San Juan 15:5 - Wounaan Meu

⁵ Mag iekhamamua deeu ichdeu jaautarrjo, —Mʉʉta chi uva khaar charaugui ajim, ich igwia. Maagwai pãar sĩi mʉ khãu nenergau. Chi mʉ dʉita ogdʉba simʉn chadcha Ẽwandam athee nem wajapham pooma waujugui ajim, mʉch garmuajã i ogdʉba chiraawai. Mʉ gaaimua khabam chan bʉ̃ʉrjã pãrau pod nem wajapham waubajugui ajim.

Woun Meu

⁵ Mag hiek'amamua deeu hichdëu jaautarrjö, ’Mʌʌta chi uva k'aar charaugui hajim, hich higwia. Maagwai pãar sĩi mʌ k'ãu nenergau. Chi mʌ dʌ̈ita hogdʌba simʌn chadcha Hẽwandam hat'ee nem wajap'am pöoma waujugui hajim, mʌch garmuajã hi hogdʌba chiraawai. Mʌ gaaimua k'abam chan bʌ̃ʌrjã pãrau pöd nem wajap'am waubajugui hajim.

San Juan 15:5 Iomraidhean Croise

San Mateo 13:21

Mamʉ jẽb chukag gaaimua chi nemjĩirdam wajap khaarkhaba arrjo, ĩchab mag ũrm khõsi ũrnaa ʉkhatarrjã wajappai ubʉ khaba nʉm. Mag khukhurpai naawai, mag iek wajapham gaaimua chikhamnau khaigbanaa phithurg aawaijã, deeu Ẽwandam iekta isegwi, warr amach naajerrjota wenʉrram khõsi nʉm.

San Juan 12:24

¿Pãrau ooba aajẽ ajim, nemjĩir dau ĩiu awaagjã jãga aajẽ? Jẽb ee jĩirbam chan maan ich mag sĩsim, bʉ̃ʉrjã ĩiuba. Magarrau jĩir sĩuwia ober sĩsiewain chadau chebaademua ich jĩirtarr khãaijã ʉ̃r aaujem. Ich agjota mʉjã meeju aai chirabahab ajim, mag mʉch meebarm gaaimua õor pom peerdʉ awaag.

San Juan 15:16

Warrjã pãrau pãach garmuata pãach Porkhamkhĩir mʉ jʉr auba mʉch garmuata pãar jʉr autarr aawai, mua pãar pʉi chirʉmgui ajim, wetwia õrag mʉ iek aaidʉ jaaumamua õor mʉch igar paa aumamkhĩir. Pãrau magmʉn, magan mʉ iek gaai thʉwia mʉ Ayag nem jeeuwaijã thum irua deeb khaba deejugui ajim.

San Juan 5:19

Pari Jesuu warag, —Mʉch chi Chaairaujã mʉch Ayau nem waupim khõsi sim khaugba akhiin, muajã mʉch khĩrau chan waubajugui ajim. Magba irua nem waupim khõsi sim mʉchdeu khaphʉ chiraawaita muajã chadcha waaujemgui ajim Jesuu chi judionaanag.

San Juan 9:33

Mʉg mʉ dau wajapha apitarr woun ich Ẽwandamau pʉitarr khaba akhiin, irua jãgʉm nem pod wauba aajeekhamgui ajim aajem amag.

Hechos 4:12

Magtarr aawai deeum woun mʉg jẽb gaai maach peerdʉju ayaam chan tag chukhumgui ajim anʉm. Mag Ẽwandamau maach peerdʉ aumkhĩir deeum khʉʉnagjã jaauba arr aawai ãba ich Jesuupai khabam chan pod õor amach pekau eemua peerdʉbamgui ajim aajem Pedroou.

Romanos 12:5

Maach ich Cristo iek ʉkha nʉm khʉʉnjã ich agjota thʉnʉm ĩchab, khapan. Mamʉ mag khapan thʉnʉm khʉʉnauta jũrr Cristo mor ãbpai ompaa au nʉmjo nʉm. Mag khapan thʉnʉmta mag i iek ʉkha nʉm gaaimua jũrr chikham gaai sõpigkha thʉnʉmjo nʉm. Mag naawai jũrr agdaujo chikham iigjem.

Romanos 6:22

Pari ĩs chan pãar warr pekau chogkha narrjo khaba nʉm; ĩsin pãran jũrr Ẽwandam chognaanau. Pari mag i chogkha nʉmʉn chadau ante maach athee wajaugta sim, mag nʉmuata i õorkha i atheepai wenʉrranaa i aar oberwi i dʉi naaimaju aawai.

Romanos 7:4

Khodamnaan, pãarjã ĩchab ich agjota naabahab: Warran leita pãar jaaijo sĩejim. Magua ichiita pãrau ag gaai jaau sim ipierraa ab khaba aajeejim. Pari tag pekau waumaaugau ya pãar Cristo dʉi meetarrjo naawai ya mag ley pãar dʉi tag iek theeg chukhu sĩsim. Ya ĩsin pãran jũrr Cristo deneu, ar meewia deeu iiu phiidʉtarr denma. Mag i denkha naawaita Ẽwandam dau na nem wajapha wau wenʉrraju.

1 Corintios 10:16

Ẽwandamau maachig dopi jaautarrjo Santa Cena khaawai irig ʉu ajim anaa doowai, ¿jãg nʉm aig maach Cristo bag ãrtarr gaaimua ãba Cristo denkha nʉm a sim khabá, chi do nʉm khʉʉn? ¿Wa mag khabáwa? Maimua chi panjã agjo jua ee aunaa irig ʉu ajim anaa khoowai, ¿ĩchab Cristo mor gaaimua maach ãba i denkha nʉm a sim khabá?

1 Corintios 12:12

Maach moron chadcha thum ãbpaita sĩeb mamʉ, ag gaai nem khĩir pogkhe thʉnʉm. Ag gaai thʉnʉm: dau, jua, bʉ, kach, maimua magpaijã khabam. Pari mag thʉnaab mamʉ, ichiita õor mor ãbpaim gaaita mag thʉnaajem. Ich magta sim ĩchab Cristo morjã: Maachta i morkha nʉm.

1 Corintios 12:27

Maach Cristo igar nʉm khʉʉnan, maachta i morou. Mamʉ thumaam khʉʉnau ãbam phidagpai wauba naawai dichpierr nem wau nʉm gaaimua ãb sĩi i juajo sim; deeum phidag wau sim gaaimua ãb i bʉjo sim; ãb i daujo; ich mag nʉmua maimua mag tag ich mag thum i mor enter.

2 Corintios 13:8

Mʉ pãar aar barimaawai pãrau chadam iek Cristoou jaau sim ichaaur khaba nʉm ooimamʉn mua pãrag iek khẽgkha iekhabaju, pãar ya wajaphanaa warag ʉkha nʉmta mʉchdeujã oom khõsi chiraawai.

2 Corintios 9:10

Ich Ẽwandamauta nemjĩir jĩramkhĩirjã maachig nemjĩir dau deenaa nem thum maadeu khoojemjã deejeewai, ichdeuta ĩchab nem wajapha wawaag pãrau nem iigwaijã deeb khaba deeju. Mag nem deem khõsi dee nʉmta nemjĩir jĩirwia bãaumamjo warag ʉ̃rpapag maju, mag oowia warag ofrenda deem khõsi dʉrrcha deemkhĩir.

Gálatas 5:22

Mag khãai Ẽwandam Akharagta ichdeu khõsi simjo ʉdʉraa pãachig nem jaaupi nʉmʉn chad warag pãar ee agdaujo pãach khapeen kha khõsinaa, onee, khõinaata wenʉrraju. Mag nʉm dʉi ĩchab chikhamnau khãijã dich meeukhapiju ẽkhaawaijã sĩi ãwatpʉpʉi aa khaphʉnaa, ich odeg bigaaum khʉʉndamjã ʉuta wenʉrrapim khõsi, õor dʉi o ajaphanaa, dich khapeenag nem magju abarmjã chadcha dich iekhatarrjo nem wau wenʉrraju.

Efesios 5:9

Mag Cristo gaaimua chadcha ararag eeta wenʉrrʉmʉn, õor ajaugta aadeejem; mag nʉm dʉi ĩchab nem agcha waunaa iekhaawaijã chadam iekta iekhaajem.

Filipenses 1:11

Mag amʉn magan ĩchab ich Jesucristoouta pãrag nem ajapham pom waau khaugpiju. Õrau pãar mag oobaawai amaujã ĩchab Ẽwandamag jeeumamua, “Ʉuta pua am jãg phe wai chirʉm; pʉjom chan chukhum” a iekhaju.

Filipenses 4:13

Mua chan mʉch dau aphʉʉ chitajujã khĩirjuba chitʉm, magʉm ãwat chitaagjã ich Cristoouta mʉrʉg juapá deejeewai.

Filipenses 4:17

Ãba sĩi pãar jua eem nem aum khõchgaupaijã khábata mʉ mag iekha chirʉm. Mua ʉ̃rcha khõsi chirʉmʉn, ĩchab pãrau mʉrʉg nem dee nʉm paarjã jũrr ich Ẽwandamauta pãrag ag khãyau nem ajapcharamta deepim khõsi chirʉm.

Colosenses 1:10

Irigta pãar kõit jeeujem, chadcha maach Por Cristo denkha nʉm khʉʉnjo pãach nem wau nʉmpierr irua nem khõsimta wau nʉmua dich khapeen dʉi nem ajapha aju ayaamjã waub khaba waumkhĩir; mag nem wau nʉm gaaimua warag ich Ẽwandamjã ajapcha pãachig khap amkhĩir.

Colosenses 1:6

Ich jãg pãachig jaaubaawai pãrau ʉkhatarr iekpaita ĩchab deeum khʉʉn eejã durrpierr aaidʉmam. Mag jaau nʉm ũrwi ʉkhamam khʉʉnjã khapaana paaukhamam dʉi ĩchab õor pooma warr amach khaigba wenʉrraajerr khĩirjug isegwi õor wäjäaunag paaukha thʉnʉm, ich jãg ʉu Ẽwandamau chadcha ich garmua maach khõsi aajem iek jaau nʉm ũrwi pãachdeu ʉkhatarrjo. Pãrau khaphʉ nʉm, mag Ẽwandamau ich garmua maach khõsi aajemʉn chadcharau.

Santiago 1:17

Ẽwandam edjã ee nem thʉnʉmpa wautarraun maachig nem thum nem ajapham appaita deejem. Ich chan maach mʉig eegarm khʉʉnjo cambibierrso khaba sĩerrʉm. Mag sĩewai prueba ee nʉm aigjã iruata magʉm khĩirjug deejim awi i gaai thʉju khaba nʉm.

1 Pedro 2:4

Mag i iek gaaita ubʉ naagan, Cristoouta ichjo maach ich mag iiupiejeewai, i bʉʉta ẽkhabat. ¿Pãrau khaugba nʉ, Ẽwandamau mag Cristo iek ʉkhapimampierr ich athee di eumamjota sim? Mag di eumamjo sim aig, Cristota mag chi dihãd jãrramkha sim; maagwai maach jũrr chi dipá chi daígkha nʉm. Õrau i isegjierrab mamʉ, Ẽwandamagan ichta dipá chi ajapcharam aawai ichta jʉr auwi chi dihãd chaarkhapijim. Ãba i gaaimuata ʉu maach Ẽwandam õorkha nʉm.

2 Pedro 3:18

Magju khãai maach Por anaa maach peerdʉajem Jesucristota ajapcha khaphʉ aju ẽkha nʉmuata warag pãachdeu ʉkhatarr iek gaai khĩirjug bãauju ẽkhabat. Ichta ich mag chi jua thierrkha sĩewai mʉg atag pawiajã ich mag irigpaita thumaam khʉʉnau ee apim khõsi chirʉm. Mʉgdampai ajim pãrag jaaupʉim ig chirarr. Pedro