San Juan 15:18 - Wounaan Meu

¹⁸ ’Ar mʉ iek ʉkhab nʉm khʉʉnau pãach oomapha aawai khĩir eyaa abat ajim: pãar oomapha aju nawe mʉʉta amau nacha oomapha ajierram.

Woun Meu

¹⁸ ’Har mʌ hiek hʌ̈k'ab nʌm k'ʌʌnau pãach hoomap'a haawai k'ĩir heyaa habat hajim: pãar hoomap'a haju nawe mʌʌta hamau nacha hoomap'a hajierram.

San Juan 15:18 Iomraidhean Croise

San Mateo 10:22

Mʉ gaaimua thumaam khʉʉnau pãar oomappha aju, pari õrau pãach dʉi mag nʉmjã magʉm iek igba warag Ẽwandam dʉita ubʉnaa ich gaai magʉm dichpi athamʉn, ʉu peerdʉwi ʉ̃gtharcha oberjugui ajim.

San Mateo 24:9

’Ya magbaadeewai pãar chi mʉ iek ʉkha durrum khʉʉn thethemnaanau pʉrnaa amachjom khʉʉnag pãar pʉr deemaju, pãar dʉi amachdeu ampierr amkhĩir. Mag pʉr deebaa pãar gaai mas waunaa pãar thõojã thõomajugui ajim. Mag nʉm dʉi ĩchab thumaam khʉʉnau pãar oomappha aju mʉ iek ʉkha durrum gaaimua.

San Mateo 5:11

’Ar mʉ gaaimua õrau pãach khĩir iekhanaa pãach gaaijã jua khʉaba nʉm dʉi ĩchab sĩi pãach khaibag waum khõchgau pãach dʉi chad khabam iekta chadam iekjoo aadep aawai, warag onee abat.

San Marcos 13:13

Pãachdeu mʉ iek ʉkha durrum gaaimuajã thumaam khʉʉnau pãar oomapha aju. Mamʉ magʉm gaaimua phithur dau aug wau nʉmjã igba mʉ dʉi ubʉ kherʉmʉn ʉu peerdʉjugui ajim anʉm.

San Lucas 6:22

Onee abat ajim anʉm, mʉch chi Emkhooi Iewaa iek ʉkha nʉm gaaimua pãach chikhamnau kha ukhurnaa amach aigmua khãijã warag di chaaur pãach jʉʉrwai. Onee abat, chikhamnau pãach wau iekhamamua khãijã, “Jãg woun chan õor ajapham khabam” a iekhaawai.

San Juan 16:1

’Mua pãrag ag nawe mag õrau pãar oomapha aju a chirʉmʉn, ya pãach dʉi chadcha magphobaadeewaijã mua pãachig jaaujerrta khĩir eyaanaa warag ubʉ nʉisimkhĩrau ajim.

San Juan 16:33

Oob khĩirjumiet, mua ag nawe thum pãrag mag jaau chirʉmʉn, pãach warag mʉ denkha wenʉrrʉm gaaimua onee amkhĩraugui ajim. Mʉig eegar nʉweran pãar chadcha dau aphʉʉ wenʉrraju; pari khĩirdam onee abat ajim; mua mʉch garmuata mʉg durr gayam jua theeg thum podpʉiwia pãar eeg oo wai chitajugui ajim.

San Juan 3:20

Maguata ar thum Ẽwandam dau na nem khaigba wau nʉm khʉʉnan jũrr mag õtdau paa dʉnʉmjo chirʉmta oomapha aajemgui ajim. Mag mʉ oomapha naawaita mʉ igjã igba nʉm, mag amach meraa nem wau nʉm khaugam ugua awia.

San Juan 7:7

Pãar chan pod õrau oomapha abam, pãachjã am igar naawai. Magarrau mʉʉn chadau amau oomapha wai nʉmgui ajim, amachdeu nem khaigba wau nʉm mua amach khĩircha jaaujeewai.

Hechos 14:22

Makhʉʉn phobordam ee chi ʉkha durrum khʉʉn khĩir onee apieg, am oo phʉʉrdʉ wenʉrrʉmua amachdeu maach Por iek ʉkhatarr iekta warag ogdʉba ʉkhapi jaaujeejim aajem amag. Mag nʉm dʉi ĩchab, “Ẽwandam sim aar mawia, i dʉi ich mag wenʉrraagan, ichiita ich jãg i gaaimua maach dau aphʉʉ wenʉrrajugui” aajeejim aajem.

Hebreos 12:2

ãba Jesús gaaita dich khĩirjug sĩuju aai nʉm. Ichdeuta warrjã ʉu maachig Ẽwandam iekjã ʉkhapiwi mʉg atagjã parta ʉkha naajim apibaju, ich Ẽwandamau maach dʉi wauju jaautarr thum chadcha oopiju aawai. Ich Jesuuta chi khaigbacharam khʉʉnjo pakuls gaai ʉdʉraa ich thõopibajieb, chigagjã igba, mag ich thõopibarmua õor peerdʉ athaawai ichpa onee ich mag sĩerraju khaphʉ sĩerr aawai. Ichta ĩchab ich Aai jup sim khu juupjem gaai dʉi i juachaar garcha ãba jupimawi ich mag sĩerrʉm.

Santiago 4:4

Pãran Ẽwandam iek ʉkha nʉm anʉmta, sĩi i iek ʉkhaba aajem khʉʉnjo jãg pãachdeu khõchagpierr nem wau nʉm gaaimua, ʉʉi jaai paraamta deeum dʉi sĩejemjota thʉnʉm. ¿Pãrau khaugba nʉ, pãachdeu mag amau nem wau nʉmta dʉi waum khõchkhaawai jũrr Ẽwandamta iseg nʉm? Ar sĩi amach khõchagpierr nem waaujem khʉʉn dʉita khapeerkhaawain jũrr Ẽwandam dʉita iekkhõr paarpa nʉm.

1 Juan 3:1

Keena pãade khĩirjubat jãga Ẽwandamau maach khõsi sĩ: mag ich garmua maach khõsi sĩewai irua maachig ich chaain a thʉ̃rju aai sim, maach chadcha ich chaain aawai. Sĩi ar parhooba i iek ʉkhaba nʉm khʉʉnau chan ich Ẽwandam Iewaa mʉg jẽb gaai sĩethuurwaijã pod i khaug auba arr aawaita ĩs mʉg maach Ẽwandamau ich chaainkha wai simjã pod khaugba nʉm, jãga awia mag nʉ.

1 Juan 3:13

Cristo gaaimua khodamnaan, jãg Cainau ich eeum oomapha arrjo Ẽwandam iek ʉkhaba nʉm khʉʉnau jũrr pãachdeu ʉkha durrum gaaimua pãach oomapha aawai, oob magʉm gaaimua warag, “¿Jãgwia jãg maach oomapha nʉ?” amiet.

1 Juan 3:3

Pari thum mag amach daúacha i ooju khĩirju nʉm khʉʉnan mʉʉgwaiweta wajapha naaju ẽkhaajem, ich jãg Jesucristojã khaibag chukhu wajaphata sĩerrʉmjo.