San Juan 14:14 - Wounaan Meu

¹⁴ Mag pãar chadcha mʉ denkha naawai pãrau mʉ Ayagta nem jeeu nʉmʉn, muajã chadcha jerrba mag pãachdeu jeeu nʉmjo ajugui ajim pãar dʉi.

Woun Meu

¹⁴ Mag pãar chadcha mʌ dënk'a naawai pãrau mʌ Hayagta nem jëeu nʌmʌn, muajã chadcha jerrba mag pãachdëu jëeu nʌmjö hajugui hajim pãar dʌ̈i.

San Juan 14:14 Iomraidhean Croise

San Juan 14:13

Pãar chadcha mʉch denkha naawai pãrau pãachdeu nem khõsim thum mʉ Ayagta mʉ iek gaai thʉwiata jeeumʉn, mua pãar dʉi mag pãachdeu jeeu nʉmjo ajugui ajim, mʉchdeu pãar dʉi mag chirʉm gaaimua ich mʉ Aaita chi jua thierriu a khap amkhĩir.

San Juan 14:16

Pãrau magmʉn, mʉch Aai aar paawai mua irig pãar athee dewam mʉch jũrr pʉipi jaaujugui ajim, pãar dʉi ogdʉba ich mag pãar khĩir jãsenkha wai nʉrramkhĩir. Ma ich Ẽwandam Akharaugui ajim.

San Juan 15:16

Warrjã pãrau pãach garmuata pãach Porkhamkhĩir mʉ jʉr auba mʉch garmuata pãar jʉr autarr aawai, mua pãar pʉi chirʉmgui ajim, wetwia õrag mʉ iek aaidʉ jaaumamua õor mʉch igar paa aumamkhĩir. Pãrau magmʉn, magan mʉ iek gaai thʉwia mʉ Ayag nem jeeuwaijã thum irua deeb khaba deejugui ajim.

San Juan 16:23

’Ya mag ed paawai, cha mua jaau chirʉm pãrau khaphʉ naaju aawai, tag ĩsimjo mʉrʉg jejeeu abajugui ajim. Pãar mʉ denkha naawai mʉ Ayag nem jeeu nʉm thum irua pãrag deejugui ajim. Pari mag mʉ denkha nʉm awiajã agtha pãrau bʉ̃ʉrjã mʉ Ayag mʉ iek gaai thʉwia nem jeeuba nʉm. Magta jeeubat ajim, pãachdeu nem jeeu nʉm deebaawai wajapcha onee aag.

1 Corintios 1:4

Muan jeeub khaba ich mag Ẽwandamag ʉu ajim a chitaajem pãar kõit. Jãg Jesucristo gaaimua Ẽwandamau pãach ʉu wai sim paarjã ĩchab mua ʉu ajim aajem.