igba khitawiajã thethem khʉʉnjo khõsi aajẽ a khap amkhĩir.

1 Juan 2:28

Chaaina, deeu pʉaba muan pãragan, Cristo dʉita ogdʉba nʉisit a chirʉm, maagwai deeu i beewaijã i ogkhaju khãyau warag chigag chukhu i dʉi naag.

Judas 1:20

Hermanonaan, pari pãrau ʉkhatarr iek ich Ẽwandamauta khaugpitarr aawai bʉ̃ʉrjã mʉg eegarm khĩirjugjo khaba sim. Magua muan pãragan ag iek gaaita pãach khapeenjã agdaujo bãaupiju ẽkhabat a chirʉm. Pãach Ẽwandamag jeeuwaijã ich Ẽwandam Akharau jeeupi simjota jeeubat.