San Juan 15:11 - Wounaan Meu

¹¹ ’Mua pãrag mag iekha chirʉmʉn, mʉch onee chirʉmjo pãachjã warag wajapcha onee amkhĩraugui ajim. Pãar mag mʉjota onee nʉmʉn magan mʉg eegarm oneg khaba, oneg chaarta wai nʉisim.

Woun Meu

¹¹ ’Mua pãrag mag hiek'a chirʌmʌn, mʌch honee chirʌmjö pãachjã warag wajapcha honee hamk'ĩraugui hajim. Pãar mag mʌjöta honee nʌmʌn magan mʌg heegarm honeg k'aba, honeg chaarta wai nʌisim.

San Juan 15:11 Iomraidhean Croise

San Lucas 15:23

Magwia phakdam chi õtpaam authurwia thõobapʉit” ajim anʉm, “maach thum ãba onee kho nʉmua phiesta wawaag.

San Lucas 15:32

Mamʉ pua oo chirʉmgui” ajim anʉm, “pʉ eeum chi meem arrta phiidʉwi pierrumjo abarm; maach aigmua mawia tag beebajupii narrta, ĩsta deeu pierrumgui” ajim anʉm. “Magua ĩs chadcha maadeu mʉgju aai naabahab ajim anʉm, i beetarr gaaimua onee aag.”

San Lucas 15:5

Maimua mag baau athaawai, ¿khaíuta sĩi onegau dich nemchaaidam ud aibeebaju khai? ajim anʉm.

San Lucas 15:9

Maimua mag baau athaawai, ¿chijãg ʉʉirauta ich khapeen ich di dakha naajem khʉʉn thʉ̃rkha auwia, “Keena, ĩsin mʉʉn onee ʉm, mʉch phatkhondam okhoo wai ʉarr baau athaawai” abaju khai? ajim anʉm.

San Juan 16:33

Oob khĩirjumiet, mua ag nawe thum pãrag mag jaau chirʉmʉn, pãach warag mʉ denkha wenʉrrʉm gaaimua onee amkhĩraugui ajim. Mʉig eegar nʉweran pãar chadcha dau aphʉʉ wenʉrraju; pari khĩirdam onee abat ajim; mua mʉch garmuata mʉg durr gayam jua theeg thum podpʉiwia pãar eeg oo wai chitajugui ajim.

San Juan 17:13

Mag ich Ayag jeeumamua, “Tata, mʉ ũwaai deeu pʉ aar mam, pari mua mag am kõit jeeu chirʉmgui ajim, amach dakhĩircha. Mʉig agtha am dʉi eegar chirʉwe mag jeeu chirʉmgui ajim, amach jʉ̃gʉucha ũr naawai mʉch onee chirʉmjo ĩchab amjã onee nʉisimkhĩir.

San Juan 3:29

Pãrau ooba aajẽ ajim anʉm, jua pʉr nʉm khʉʉnjã: chi ʉʉi dʉi nawe iek deewi simta chi jayau; pari chi mag eeu pa nʉm khʉʉn paairinkha sim dʉi am bigaau simjã ĩchab onee aajem. Maarjã ich agjota naabahab Jesús dʉi. I jãg sim aig woun ãb eeu ʉʉi au simjota sĩebahab. Magua amau jãg i aarta phẽphẽeukham aig, mʉjã dʉi ĩchab onee chirʉmgui ajim anʉm, sĩi õrag i jaau chitʉmua.

Romanos 15:13

Judionaan khabam khʉʉn, maguata muan mag ichdeu maach dʉi wajapha ajujã khaphʉ apiejem ag Ẽwandamagta pãar kõit jeeu chirʉm, pãrau chadcha ʉkha naawai onee apinaa khõinaa nʉm dʉi warag mag ichdeu maach dʉi wajapha aju a simta pãragjã ich Akharauta ʉ̃rcha khĩirjupimkhĩir.

2 Corintios 1:24

Mʉ jam barwia mʉchdeu nem jaaubarmta pãrag ajués waupimapha chirʉm. Ya pãar pãachdeu Cristo iek ʉkha nʉm gaai ubʉ naawai pãrau khaphʉ nʉm, jãga aju aai nʉ mʉ barju nawe, maagwai magʉm athee chan ya pãrau wajap mʉ igba nʉm. Magarrau mua mʉchdeujã khõsi chirʉmʉn pãar onee apijuuta ẽkhaajem. Mua chan pãar okhĩirjuu apimapha chirʉm.

Efesios 5:18

Oob nag dowia okhoppha amiet. Jãgʉmuan warag maachig nem parhoobata waupinaa maach okhoopijuuta ẽkhaajem. Magju khãai Ẽwandam Akhaarta pãach gaai phẽsnaa ideu irigta pãachdeu nem waujujã jaaupibat.

Filipenses 1:25

Mag pãrau mʉch ig nʉm khaphʉ chiraawai mʉʉgwaiwe chan Ẽwandamau ʉdʉʉr amag mʉch thõopibajujã khaphʉ chirʉm. Mʉʉn pãar ee maach Ẽwandam iek jaau chitaju, warag pãar ubʉ paaukhamam dʉi oneecha wenʉrramkhĩir.

1 Tesalonicenses 5:16

Ed eepierr ich mag onee abat.

1 Pedro 1:8

Pãrau mʉ denjo Jesucristo khĩircha oobajieb mamʉ, pãrau i khõsinaa i iekjã ʉkha nʉm. Maguata atcha oneg nʉm iekhau pod pãrau pãach onegjã jaauju khaugba nʉm, jãga naaimaju khai ya ich dʉicha naaimaawai.

1 Juan 1:4

Mʉg thum ẽsap gaai mua phã deepʉi chirʉmʉn, pãachdeujã cha mʉchdeu jaaupʉi chirʉmjo abaawai warag pãach oneecha amkhĩrau.

2 Juan 1:12

Pãrag nem jaauju pooma wai chirʉm; pari sĩi mʉg ẽsap gaaipai chan mua jaaupʉibam. Magju khãai mʉchchata pãar aar mawia pãar dʉi khĩirchata iyʉʉ am khõsi chirʉm, maach thumaa ãba wajapcha onee aag.