Biblia Todo Logo
Bìoball air-loidhne

- Sanasan -




San Juan 15:26 - Wounaan Meu

26-27 ’Pari õrau mag pãar oomapha nʉm ee, mʉchdeu jaau chirarrjo, mʉch ipaarmua mʉch Ayag ich Akhaar pʉipi jaaujugui ajim, pãar khĩir jãsenkhamkhĩir. Mag pierrwain chadau ichta mʉ destigkhajugui ajim, ichdeuta pãrau õrag chadam iek jaaupimamua ĩchab mʉjã jãga chitʉ́ a khaugpimaju aawai. Pari wajapcharan pãachjã mʉ destignaanaugui ajim, mua warrcha mʉch Aai iek jaaubaaderr aigmua pãachta mʉ dʉi ogdʉba wenʉrraawai.

Faic an caibideil Dèan lethbhreac

Woun Meu

26-27 ’Pari hõrau mag pãar hoomap'a nʌm hee, mʌchdëu jaau chirarrjö, mʌch hipaarmua mʌch Hayag hich Hak'aar pʌ̈ipi jaaujugui hajim, pãar k'ĩir jãsenk'amk'ĩir. Mag pierrwain chadau hichta mʌ destigk'ajugui hajim, hichdëuta pãrau hõrag chadam hiek jaaupimamua hĩchab mʌjã jãga chitʌ́ ha k'augpimaju haawai. Pari wajapcharan pãachjã mʌ destignaanaugui hajim, mua warrcha mʌch Haai hiek jaaubaaderr haigmua pãachta mʌ dʌ̈i hogdʌba wënʌrraawai.

Faic an caibideil Dèan lethbhreac




San Juan 15:26
14 Iomraidhean Croise  

Mag jaaumamua ich Jesuucha amag, Pari magaagan mʉgtarr khur jopcha murua pãar athee pʉijugui ajim anʉm Ẽwandam Akhaar, ich mʉ Ayaucha deeju a jaautarr. Mamʉ mʉig Jerusalén phobor eepai nʉisit ajim anʉm, mag Akhaar bee nʉm ora. Ʉ̃gtharmua ich Ẽwandamau pʉibapʉim edta pãar gaai phẽs sĩeichejugui ajim anʉm, pãachdeu ootarr thumaam khʉʉnag jaau khaphʉ jaau wenʉrramkhĩir.


Pari mʉ jũrr mʉ Ayau ich Akhaar pãar khĩir jãsenkhamkhĩir pʉibaawai maguata jũrr pãrag nem thumaa jaaunaa mua pãachig jaaujerrjã deeu thumaa pãrag khĩir eyaa apijugui ajim.


Pari mag mʉ maju a chirʉmʉn, chadcha pãach wajapcha amkhĩraugui ajim. Mʉ maba akhiin, Ẽwandam Akhaar mag pãar khĩir jãsenkhajujã beebaju. Magarrau mʉ petaawain chadau mʉchdeuchata mʉch jũrr mag pãar khĩir jãsenkhajujã pʉijugui ajim.


Magbaawai Jesuu magjim: —Chadcha Ẽwandamta pãar Aai akhiin, pãrau mʉjã daupii wai naakhamgui ajim, ich Ẽwandamau pʉiwiata cha pãar dʉi mag iekha oo chiraawai. Mʉ chan sĩi mʉch khĩrau beetarr khabam; mʉʉn ich Ẽwandamaucha ich aarmua pʉiwiata mʉg chitʉmgui ajim.


Mag ichdeu doce jʉr autarr khʉʉnag ich oopipikham jaarta ĩchab amag Jerusalén phobor eemuajã chawag wetpiba jaaumamua amag, —Mua pãrag jaaujeejimgui ajim anʉm, mʉ Ayau pãar athee ich Akhaar pʉiju. Magtarr aawai mʉg phobor eemua chawag wetba, mʉigpai nʉbat ajim anʉm, ichdeu chadcha pãrag ich Akhaar dee nʉm ora.


Ich Ẽwandam thumaam khʉʉn khĩirjug khaphʉ sĩerrʉmuata ĩchab amagjã ich Akhaar deejimgui ajim anʉm, ich jãg maachig deetarrjo. Jãg sim aig irua amag, “Mua pãarjã ig chirʉm mʉch chaainkha awaag” a sim khabahab ajim anʉm.


Mag pãrau i meerphe thõotarr maach daúa ootarr aawaita marau chadcha thum khaphʉ jaau nʉmgui ajim anʉm. Mag nʉm dʉi Ẽwandamau ich Akhaarta ar ich ipierraam khʉʉnag deejeewai, marau jaau nʉmʉn, ich ag Ẽwandam Akharau maachig jajaaukhamta jaau nʉmgui ajim anʉm.


Mag deebarmua Cristoou maach peerdʉ aaujem a pãrag jaau chirarrjã chadcha mʉchdeu jaautarrjo abarm pãar dʉi.


Mamʉ magpaijã khaba, mag maach peerdʉajem iekhan chadcharau a khap amkhĩir, ich Ẽwandamaucha mag ich iek jaau durrum khʉʉnag õorjã dau daau monaaupi maajeejim. Mag nʉm dʉi ĩchab ĩs ewag pawiajã ichdeupai ich Akhaar jua theeg gaaimua maachigjã nem khĩir pogkhe waupiejem, magʉm gaaimua mʉg i iek jaau nʉmʉn chadcharau a khap apieg. Magua mʉg maach peerdʉajem iek jaau nʉm ũurwai par jʉ̃gʉupai ũrba ʉkhaju aai nʉm.


Mag oopitarr khur chi Ẽwandam chogau mʉrʉg dosĩg dau bʉ̃ʉ khitʉmjã oopijim, õor iiupiejem dosĩg. Mag dosĩg sĩi vidriojo sim Ẽwandam khu juupjem Cordero dʉi sim aarmuata ober sĩejim.


Lean sinn:

Sanasan


Sanasan