San Juan 15:12 - Wounaan Meu

¹² Mua pãrag jaau pʉa chirʉmʉn, mʉchdeujã ich jãg pãar daupii chirʉmjo pãach eepaijã jũrr agdaujo chikhamnaan daupii abat a chirʉmʉugui ajim.

Woun Meu

¹² Mua pãrag jaau pʌa chirʌmʌn, mʌchdëujã hich jãg pãar daupii chirʌmjö pãach heepaijã jũrr hagdaujö chik'amnaan daupii habat ha chirʌmʌugui hajim.

San Juan 15:12 Iomraidhean Croise

San Juan 13:34

pãrag iek iiurta jaau pʉakhim. Ma, mʉgaugui ajim: Jũrr agdaujo chikham kha khõsi abat. Mua jãg pãach khõsi wai chitʉmjo, pãraujã agjota pãach khapeen kha khõsi abat.

San Juan 15:17

Deeu mua pãrag, agdaujo jũrr dich khapeen daupii abat a chirʉmgui ajim.

Romanos 12:10

Khod ãbam khʉʉnjo agdaujota pãach khapeen kha khõsinaa, dich garmuata ʉ̃rcha am khĩrag eenaa agdaujo chikham respetaabat, amta dich khãai ʉ̃rpai nʉm khʉʉnjo.

Efesios 5:2

Ich jãg Cristoou maach khõsi simjo pãraujã agdaujo pãach khapeen kha khõsi abat. Cristoou mag maach khõsi arr aawai maach daupigau pakuls gaai ʉdʉraa ich meerphe thõopijim. Ẽwandamau irua magbarm oowai ʉu sĩejim.

1 Tesalonicenses 3:12

Mag dʉi ĩchab maach Por Jesuugjã pãar kõit jeeu nʉm, ich jãg maachdeujã pãar khõsi nʉmjo pãarjã warag agdaujo thumaa jũrr chikham kha khõsi apimkhĩir.

1 Tesalonicenses 4:9

Mʉg Ẽwandam iek ʉkha nʉm gaaimua khodkha thʉnʉm khʉʉn aphajã warag chikham kha khõsi amkhĩir chan mua tag pãrag bʉ̃ʉrjã jaaupʉibam, ich Ẽwandamauchata ya pãar mag khõsi wenʉrraa khaugpi sĩewai.

2 Tesalonicenses 1:3

Khodamnaan, pãrau pãachdeu ʉkha nʉm iekta chadcha warag ogdʉba ʉkhanaa aguata nem jua theeg paaukhamam dʉi wir aig pãach khapeenjã waragta daupii paaukhamaawai, chadcha pãar gaaimua marau Ẽwandamag ʉu ajim aju aai nʉm.

1 Pedro 1:22

Mag nʉm dʉi ĩs maach peerdʉajem iek chaar Cristoou jaau sim pãachdeu ʉkha nʉm gaaimua, ya pãar irua ajaug paabapʉim, pãach wir aigjã agdaujo dich khapeen dʉi daupii wenʉrramkhĩir. Ya mag i jua ajaug paapʉitarr khʉʉn aawai par iiupai khaba thãrauchata pãach khapeen daupii abat, dich khapeen eugar parhooba khĩirjuba.

1 Pedro 3:8

Maimua ãbmiecha deeum khʉʉn dʉijã jãga aju aai nʉ a khap amkhĩir pãrag jaaukhim: Cristo iek ʉkha nʉm gaaimua thum pãach khodkha thʉnʉm khʉʉn dʉi o ãba abat, Ẽwandamau khõsimjo aag. Pãach ee ãb khãijã gaai masi wa okhĩirjuu khãijã aawai pãachta mag nʉmjo dʉi gaai masi abat, agdaujo dich khapeen kha khõsi chadcha khodkha nʉm khʉʉnjo. Agdaujo chikham dau aug khaug paraata abat, dichta warm khʉʉn khãaijã ʉ̃rpai nʉm a khĩirjuba.

1 Pedro 4:8

Pari ʉ̃rcha dich khapeenta daupii abat. Mag chadcha am daupii wai nʉm chan, maach dʉi biek khapan khaigba awiajã, am dʉi magʉm iek igba sĩi warag am perdonaaju.

1 Juan 3:23

Irua maachig waupi jaau simʉn ãba ich Iewaa iekta ʉkhapi simʉu; mag nʉm dʉi ĩchab ich Jesucristoou waupi jaautarrjo agdaujota dich khapeen kha khõsi api sim.

1 Juan 4:21

Jesucristoou maachig jaau pʉatarr maadeu khaphʉ nʉm. Mag irua jaau pʉarran mʉgau: “Pua chadcha Ẽwandam khõsi sim khai, magan pʉch khapeenjã ich agjo kha khõsi abá,” a sim.

2 Juan 1:5

Ĩsjã nawe pãachig jaautarr iekpaita deeu pʉaba pãrag, agdaujo dich khapeen kha khõsi aju aai nʉm a chirʉm. Mua pãrag mag phã deepʉi chirʉm chan iek iiur khabam; mʉg iekhan warr pãachdeu ũrtarr iekpaiu.