San Juan 15:2 - Wounaan Meu

² Pãar sĩi mʉ khãu nenergau. Wajapcharan pãran mʉ Ayau khõsi simjo nem wawaagta mʉ denkha nʉmgui ajim. Pari mag mʉ khãu nenergkha nʉmta khãu ãb khãijã pod jopba simʉn, mʉ Ayau warag thʉapnaa barpʉiju. Pari ʉuta chewia jop simʉn, warag wajaphata irua jar khekher ajugui ajim, warag chemkhĩir.

Woun Meu

² Pãar sĩi mʌ k'ãu nenergau. Wajapcharan pãran mʌ Hayau k'õsi simjö nem wawaagta mʌ dënk'a nʌmgui hajim. Pari mag mʌ k'ãu nenergk'a nʌmta k'ãu hãb k'ãijã pöd jopba simʌn, mʌ Hayau warag t'ʌapnaa barpʌ̈iju. Pari hʌ̈uta chëwia jop simʌn, warag wajap'ata hirua jar k'ëk'ër hajugui hajim, warag chëmk'ĩir.

San Juan 15:2 Iomraidhean Croise

San Mateo 13:12

Mag khãai ar chi thãar onee ũrm khõsi ũr nʉm khʉʉnagta Ẽwandamau warag khĩirjug deeju, ich iek khapcha amkhĩir. Mamʉ ar mag nem waumapha nʉm khʉʉnag chan deeba, warag am jua eem khecheu aumaju ajim.

San Mateo 13:33

Mag jaaumamua ich Jesuupai, —Ẽwandamau ich iiu aawai mag ich iek aaidʉpi nʉmʉn, ʉʉi ãbmua arin dʉrrcha sim ee levadura pʉitarrjota simgui ajim. Pãrau khaphʉ nʉmgui ajim, levadura bʉ̃rʉʉ pʉitarrjã aaidʉmam ooba simta, arin thum ʉrpi aaujem. Ich agjota sĩebahab ajim ĩchab Ẽwandam iek mʉg mua jaau chitʉmjã. Mʉʉgwaiwe chan õor pom mʉg wejom ee agtha pomcha aaidʉba sim. Mamʉ mʉg atag paawaita durr warpham magwe aaidʉbaadee thumaam khʉʉnau ũrab khaba ũrjugui a jaaumajim.

San Mateo 15:13

Magbaawai jũrr ichdeu maachigta iekhamamua, —Oob am iek asekasmiet ajim. Pãrau khaphʉ nʉm, nemjĩir ee phũak khaigbam obeerwai thʉrreupäaijem. Ich jãgta ajugui ajim mʉ Ayau am dʉi. Am ichdeu jʉr au sim khʉʉn khaba aawai nemjĩir ajapham eemua phũak chi khaarpa thʉrreunaa barbapʉimjota ajugui ajim.

San Mateo 21:19

Mag i jãsog thʉnʉm ee, khʉd bigaau higo bʉ dʉnʉm oo athaawai ag gaai chi jõ simpii awi aar oon majim. Mamʉ oon maawai sĩi bʉ parii dʉnaajim. Mag ag gaai ooba abaa pabʉʉgta wounagamjo, —Pʉ jãg sim khai, jãgan mʉg atagjã ich jãg cheba sĩerrajugui ajim. Pari irua mag iekhabaawai chi higo bʉ warre phuabaadejim.

San Mateo 25:29

Mag nem ĩgkhaa jaau owia ich Jesuu magjim: —Ich agjota sĩebahab ĩchab Ẽwandam athee nem wau nʉmjã. Ar Ẽwandam athee nem wawaag nem par daúa ooba aajem khʉʉn dʉin irua ich garmuajã ajapha aju, amau chokhõgba i athee nem wau naawai. Mamʉ mag nem waumapha nʉm khʉʉn dʉi chan magba, ichdeu amag nem deetarrjã warag am jua eem khecheu aumaju.

San Mateo 3:10

Pãrau khaphʉ naabá, nemjĩirjã khaigbamʉn thu werpmaajem. Ich agjota ajugui ajim anʉm ĩchab Ẽwandamau pãar dʉijã. Ya irua pãar chachimʉʉ sim. Ar õor amach khaibag isegwia Ẽwandamag chugpaapi jeeuba nʉm khʉʉnan, ar pa thupʉiwia jʉser aadee orpʉi nʉmjota aju ich Ẽwandamau am dʉi.

San Mateo 3:12

Khĩir khaphʉ abat ajim anʉm: I beem ed i iek ʉkha nʉm khʉʉnan, arroz pom phierrwia wajapha ãkha thʉnʉʉubarmjota aju. Maagwai i iek ʉkhamapha arr khʉʉn, jũrr chi arroz bʉ thʉʉtarrta sĩi ãbamʉg päardʉnaa orbapʉimjo aju. Magbarm chan õtdau thõo khaugba sĩerrʉm eeta ich Ẽwandamaucha barkhʉʉipʉijugui a jaaujeejim anʉm Juanau ich aig bee nʉm khʉʉnag.

San Mateo 7:19

Pãrau khaphʉ nʉmgui ajim anʉm ĩchab, nemjõ ãkhãraa cheejemʉn thu werpnaa jʉʉubaadee orpäaijem.

San Marcos 4:20

Pari ãaur khʉʉn thʉnʉmgui ajim anʉm, ar Ẽwandam iek thãraucha ʉkhawi, i dau na agchanaa, nem wajapha waaujem khʉʉn. Magʉm khʉʉnau ar Ẽwandamau nem wajapha waupi jaauwaijã nem par daúa ooba aajem. Mag waum khõsi wau naawai amachdeu nem wauju ayagpierr waaujem: ãaur khʉʉnau nemjĩir chi chemiejo dʉrrcha, ãaur khʉʉnau agpierrpai, maimua ãaur khʉʉnau bʉchkhunpai. Mamʉ thumaam khʉʉnau ichiita ichdeu khõsimjo aajem a jaaumajim aajem.

San Lucas 8:13

Maagwai mokpor jojoodog ee nemjĩir dau burrmarr, ar maach khapeenau Ẽwandam iek ũurwai onee ʉkhaajem khʉʉnaugui ajim anʉm. Mamʉ thãraucha ʉkha nʉm khaba aawai, nemjĩir dau pod khaar khaba aajemjo khũchpai ʉkhawia iseg pʉajem. Maagwai ʉkha nʉm anʉmta mag iek ajapham gaaimua meperau khaigba aicheewai deeu Ẽwandam iekta isegwia warr amach naajerrjo wenʉrram khõsi nʉmgui ajim anʉm.

San Juan 15:1

Mamʉ mag wettarrau atarrta warag iyʉʉ nʉmua magjim Jesuu, ichpai igwia: —Mʉʉta chi uva kharau, maagwai mʉ Aai chi jĩirjem anaa chi jaarjemʉugui ajim.

San Juan 15:16

Warrjã pãrau pãach garmuata pãach Porkhamkhĩir mʉ jʉr auba mʉch garmuata pãar jʉr autarr aawai, mua pãar pʉi chirʉmgui ajim, wetwia õrag mʉ iek aaidʉ jaaumamua õor mʉch igar paa aumamkhĩir. Pãrau magmʉn, magan mʉ iek gaai thʉwia mʉ Ayag nem jeeuwaijã thum irua deeb khaba deejugui ajim.

San Juan 15:3

Pãran ya nemjĩir arg ee nʉmjota nʉmgui ajim, mua pãachig nem jaautarr thum ipierraa ʉkha nʉm gaaimua.

San Juan 15:6

Chi mʉ dʉi narr khʉʉnta amach garmua mʉ kha ogdʉ nʉm khʉʉnan warag uva khãu bʉ̃ʉrjã cheba aajemjo isegpʉijugui ajim, mʉ gaaita khaar khaba naawai. Magʉm khʉʉnan mʉ Ayau oowaijã, chi khãu thʉrrptarr phuabaadeewai orpäaijemjota nʉmgui ajim, i athee nem wauba sĩi parta naawai.

San Juan 15:8

Ar pãrau mʉ Ayau nem waupim khõsi simjota wajapha nem waauwain pãrau warag i thʉ̃rphoota api nʉmgui ajim. Pãach mag nʉm gaaimua õrau khaphʉ aju, pãar chadcha mʉ khapeenkha nʉm.

San Juan 17:12

Mʉg jẽb gaai mʉchta am kha ogdʉba chitaawain pua mʉrʉg jua theeg deetarrau mua am chig apiba thʉa wai chitajimgui ajim, magamkhĩirta pua amag mʉ iek ʉkhapitarr aawai. Mag am thʉa wai chitaawai ãbjã okhooba, ãba ya ag nawe chi okhoom arr appaita okhoobarmgui ajim. Dau ãb jãgbarmʉn, jãan pʉch iek phã sim gaai jaau simjo ich jãgju arr aawai ajimgui” ajim, Judas igwia.

Romanos 11:17

Pari judionaan mag olivo chaar gaaim chi piu nenergkha narrta, amachdeu ʉkhaba arr gaaimua sĩi chi piu khõgkhatarrjo naabahab. Maagwai pãar chi judionaan khabam khʉʉn ʉu ʉkha wetum khʉʉnta, pãachdeu ʉkha nʉm gaaimua mag khõgkhatarr gaai olivo weeta thaaphe jĩirtarrjo naabahab. Mag deeum pa gaaita sũrkha ober nʉmjo nʉm gaaimua, ich Jooirau Abranag nem deeju jaautarrjo, pãraujã ʉu ĩchab i jua eem nemdam auba aajeeb.

Romanos 11:22

Pãade mʉ iek ũrbat, pãrag jaaukhim: Ẽwandaman chadcha wajaug khitʉm õor dʉi; pari ĩchab õrau ich igba aawain, am dʉi khĩir masi sĩerrʉm. Magua mag judionaan ich iek ʉkhaba arr khʉʉn dʉijã sĩi am gaai par daúa oobajim. Pari pãrau ʉkhatarr aawai ich garmuajã pãar dʉi nem wajaug sim. Pari mag wajaug sim khaphʉ ab mamʉ, ichiita irua khõsi simjota aju aai nʉm; magbamʉn pãran warm khʉʉnjo irua isegju.

Romanos 8:28

Maimua maadeu khaphʉ nʉm ĩchab, maach chi Ẽwandam khõsi nʉm khʉʉnan dau aug waauwaijã magʉm gaaimua warag mʉg atag paawai dich ʉu amkhĩirta ʉdʉraa magpiejem. Wajapcharan ich Ẽwandamau khõsi simjo maach chadcha ich iek ʉkhabaawai peerdʉ autarr khʉʉn dʉita mag ʉu aajem, chadcha maachta ichdeu thʉ̃rkha autarr khʉʉn aawai.

1 Corintios 13:1

Khanim nemjo ãbmua chadcha õor dakhĩir mʉg jẽb gayam meu khĩirpierr iekhanaa ʉ̃gtharmpeen meujã iekha sim, pari mag simta bʉ̃ʉrjã ich khapeen kha khõchkhaba sim chan, magan Ẽwandamau oowai mag wounan sĩi parta mag iekha sim. Mag sim aiguin sĩi tamburr bubujukhamjo khabam khai, latadí nenerrkhamjopaita sim.

Tito 2:14

Ich mag Jesucristota maach kõit ʉdʉraa ich thõopijim, magbarmua maach khaibag thum chugpaapʉiwia maach peerdʉ awaag, mag peerdʉ auwia ya ich den chaarkha nʉisiewai jũrr ãba ich atheepaita nem ajapha waum khõsi wauju khĩirju wenʉrramkhĩir.

Hebreos 12:15

Magam ugua Ẽwandamau pãach dʉi ich garmua nem ajapha am ig sim chan oob ʉdʉʉr okhoopimiet; ni ãbamʉgjã oob pãach ee sĩi pakher khaigbamjo oberpimiet. Ʉdʉraa magta apimʉn, mag oowi deeum khʉʉnaujã i denjo aadeewai, bigaaum khʉʉn gaaipata warag ben ãkhãraamjo dʉrbabaadeewai, õor pom Ẽwandam dʉi ʉu narr khãijã khaigba aju.

1 Juan 2:19

Pari jãg nʉrrjeem khʉʉnan maach eem arr khʉʉnpaita ĩs jãg Cristo igar khaba iekha nʉrrjeem; mag maach eem khʉʉn ajieb mamʉ, am chadcha maachjo Cristo den khabajierram. Am chadcha maachjo Cristo den arr akhiin agtha maach dʉi ogdʉba wenʉrrakham. Pari juaujo ich Ẽwandamau jãgpi simʉn, jãan maach ee maach khapeen anʉm khʉʉnjã chadcha Cristo den chaar khaba nʉmta jãg nʉrrjeemjã merag chukhu khap amkhĩrau.

Apocalipsis 3:19

Irua ichdeu õor kha khõsim khʉʉnagan meeurrau sĩunaa ĩchab wawijã wawiejem aajem. Magua puajã pʉch khaibag iseg jeeuwia khĩirdam ubʉ Ẽwandamta jʉrbamʉn, i iek pʉ gaai mas aju aajem.