San Juan 15:20 - Wounaan Meu

²⁰ ¿Chaig mua jaau chirarr pãrau khĩir eyaa khaba nʉ? Sĩi chikham chogkha nʉm khʉʉn amach patronnaan khãai ʉ̃rpai khaba aajem. Magua, amau mʉ dʉi khaigba aajerr aawai pãarjã ich agjo amau khaibag waujugui ajim. Maagwai ich jãg mua jaau chitʉm iek ãaur khʉʉnau ʉkhatarr aawai pãar iekjã agjo amau ʉkhajugui ajim.

Woun Meu

²⁰ ¿Chaig mua jaau chirarr pãrau k'ĩir heyaa k'aba nʌ? Sĩi chik'am chogk'a nʌm k'ʌʌn hamach patronnaan k'ãai hʌ̃rpai k'aba haajem. Magua, hamau mʌ dʌ̈i k'aigba haajerr haawai pãarjã hich hagjö hamau k'aibag waujugui hajim. Maagwai hich jãg mua jaau chitʌm hiek hãaur k'ʌʌnau hʌ̈k'atarr haawai pãar hiekjã hagjö hamau hʌ̈k'ajugui hajim.

San Juan 15:20 Iomraidhean Croise

San Mateo 10:24

’Mag pãach dau aphʉʉ aju anʉm ũurwaijã oob jʉ̃gderraa amiet ajim. Pãrau khaphʉ nʉmgui ajim, eeu nem khaug simua chan ich maestro khãai atcha nem khaug khaba, ni sĩi chikham chogkha simjã ich patrón khãai ʉ̃rpai khaba sĩejem.

San Marcos 10:39

Magbaawai chi Santiagoou Juan dʉimua, —Eera, marau ãwatbajup ajierram anʉm. Mamʉ magbaawaita Jesuu amag, —Pãrau chadcha õrau pãach dau aphʉʉ wau nʉmjã ãwatwi mʉ thõbarmjo thõma ajim anʉm.

San Lucas 2:34

Maimua Simeonau chi dennaanagta jũrr, —Pãach numwe Ẽwandamau pãar mʉg atagjã ʉu wai nʉisijugui ajim anʉm. Magnaa chi ãdagcha, María, Ẽwandamau mʉg ich Iewaa pʉibarm gaaimua, chadcha mʉg Israel durram khʉʉn pom ʉ̃gthar oberjugui ajim anʉm. Mamʉ ĩchab Israel durram khʉʉnaupai i oomapham iekhau amach jãrr i phʉʉr thuur auju. Pʉch chaai mag dau aphʉʉ wai nʉm oobaawai pʉchta thuthuíu thoopbapʉimjo aphʉʉ i athee pʉ bĩe ʉrrajugui ajim anʉm, gaai machgau. Mag i aphʉʉ wai nʉm aigta merag chukhu ajugui ajim anʉm, chijã khʉʉnauta i khõsi aju maimua chijã khʉʉnauta i oomapha khãijã aju a jaaumajim aajem ich chi ãdagcha.

San Lucas 6:40

¿Pãrau oowai eeu woun nem khaug simua ichig jaau sim khãyau atcha nem khaug sĩejẽ? Ichig nem jaaumam thum khaugbapäaiwain chadau ich maestro denjo nem khaug sĩsiejemgui ajim anʉm.

San Juan 10:31

Amachig magbaawai chará chi judionaan ũwaai sereu phobaadewi deeu i mokou barm ig naajim.

San Juan 11:57

Maagwai chi fariseonaanau phadnaan chi porkha narr khʉʉn dʉimua ya õrag jaaukha wai naajim aajem, chi Jesús sim khaug athaawai amachig jaaumkhĩir, mag amachig jaaubaawai sĩi i pʉr awaan wetaag.

San Juan 13:16

Pãade khĩirjubat. Sĩi chikham chogkha nʉm khʉʉn chan amach pornaan khãai ʉ̃rpai khaba, ni sĩi piyonnaankha nʉm khʉʉnjã amach patronnaan khãai ʉ̃rpai khaba aajemgui ajim. Ich agjota naabahab ajim maachjã. Mʉ pãar Porkha chirʉmuata pãach dʉi jãgbarm oowia oob pãachta pãach khapeen khãaijã ʉ̃rpai nʉm a khĩirjuwia, “Maar chan chikham chogkhaju khaba nʉm” a khĩirjumiet ajim.

San Juan 5:16

Mag gaaimua judionaan chi pornaanau chan warag Jesús khõchkhaba aajeejim, mag amach dakhĩir jua ʉ̃ʉijem edam magwe õor monaaujerr aawai. Amagan mag nʉmdampai phidkha nʉm dʉi ãba sĩerr aawai jua ʉ̃i nʉm ed pod magju khaba sĩejim.

San Juan 7:32

Moiseeu phã pʉarr iek wajapcha ʉʉrkhaajem khʉʉnau ũurwai õrau Jesús igar iekha nʉm ũrbaawai amach garmua phadnaan chi porkha narr khʉʉn dʉimua guardianaan chi Aai i jeeujem di thʉajerr khʉʉn pʉijierram, i pʉr aumkhĩir.

San Juan 8:51

Magnaa, Ĩs mua chadcha chi mua jaau chirʉm ipierraa sim woun chan thõbaju a chirʉmgui ajim ich Jesuu.

San Juan 8:52

Pari magbaawai chará chi judionaanau, —Ĩsta chadcha marau wajapha pʉ khaphʉ nʉm: Pʉʉn chadcha por ee dosãt wai simuata mag iekhapi simgui ajierram. ¿Khani Abranjã meewia maimua tagam khʉʉn agjo Ẽwandam i jaaujerr khʉʉnjã thumaa otarrta mag pʉ ipierraa nʉm khʉʉn chan khechbaju a nʉ?

San Juan 8:59

Amachig magbaawai chará ya mokou i baraag ẽkha naajim. Pari mag nʉm ee, sĩi ich iiu aawai, õor ee theerbabag warag ichta daaupabaadejim, Aai i jeeujem degmua.

Hechos 14:22

Makhʉʉn phobordam ee chi ʉkha durrum khʉʉn khĩir onee apieg, am oo phʉʉrdʉ wenʉrrʉmua amachdeu maach Por iek ʉkhatarr iekta warag ogdʉba ʉkhapi jaaujeejim aajem amag. Mag nʉm dʉi ĩchab, “Ẽwandam sim aar mawia, i dʉi ich mag wenʉrraagan, ichiita ich jãg i gaaimua maach dau aphʉʉ wenʉrrajugui” aajeejim aajem.

1 Corintios 4:12

Mag nʉmʉn maach bidam athee maach juadamaucha phidkha durrumua khajeeu durraajem. Maach thõp iyʉʉ aawaijã warag am kõit ʉ̃gthaagta jeeu durraajem. Maach khaibag wawaag maach ẽudee ẽkhaawaijã magʉmjã igba khĩu ãwat durraajem.

2 Corintios 4:9

Õraun mʉ khaibag wawaag mʉ ẽudeejã ẽkhaajem; pari jũrr amau mag nʉm ee Ẽwandamau mʉ kha ogdʉba ichdeuta mʉ thʉa wai nʉrraajem; thõoju ẽkha nʉmua mas deejeeb pari warre thõo chan thõoba aajem.

1 Tesalonicenses 2:15

Ich makhʉʉn judionaanauta maach Por Jesús thõopʉijierram, warrgarwe maach jooin Ẽwandam i jaau durraajerr khʉʉn kheechjerrjo. Mag i thõopʉiwia maarjã khaibag wawaag ẽkha nʉmua warag maar deeum durrag jʉr werppʉijierram. Jãkhʉʉnau chan Ẽwandam dau na bʉ̃ʉrjã nem wajapham wauba aajem. Amach mag nʉm gaaimua ni iwiir ãbam khʉʉnaujã Ẽwandam iek jaau nʉm igar khaba nʉm.

2 Timoteo 3:12

Ar chadcha Jesucristo denkhanaa ãba i atheepai nem wau wenʉrram khõsi nʉm khʉʉnan, chadcha õrau am dʉi khaigba aawai dʉrrcha am dau aphʉʉ aju.