San Juan 15:19 - Wounaan Meu

¹⁹ Pãraujã am denjo mʉ iek ʉkhaba nʉm akhiin, amau pãar daupii akham, amach igar nʉm khʉʉn dʉi aajemjo. Pari pãar am eemua mua mʉch athee jʉr autarr aawai amau pãar oomapha nʉmgui ajim, ya pãar amach dʉi khaba naawai.

Woun Meu

¹⁹ Pãraujã ham dënjö mʌ hiek hʌ̈k'aba nʌm hak'iin, hamau pãar daupii hak'am, hamach higar nʌm k'ʌʌn dʌ̈i haajemjö. Pari pãar ham heemua mua mʌch hat'ee jʌr hautarr haawai hamau pãar hoomap'a nʌmgui hajim, ya pãar hamach dʌ̈i k'aba naawai.

San Juan 15:19 Iomraidhean Croise

San Mateo 10:22

Mʉ gaaimua thumaam khʉʉnau pãar oomappha aju, pari õrau pãach dʉi mag nʉmjã magʉm iek igba warag Ẽwandam dʉita ubʉnaa ich gaai magʉm dichpi athamʉn, ʉu peerdʉwi ʉ̃gtharcha oberjugui ajim.

San Mateo 24:9

’Ya magbaadeewai pãar chi mʉ iek ʉkha durrum khʉʉn thethemnaanau pʉrnaa amachjom khʉʉnag pãar pʉr deemaju, pãar dʉi amachdeu ampierr amkhĩir. Mag pʉr deebaa pãar gaai mas waunaa pãar thõojã thõomajugui ajim. Mag nʉm dʉi ĩchab thumaam khʉʉnau pãar oomappha aju mʉ iek ʉkha durrum gaaimua.

San Lucas 6:32

Magnaa mag ichdeu parhoobam khʉʉnjo apiba sim igwi, —Pãade khĩirjubat ajim anʉm: Pãrau pãach jãsenem khʉʉnpaita daupii akhiin, ¿maig khan ajaug sĩ? Bʉ̃ʉrjã Ẽwandam iek ʉkhabam khʉʉnaujã amach kha khõsim khʉʉn chan oomap khaba sĩerrjeemgui ajim anʉm.

San Juan 13:18

’Mag pãar onee wenʉrraju a chirʉm chan, pãar thumaam khʉʉn igwiata mag jaauba chirʉmgui ajim, ãb pãar eem cha mʉchdeu jaau chirʉmjo onee khabaju aawai. Mua khaphʉ chirʉmgui ajim, chadcha mʉchdeucha jʉr autarr khʉʉn thãar. Pari ichiita Ẽwandam iek phã sim gaai “Mʉ dʉi ãbam mes gaai thach khoojerraupaita ãsie mʉ khaibag wauju” a phã simjo, chadcha ich ag ee obermkhĩirta mua jãjã jʉr aujimgui ajim.

San Juan 15:16

Warrjã pãrau pãach garmuata pãach Porkhamkhĩir mʉ jʉr auba mʉch garmuata pãar jʉr autarr aawai, mua pãar pʉi chirʉmgui ajim, wetwia õrag mʉ iek aaidʉ jaaumamua õor mʉch igar paa aumamkhĩir. Pãrau magmʉn, magan mʉ iek gaai thʉwia mʉ Ayag nem jeeuwaijã thum irua deeb khaba deejugui ajim.

San Juan 6:70

Simón Pedroou ichig magbaawai Jesuu jũrr, —Chadcha mʉchdeuta mua pãar doce thʉ̃rkha aujimgui ajim, mʉch dʉi ogdʉba wenʉrramkhĩir. Magjieb mamʉ pãar ee ãb meperau por meu simgui ajim.

Santiago 4:4

Pãran Ẽwandam iek ʉkha nʉm anʉmta, sĩi i iek ʉkhaba aajem khʉʉnjo jãg pãachdeu khõchagpierr nem wau nʉm gaaimua, ʉʉi jaai paraamta deeum dʉi sĩejemjota thʉnʉm. ¿Pãrau khaugba nʉ, pãachdeu mag amau nem wau nʉmta dʉi waum khõchkhaawai jũrr Ẽwandamta iseg nʉm? Ar sĩi amach khõchagpierr nem waaujem khʉʉn dʉita khapeerkhaawain jũrr Ẽwandam dʉita iekkhõr paarpa nʉm.

1 Pedro 4:3

Chadcha warrgarin Ẽwandam iek ʉkhabam khʉʉnau nem waaujemjo pãraujã pãachdeu am aig aajeejim. Maguata pãrau am denjo parhooba dich õor khabam dʉijã khapes am khõsinaa tagam nem khaigbamjã waum khõchkhaajeejim; nagjã doojeejim; phiesta pomjã waunaa, donaa sĩi khech thʉnʉisip aajeejim. Mamʉ magpaijã khaba, chadcha Ẽwandamau magpiba simta pãrau nem parhoobam waunaa ẽwandam awi magʉmʉgpata jeeujeejim.

1 Juan 3:12

Magua maach chan pod Caínjo khaibag aju khaba nʉm. Cainau mepeer igarta sĩerr aawai ich eeum thõopʉijim. ¿Khan jãgwi irua mag ich eeum thõojĩ? Ichdeu nem khaigba wau sim daar ich eeumua ich khãai nem wajapha wau sim Ẽwandamaujã wajapha oo sĩerr gaaimuama.

Apocalipsis 12:17

Magbaawai chará chi mepeer mag õoirjo sĩerr warag chi ʉʉi dʉita meeukha sĩsiwi, jũrr chi chaain ewagam khʉʉn gaaita jua machag deeju awi, warag am dʉi werbʉan petajim. Mag chi chaain ewagam khʉʉn anʉmʉn, ar Ẽwandamau nem jaau sim thum ipierraanaa Jesucristoou chadcharam iek jaautarrjã ʉkhawi agtha ogdʉba ich mag ʉkha wenʉrrʉm khʉʉnau.

Apocalipsis 12:9

Magta chadcha chi mepeer mag õoirjo sim ich khapeen ich igar thʉnarr khʉʉn dʉi ãba ʉ̃gtharmua mʉg jẽb gaai barkhʉʉipʉijim. Ich mag mepeerpaita warrgarwe nemkhõr gaai thʉ̃rnaa ĩchab Satanás a thʉ̃ʉrjem, durrpierr õor thumaam khʉʉn khũgurmie, ajapcharan dosãtma.