San Juan 14:21 - Wounaan Meu

²¹ Chi mua nem jaautarr ũrnaa mʉ ipierraa simuan magan chadcha mʉ daupii sim a sim. Mag chi mʉ daupii simʉn, ĩchab mʉ Ayaujã i daupii ajugui ajim. Mag mʉ Ayau i daupii abaawai mʉchdeujã i khõsinaa warag mʉch khĩirjugchata khap apijugui ajim.

Woun Meu

²¹ Chi mua nem jaautarr hũrnaa mʌ hipierraa simuan magan chadcha mʌ daupii sim ha sim. Mag chi mʌ daupii simʌn, hĩchab mʌ Hayaujã hi daupii hajugui hajim. Mag mʌ Hayau hi daupii habaawai mʌchdëujã hi k'õsinaa warag mʌch k'ĩirjugchata k'ap hapijugui hajim.

San Juan 14:21 Iomraidhean Croise

San Lucas 11:28

Magbaawai jũrr ichdeu, —Jãan chadaugui ajim anʉm, mamʉ mag khãyau ar Ẽwandam iek jaau nʉm ũrwia i ipierraa nʉm khʉʉnta ʉ̃rʉʉcha onee aju aai nʉmgui ajim anʉm.

San Juan 14:15

Mag iekhakhagmamua ĩchab marag, —Pãrau chadcha mʉ daupii nʉm khai, mua pãachig nem jaautarr thum ipierraa abat ajim.

San Juan 14:18

Mag iekhakhagmamua, —Wouchnaanjo chan mua pãar dau aphʉʉ phepʉabamgui ajim. Mawiajã mʉʉn ũwaai deeu pãar dʉi chiraichejugui ajim.

San Juan 15:14

Pãrau mua nem jaau chirʉmta ipierraa amʉn, magan pãarta mʉ khapeenaugui ajim.

San Juan 16:14

Iruata mʉ jaauju aai chirʉm aawai ichdeuta mua jaaujerr iekjã mʉchdeu jaaujerrjo ũwaai pãrag khĩir eyaa apinaa wajapcha khap apiju. Mag sim aig chan ichta tho iekhapiba, mʉʉta irua pãrag tho iekhapi simgui ajim.

San Juan 17:23

Magua, mʉ am dʉi chirʉm aig, pʉjã mʉ dʉi sim, mag nʉmua maach thum o ãba naag. Maagwai pʉ iek ʉkhaba nʉm khʉʉnaujã khaphʉ aju, puata chadcha mʉ pʉijim. Mag gaaimua ĩchab khaphʉ ajugui ajim, ich jãg pʉchdeu mʉ khõsi simjo amjã pua khõsi chirʉm.”

Hechos 22:18

Mag ich oopiwia mʉrʉg, “Mʉig Jerusalén chan par pua mʉ iek õrag jaauwiajã amau ʉkhabam. Mag khãai pʉchta jopkharraapai mʉg phobor eemua warag chawag petá” ajim.

2 Corintios 12:8

Ya biek thãrjup maach Por Ẽwandamag jeeuwia chirʉm, agua mʉg mʉch dau aphʉʉ chitaajem chugpaapʉimkhĩir.

2 Corintios 3:18

Maguata maach i iek ʉkha durrum khʉʉn chan mag agtha putiu khĩir borr nʉmjo khaba aawai espheg dau wajapham ee oo nʉmjota ich Ẽwandam wajaugjã maach gaaita õrau oo nʉm, maach nem wajapha wau nʉm gaaimua. Mag nʉmua maachin waragta ich Ẽwandam Akharau wajaug paamaawai warag maach Por Jesujota paaukhamam.

2 Corintios 4:6

Ar mʉg durr ompaa naawaijã sĩi ich iekhaupai khĩchag eemua ararag ompaa autarr ich ag Ẽwandamaupaita ich iekhau maach khĩirjug aardʉ athamjo ajim, magbarmua maach Ẽwandam thumaam khʉʉn khãai wajaug sĩerrʉmta Jesucristo gaaimua khaphʉ nʉisimkhĩir.

2 Tesalonicenses 2:16

Maraun, ich maach Por Jesucristoouchata maach Ẽwandam chi Aai dʉimua pãar khĩir jãsenkhanaa pãar juag oopim khõsi nʉm, pãrau nem jaaunaa nem wau nʉm thum wajaphata obeber amkhĩir. Ich Ẽwandamauta maach khõsi khĩir jãsenkhajim, ich mag wenʉrrʉmua ich dʉi ogdʉba nʉisijujã khap amkhĩir.

2 Timoteo 4:22

Timoteo, maach Por Jesucristoou pʉ thʉa wai nʉrrapim khõsi chirʉm dʉi tagam khʉʉn dʉijã Ẽwandamau ʉu apim khõsi chirʉm. Ayoo kake, Pablo

1 Juan 2:5

Pari jũrr maach i ipierraa nʉm khʉʉnaun chadau chadcha wajapchata i khõsi nʉm. Mag i khõsi nʉm gaaimua maadeu khaphʉ nʉm, chadchata i denkha nʉm.

1 Juan 3:1

Keena pãade khĩirjubat jãga Ẽwandamau maach khõsi sĩ: mag ich garmua maach khõsi sĩewai irua maachig ich chaain a thʉ̃rju aai sim, maach chadcha ich chaain aawai. Sĩi ar parhooba i iek ʉkhaba nʉm khʉʉnau chan ich Ẽwandam Iewaa mʉg jẽb gaai sĩethuurwaijã pod i khaug auba arr aawaita ĩs mʉg maach Ẽwandamau ich chaainkha wai simjã pod khaugba nʉm, jãga awia mag nʉ.

1 Juan 5:3

Chadcha Ẽwandam daupii nʉm anʉmʉn irua nem jaau sim thum i ipierraa nʉmʉu; mag irua maachig waupi jaau sim nem chan maadeu podbaju ayaam nem khabam.

2 Juan 1:6

Chadcha chi Ẽwandam khõsi simuan irua nem jaau sim thum i ipierraata nem waaujem. Pari ʉ̃rcha irua maachig waupi jaau simʉn, ar nacha pãachig jaau nʉm aig ũrtarrjo, agdaujo dich khapeen daupiita wenʉrrapi jaau simʉu.

Apocalipsis 2:17

Magnaa ichdeupai, “Ar jʉ̃g ʉ̃rʉʉ nʉm khʉʉnau Ẽwandam Akharau mʉkhʉʉn iglesiaag jaau sim ũrbat” a sim. Ar ogkhaba ʉu magʉm thum ãwatbapʉimʉg, ʉ̃gthar pawiajã mʉg jẽb gaaim nem khoojem khĩir khabamta khopinaa mokdaudam bäphä khitʉm gaai thʉ̃r iiur phã khitʉmjã ichdeucha deeju aajem. Mag thʉ̃r chan bigaaum khʉʉnau khaugba, ãba chi athamuapaita khaphʉ aju aajem.

Apocalipsis 22:14

Ar sĩi khajũa wajap jã simjo thãar wajapha pekau chukkhu nʉm khʉʉnta ʉuhcha thʉnʉm khʉʉnau, amauta maach iiupiejem nemjõ mag mua jaau chirʉm gayamjã jõnaa, mag phobor puertdi khapan wʉwʉr wejom eejã dubju aai naawai.

Apocalipsis 3:20

Iin maach thãar bʉkhʉrr chiraajem aajem, weeu aunaa ichig dubbá amkhĩir. Ãbmua khãijã weeu auwi irig dubbaad akhiin, iin ierrcha dubju chirʉm aajem, i dʉi khapeerkhaag.