San Juan 15:15 - Wounaan Meu

¹⁵ ’Sĩi chikham chogkha nʉm khʉʉnau chan amach patronnaanau nem wau nʉmjã khaugba aajeewai ya mua tag pãar sĩi mʉch chognaan gaai thʉ̃rbam. Mag thʉ̃rju khãai sĩi mua mʉch khapeen ata thʉ̃rjugui ajim, ya mʉch Ayau jaaupitarrjã thumaa meerba pãrag jaau wai chiraawai.

Woun Meu

¹⁵ ’Sĩi chik'am chogk'a nʌm k'ʌʌnau chan hamach patronnaanau nem wau nʌmjã k'augba haajeewai ya mua tag pãar sĩi mʌch chognaan gaai t'ʌ̃rbam. Mag t'ʌ̃rju k'ãai sĩi mua mʌch k'apeen hata t'ʌ̃rjugui hajim, ya mʌch Hayau jaaupitarrjã t'umaa meerba pãrag jaau wai chiraawai.

San Juan 15:15 Iomraidhean Croise

San Mateo 13:11

Magbaawai ichdeu marag magjim: —Pãrau khaugam khõsi ũr naawai warre mʉchdeuta pãrag khaphʉ api chirʉmgui ajim, jãgata Ẽwandam õor thãar ee sĩeicheejẽ. Pari warm khʉʉnag mag khaugpibamgui ajim, amau khaugam khõsi ũrba naawai.

San Lucas 10:23

Maimua amach ap pawia ich khapeenag eerpa eerpanaa amag, —Onee abat ajim anʉm, pãach jʉ̃gʉucha mʉ iek ũr nʉm khʉʉn.

San Juan 12:26

Maimua ĩchab chi chadcha mʉ chogkhanaa mʉ dʉi nʉrram khõsi simʉn, ichdeu khõchagpierr nem wauba, mʉchdeu nem waupim khõsimpaita wau nʉrraju aai sim. Mag amʉn magan am wenʉrrʉmpierr mʉchjã am dʉi chitajugui ajim. Ãbmua magta mʉ chogkha nem wau nʉrrʉmʉn, mʉ Ayaujã ich khĩircha i tho iekhajugui ajim.

San Juan 13:16

Pãade khĩirjubat. Sĩi chikham chogkha nʉm khʉʉn chan amach pornaan khãai ʉ̃rpai khaba, ni sĩi piyonnaankha nʉm khʉʉnjã amach patronnaan khãai ʉ̃rpai khaba aajemgui ajim. Ich agjota naabahab ajim maachjã. Mʉ pãar Porkha chirʉmuata pãach dʉi jãgbarm oowia oob pãachta pãach khapeen khãaijã ʉ̃rpai nʉm a khĩirjuwia, “Maar chan chikham chogkhaju khaba nʉm” a khĩirjumiet ajim.

San Juan 15:20

¿Chaig mua jaau chirarr pãrau khĩir eyaa khaba nʉ? Sĩi chikham chogkha nʉm khʉʉn amach patronnaan khãai ʉ̃rpai khaba aajem. Magua, amau mʉ dʉi khaigba aajerr aawai pãarjã ich agjo amau khaibag waujugui ajim. Maagwai ich jãg mua jaau chitʉm iek ãaur khʉʉnau ʉkhatarr aawai pãar iekjã agjo amau ʉkhajugui ajim.

San Juan 16:12

Mag jajawagmamua, —Agtha pãrag iek jaauju pooma wai chirʉmgui ajim, pari mʉʉgwaiwe par pãrag jaaukhiinjã pod pãrau khaugbaju.

San Juan 17:26

Ya mua amag jaaujim, pʉ jãga sĩerrʉ́. Pari ichiita warag mua amag ich jãg jaau chitajugui ajim, ich jãg pʉchdeu mʉ daupii wai simjo amaujã jũrr agdaujo amach khapeen kha khõsi amkhĩir. Amag magamkhĩran, mʉchta am dʉi chitajugui” a iekhamajim ich Ayag maar kõit.

San Juan 20:17

Mag ich gaai pʉrjopbaimaawaita Jesuu irig, —Oob mʉ gaai pʉrm; agtha mʉ mʉch Aai aar maba chirabahab ajim anʉm. Magnaa jũrr maar ich dʉi wenʉrraajerr khʉʉn igwiata, —Mawia, jũrr mʉ khodnaanag jaaubaimá ajim anʉm, “mʉ mʉch Aai dʉi ãba chiraimaag i aar mam; ich mag Ẽwandampai ĩchab pãar Aai anaa pãar Ẽwandamaugui” a jaaubaimá amag ajim aajem.

San Juan 4:19

Mag ich obeerbapʉim ũrbaawaita irig, —Mua oowai pʉjã dau bʉ̃ʉmjota simgui ajim anʉm, mʉ mag ʉrrʉm khap aag.

San Juan 8:26

Mʉch garmuan mua pãar jaauju akhiin, jaauju pooma chirʉm. Mamʉ magʉmta jaauba, ãba chi mʉ pʉitarrau jaaupitarrpierrpaita jaau chitʉmgui ajim. Pãrau mʉ iek ʉkhamapha naab mamʉ, mua jaau chirʉmʉn thum chadcharaugui ajim, chi mʉ pʉi simjã chadchata iekhaajeewai.

Hechos 20:27

Ẽwandamau ichdeu õor peerdʉ aaujem iek mʉchig jaaupitarr thum bʉ̃ʉrjã meerba mua pãrag jaautarr aawai ya mʉ chan mʉg chirʉm aig bʉ̃ʉrjã iekkhõr chukhu chirʉmgui ajim, Ẽwandam dau na.

Romanos 7:15

Khaugbam khar mʉ jãga chiraajem khai. Pari mʉch imeerba, chadcha Ẽwandamaujã khõsinaa mʉchdeujã nem waum khõsimta wauba, agtha nem khaigbam mʉchdeu waumaphamta waaujem.

1 Corintios 2:16

Ẽwandam iek phã sim gaai ag iek igwia, “Khaíu maach Ẽwandam khĩirjug thum khap abarju. Khaíuta i khãaijã khapcha sim awia jũrr ich garmua irig jaauju aai sĩ” a phã sim. (Is. 40:13) Chadcha ãbmuajã mag i khĩirjug thum khaugba sĩeb mamʉ, maach i Akhaar wai nʉm khʉʉnagan chadau ich Cristoouchata khaphʉ api sim, jãga wenʉrraju aai nʉ i dau na.

Gálatas 4:6

Mamʉ mag ich chaainkha nʉisimjã maachig khap amkhĩir, ich Ẽwandamau jũrr ich Chaai Akhaarta pʉijim maach thãar ee sĩemkhĩir. Mag i Akhaar maach thãar ee simuata maachigjã Ẽwandamag Aai ichepiewai chadcha maadeu Ẽwandam maach Aai aajem.

Efesios 1:9

Ajapcharan ĩchab warr ichdeupai ich thãar ee nem waumaju khaphʉ aajerrta maachig khaphʉ apijim.

Efesios 3:5

Warrgar chan mʉg iek chan ĩsimjo dawaa jaauba aajeejim; maagjerr ĩs ewag pawiata Ẽwandamau Cristo i jaaumkhĩir ichdeucha maar chi apostolnaan jʉr autarr khʉʉnag ich Akharag jaaupibaawai chadcha jaauwiata ʉu khaphʉ nʉm.

Colosenses 1:26

ajapcharan warrgarwe Ẽwandamau ich mag bʉ̃ʉrjã õrag jaauba sĩi ichdeupai khaphʉ wai sĩerrma; magtarr ĩsta ya ich denkha nʉm khʉʉnag khaugpibarm.

Filemón 1:16

Mag pʉch aig wai chirsim chan ya tag sĩi pʉ chogpai khaba, ya ĩsin warram khãaijã ajapchata sĩsim. Ajapcharan iin ya maach khod chaardamau, iruajã ĩchab dʉi maach Ẽwandam iek ʉkha khersiewai. Mʉch imeerba muan i jãsene chirʉm. Mamʉ puata mʉ khãyaujã ʉ̃rcha i jãsene aju aai sim. Sĩi pʉch chog aawaipaijã khaba, iruajã maach Por Jesucristo iek ʉkha sĩsiewaita i daupii aju aai sim.

Santiago 1:1

¿Jãgpai nʉ keena? Mʉʉn Santiagoou, Ẽwandam chog anaa ĩchab maach Por Jesucristo chog. Durrpierr maach meeun judionaan Cristo denkha nʉm khʉʉn pãach nʉnʉidʉmpierr pãragta mua saludaa chirʉm.

Santiago 2:23

Mag ich ipierraa arr aawaita ag nawe Ẽwandamau irig, “Pua chadcha mʉ iek ʉkhabarm gaaimua pekau chukhu arrjo ʉu pʉ mua mʉch aar aub khaba auju” atarrjã par khabajim, chadcha thãraucha ich iek ʉkhatarr aawai. Magtarr aawai, Abranau mag ich chaai ĩgkhaba ichig deeju ẽkhabarm aigta õragjã khap apijim, mag par iiupai khaba thãrauchata ichdeu Ẽwandam iek ʉkha sĩerr. Mag nʉm dʉi ĩchab mag thãraucha ʉkhawia ich ipierraa arr aawaita, ich Ẽwandamaujã jooi Abrán warag ich khapeerkha aujim.

1 Pedro 1:11

Mamʉ ich Ẽwandamau ich Akharagta amag nem jaaupiejerr aawai chadcha chi Akharauta mag Cristoou õor peerdʉ awaan beeju nawejã i igwi, “Woun ãb beewi õor ee aphʉʉ abarmuata nem thum podpʉiwi ichta ʉ̃gthar mawia thumaam khʉʉn khãai chi jua thierrkha sĩsiju” a jaaujeejim amag. Amachdeu mag ũrbaawai warag ajapchata khaphʉ am iigjeejim, chijãg wounchata mag beeju a jaau sĩ maimua mag pierrwaijã jãagwaichata barcheju a khap aag.

2 Pedro 1:1

Mʉʉn Simón Pedroou, ich Jesucristooucha ich i jaaumkhĩir jʉr autarr; muata pãrag mʉg ẽsap phã deepʉi chirʉm, pãraujã maach ich Jesucristooucha jʉr autarr khʉʉnau ʉkha nʉm iekpaita ʉkha naawai. Pãrau mag ʉkha nʉmʉn, maach Ẽwandam anaa maach peerdʉ aaujem Jesucristo thumaam khʉʉn dʉi nem agcha aajeewai, iwiir ãbam khʉʉnagpaita mag ich iek ʉkhapim khõsi khaba, thumaam khʉʉnagta agdaujo ʉkhapim khõsi aajeewaiu. Magua maach ich Jesucristo dʉicha wenʉrraajerr khʉʉn khaibag chugpatarrjo pãar maar khãai ẽudeecha ʉkhatarr khʉʉn khaibagjã ichdeuchata chugpatarr aawai, maach thumaam khʉʉn oneg ãbata nʉm, ãbam iekta ʉkha naawai.

Judas 1:1

Mʉʉn Judaau, Jesucristo chog; mʉchpaiu Santiago eeum. Muata pãrag mʉg ẽsap phã chirʉm, pãar ar ich Ẽwandamaujã khõsinaa ich iek ʉkhamkhĩir ichdeucha thʉ̃r autarr khʉʉn aawai Jesucristoou thʉa wai sĩejem khʉʉnag.

Apocalipsis 1:1

Mʉʉn Juanau, Jesucristo chog. Muata pãrag mʉchdeu ootarr jaaum ig chirʉm. Mʉg mua jawaagpam iekhan ich Ẽwandamaucha Jesucristoog jaautarrau. Mag ichig jaaubaawaita mʉ khãaipi auwi mʉrʉg jaaujim, jũrr mua ich iek ʉkha durrum khʉʉnag jaaumkhĩir. Mʉg iek thum ich jaaubarmjo chadcha jopcha aju khap amkhĩir, Jesucristoou ich chog ãb ʉ̃gthar ich dʉi sĩejemʉgta jaaujim, mag mʉ khãaipi atham ee jũrr magua mʉrʉg jaaumkhĩir.