San Juan 15:14 - Wounaan Meu

¹⁴ Pãrau mua nem jaau chirʉmta ipierraa amʉn, magan pãarta mʉ khapeenaugui ajim.

Woun Meu

¹⁴ Pãrau mua nem jaau chirʌmta hipierraa hamʌn, magan pãarta mʌ k'apeenaugui hajim.

San Juan 15:14 Iomraidhean Croise

San Mateo 12:50

Mʉrʉgan mʉ Aai ʉ̃gthar chiraajemua khõsimjo nem wau nʉm khʉʉnta mʉ ãd anaa mʉ ʉ̃phʉʉinau, maimua ĩchab makhʉʉnta mʉ khodnaanaugui ajim, ich Jesuu.

San Lucas 12:4

Mag ich khapeenag jajawagmamua ĩchab ich Jesuupai, —Keena, ar sĩi mʉg amach wir aig chikham kheechjem khʉʉn oob ogkhamiet ajim anʉm. Amau pãar chi ʉ̃rʉmʉn chadcha khechpʉiwiajã pãar akhaar chan pod thõo aubamgui ajim anʉm.

San Juan 13:17

Pãrau ya mʉ iek ũrbarm; pãrauta mua nem jaautarr khĩirjunaa chadcha mʉ ipierraa mʉch denjo nem wau wenʉrrʉmʉn, pãar onee wenʉrrajugui ajim.

San Juan 14:15

Mag iekhakhagmamua ĩchab marag, —Pãrau chadcha mʉ daupii nʉm khai, mua pãachig nem jaautarr thum ipierraa abat ajim.

San Juan 14:21

Chi mua nem jaautarr ũrnaa mʉ ipierraa simuan magan chadcha mʉ daupii sim a sim. Mag chi mʉ daupii simʉn, ĩchab mʉ Ayaujã i daupii ajugui ajim. Mag mʉ Ayau i daupii abaawai mʉchdeujã i khõsinaa warag mʉch khĩirjugchata khap apijugui ajim.

San Juan 14:28

Pãrau mʉ iek ũrjierramgui ajim, mʉ mʉch Aai aar mawia deeu pãach aig beeju a chirʉm, pãar dʉi chitaag. Pãrau chadcha mʉ khõsi nʉm akhiin, mag mʉ mam a chirʉm ũrwiajã pãar onee naakhamgui ajim, mʉch Aai mʉch khãaijã ʉ̃rpai sim dʉita chiraimaawai mʉch Aai dʉi ãba mʉchpata õrau tho iekhaju aawai.

San Juan 2:5

Pari ich iewaau ichig magbaawai chi phiejãb wau narr khʉʉnagta warag ich ũan Mariaau, —Irua pãachig nem mag aawai i ipierraa abat ajim.

Santiago 2:23

Mag ich ipierraa arr aawaita ag nawe Ẽwandamau irig, “Pua chadcha mʉ iek ʉkhabarm gaaimua pekau chukhu arrjo ʉu pʉ mua mʉch aar aub khaba auju” atarrjã par khabajim, chadcha thãraucha ich iek ʉkhatarr aawai. Magtarr aawai, Abranau mag ich chaai ĩgkhaba ichig deeju ẽkhabarm aigta õragjã khap apijim, mag par iiupai khaba thãrauchata ichdeu Ẽwandam iek ʉkha sĩerr. Mag nʉm dʉi ĩchab mag thãraucha ʉkhawia ich ipierraa arr aawaita, ich Ẽwandamaujã jooi Abrán warag ich khapeerkha aujim.

1 Juan 5:3

Chadcha Ẽwandam daupii nʉm anʉmʉn irua nem jaau sim thum i ipierraa nʉmʉu; mag irua maachig waupi jaau sim nem chan maadeu podbaju ayaam nem khabam.