San Juan 14:13 - Wounaan Meu

¹³ Pãar chadcha mʉch denkha naawai pãrau pãachdeu nem khõsim thum mʉ Ayagta mʉ iek gaai thʉwiata jeeumʉn, mua pãar dʉi mag pãachdeu jeeu nʉmjo ajugui ajim, mʉchdeu pãar dʉi mag chirʉm gaaimua ich mʉ Aaita chi jua thierriu a khap amkhĩir.

Woun Meu

¹³ Pãar chadcha mʌch dënk'a naawai pãrau pãachdëu nem k'õsim t'um mʌ Hayagta mʌ hiek gaai t'ʌwiata jëeumʌn, mua pãar dʌ̈i mag pãachdëu jëeu nʌmjö hajugui hajim, mʌchdëu pãar dʌ̈i mag chirʌm gaaimua hich mʌ Haaita chi jua t'ierriu ha k'ap hamk'ĩir.

San Juan 14:13 Iomraidhean Croise

San Mateo 21:22

Mag pãachdeu jeeubarmjo aju khaphʉnaata pãach nem jeeuwaijã jeeumʉn, pãachdeu jeeubarm nem pãrau paarpaju a jaaujim marag.

San Mateo 7:7

Maimua ĩchab ich Jesuupai magjim anʉm: —Pʉaba jeeubat; pãachdeu nem igbarm Ẽwandamau deeju. Pãrau i jʉrmʉn, i baauju; i sim aar dubaag pãach weeu aupi jeeumʉn, irua pãar weeu auju ajim anʉm.

San Marcos 11:24

Maimua ĩchab, —Pãachdeu Ẽwandamag nem ig nʉm jeeuwai chadcha irua pãachig deeju khaphʉnaa ya pãach jua ee wai nʉmjota jeeumʉn, magan chadcha irua pãrag pãachdeu nem ig nʉm deeb khaba deejugui ajim anʉm.

San Lucas 11:9

Ich jãgta aajemgui ajim anʉm agjo Ẽwandamag jeeuwaijã. Magua mua pãragjã pʉaba jeeubat a chirʉm. Magta pʉaba jeeu nʉmʉn, pãachdeu nem igbarm irua deeju. Pãrau i jʉrmʉn, i baauju. I sim aar dubaag pãach weeu aupi jeeumʉn, irua pãar weeu auju.

San Juan 10:30

Magnaa, Mʉ mʉch Aai dʉin maran ich ãbampaiugui ajim.

San Juan 12:44

Biek ãb ijẽjẽbkhamua judionaan ich iek ũr narr khʉʉnag Jesuu thet magjim: —Chi mʉ iek ʉkha simuan mʉ iek appai ʉkhaba ĩchab mʉ Aai iekpata ʉkha simgui ajim, ich iek jaaupitarrta mua jaau chitaawai.

San Juan 13:31

Mag ya Judas oberbaadeewai Jesuu magjim marag: —Ĩsta ya chadcha mʉch chi Emkhooi Iewaa jua theeg chirʉm thumaam khʉʉnau oogpam. Maagwai jũrr mʉ gaaimua Ẽwandamau ich jua theegjã oopiegpamgui ajim.

San Juan 14:14

Mag pãar chadcha mʉ denkha naawai pãrau mʉ Ayagta nem jeeu nʉmʉn, muajã chadcha jerrba mag pãachdeu jeeu nʉmjo ajugui ajim pãar dʉi.

San Juan 14:6

Magbaawai ich Jesuu, —Mʉchpaita ʉ̃gthar maajem khʉd khabahab ajim. Mʉ gaaimuata chadam iekjã pãrau khaphʉ nʉm. Mʉchdeuta mʉg jẽb gaaiwe õor Ẽwandam denkhapiejem. Ãba mʉ gaaimuapaita õran mʉ Aai aar barju aai nʉmgui ajim.

San Juan 15:16

Warrjã pãrau pãach garmuata pãach Porkhamkhĩir mʉ jʉr auba mʉch garmuata pãar jʉr autarr aawai, mua pãar pʉi chirʉmgui ajim, wetwia õrag mʉ iek aaidʉ jaaumamua õor mʉch igar paa aumamkhĩir. Pãrau magmʉn, magan mʉ iek gaai thʉwia mʉ Ayag nem jeeuwaijã thum irua deeb khaba deejugui ajim.

San Juan 15:7

’Pãrau mʉ kha ogdʉba mua pãachig jaautarr ipierraata wenʉrrʉmʉn, pãachdeu nem waupim khõsimta mʉrʉg jaaubat, magbaa mua waub khaba waujugui ajim.

San Juan 16:23

’Ya mag ed paawai, cha mua jaau chirʉm pãrau khaphʉ naaju aawai, tag ĩsimjo mʉrʉg jejeeu abajugui ajim. Pãar mʉ denkha naawai mʉ Ayag nem jeeu nʉm thum irua pãrag deejugui ajim. Pari mag mʉ denkha nʉm awiajã agtha pãrau bʉ̃ʉrjã mʉ Ayag mʉ iek gaai thʉwia nem jeeuba nʉm. Magta jeeubat ajim, pãachdeu nem jeeu nʉm deebaawai wajapcha onee aag.

San Juan 16:26

Mag ed paawai ya tag pãar kõit mua mʉch Ayag ich jãg jeeu chitaju khaba chirʉmgui ajim. Magju khãai pãachdeuchata warre mʉ iek gaai thʉwia irig jeeuju aai nʉisijugui ajim, ichdeujã pãar khõsi sĩewai. Irua mag pãar khõsi simʉn, chadcha mʉ i aarmua beetarr pãrau khaphʉnaa mʉ khõsi naawaiugui ajim.

San Juan 16:7

Pari mag mʉ maju a chirʉmʉn, chadcha pãach wajapcha amkhĩraugui ajim. Mʉ maba akhiin, Ẽwandam Akhaar mag pãar khĩir jãsenkhajujã beebaju. Magarrau mʉ petaawain chadau mʉchdeuchata mʉch jũrr mag pãar khĩir jãsenkhajujã pʉijugui ajim.

San Juan 4:10

Magbaawai jũrr Jesuu irig, —Ẽwandamau pʉch athee nem deeg wai sim khaphʉnaa khaíuta pʉchig do jeeu simjã khaphʉ akhiin, pʉch garmuata pua mʉrʉg do jeeukhamgui ajim anʉm. Magbaawai mua pʉrʉg õor iiupiejem doota deekhamgui ajim anʉm.

San Juan 4:14

Pari mua dee chirʉm do khĩirta do nʉm khʉʉn chan bʉ̃ʉrjã obichag chukhu ich mag wenʉrraju. Mag amachdeu dobarmpaita am mor ee ich mag khumdʉ ober sĩsimjo sĩejugui ajim aajem, ich mag Ẽwandam denkha nʉisieg.

San Juan 5:19

Pari Jesuu warag, —Mʉch chi Chaairaujã mʉch Ayau nem waupim khõsi sim khaugba akhiin, muajã mʉch khĩrau chan waubajugui ajim. Magba irua nem waupim khõsi sim mʉchdeu khaphʉ chiraawaita muajã chadcha waaujemgui ajim Jesuu chi judionaanag.

San Juan 7:37

Ya ãbmiecha chi phiesta o nʉm edta chi wajapcharam ajim. Mag ed Jesuu dʉnʉʉunaa thet iekhamamua õrag, —Ãb khãijã obisi sim khai, mua wai chirʉm do khĩirta dobá ajim.

1 Corintios 14:13

Ãbmua khãijã ich meu khaba deeum meúata iekhaajem ag jua theeg wai sim khai, magan agjo ich Jooirag jeeuju aai sim, mag ichdeu iekhabarm iekpai aig ũr nʉm khʉʉnag deeu am meúa jaaujem ag jua theegjã ichig deemkhĩir.

Efesios 2:18

Mag maach thum i iek ʉkha nʉm khʉʉnaun, ich ãbam Ẽwandam Akhaarpaita wai naawai, Cristo gaaimuata ʉu ĩsin judionaan wa judionaan khaba awiajã Ẽwandam chi Aai dʉi khapeerkha wenʉrrʉm.

Efesios 3:12

Maguata ya ĩsin mag Cristo iek ʉkha naawai, i gaaimuata chadcha Ẽwandam bʉ ignaa ich jãg chaain amach dennaan dʉi aajemjo irig jeeuwimʉ jeeujem, mag jeeubaawai maach iek ũrju khaphʉ naawai.

Efesios 3:14

Mag pãar maar meeun khabam khʉʉnpa thumaa maach Aai Ẽwandamau ich chaainkha wai sĩewaita muan phõbkhanaa irigta ʉu ajim aajem,

Filipenses 4:13

Mua chan mʉch dau aphʉʉ chitajujã khĩirjuba chitʉm, magʉm ãwat chitaagjã ich Cristoouta mʉrʉg juapá deejeewai.

Colosenses 3:17

Mamʉ magʉm nem thum pãachdeu jaauwai wa waauwai khãijã, chadcha maach Por Jesús denkha naawai, ichdeu waupim khõsimjo waum khõsita waubat. Magnaa ĩchab ich Jesús gaaimua ich Ẽwandam chi Ayagjã ʉu ajim abat.

Hebreos 13:15

Mag khĩirju naawaita ãba Jesucristo gaaimuata Ẽwandamag ʉu ajim aju aai nʉm, i gaaimuata ʉu mag Ẽwandam aarcha naaimaju khaphʉ naawai. Mag irig dich iiucha pʉaba i tho iekha nʉmta warrgar nemchaain thõonaa phaa nʉmua irig jeeujerrjo jeeu nʉmʉu.

Hebreos 4:15

Mag ʉ̃gtharmua maach kõit iekhaajemuan chadcha maach dau aug khaaugjem. Ẽwandamta maach wounkha sĩerr aawai ichdeujã khaphʉ sim, jãga aajẽ maach pekau ee burrjojoo aadephʉm aig. Meperau maach pekau ee burrpiju ẽkhaajemjo aju ẽkhaajeejim i dʉijã agjo; mamʉ maagjerrta ich chan bʉ̃ʉrjã pekau ee burrba khitajim.

Hebreos 7:25

Maguata ich gaaimua Ẽwandam jʉr nʉm khʉʉnan, irua peerdʉ aub khaba peerdʉ auwi ich mag ich denkha wai sĩsiejem. Mag ichjã ich mag iiu sĩerraawai ich iek ʉkha nʉm khʉʉn kõitjã ich mag ichdeuta Ẽwandamag jeeu nʉrraju.

Santiago 1:5

Mamʉ magʉm prueba ãwataag pãar ee iwiir ãb khãijã mag ich Ẽwandamau khõsimjo aju khaugba sim khai, ichigta jeeubat. Magbaawai irua khĩirjug deemamua khaugpiju. Ẽwandamau nem deewai chan maach denjo mag, “Mua khachpaita deejujã” aba, ni chikham khĩir phʉʉrnaajã nem deeba aajem.

Santiago 5:16

Keena, chadcha Ẽwandam na ajapha nʉm khʉʉnau irig jeeu nʉm khʉʉn iekhan chadcha ichdeu ʉkhaajeewai, muan pãragan, pãach pekau wai nʉmjã agdaujo dich khapeenag meerba jaaunaa jũrr agdaujo dich khapeen kõitjã Ẽwandamagta jeeubat a chirʉm. Magnaata pãrau jeeumʉn, mor mas khekhedʉm khʉʉnjã monaauju.

1 Pedro 2:5

Mag pãrau Cristo iek ʉkha nʉmuata Ẽwandamau ich athee di eu arrumjo sim. Di chaar eu nʉm khabamta pari pãachta chi dipá daígkha nʉm, ajapcharan i õorma. Mag i õorkha naawai ãba irigpaita jeeunaa irigpaita ee aju aai nʉm, ichig magamkhĩirta maach ich õorkha wai sĩewai. Pari mag i athee nem ajapha wau wenʉrrʉm chan pãachta ajapha nʉm gaaimua khaba Jesucristo ajaug tho nʉm gaaimuata mag wenʉrraawai, Ẽwandamaujã ich dawagaata oojem.

1 Juan 3:22

Magta irig jeeu nʉmʉn, maadeu ichig jeeubarm thum irua maachig deeju, ichdeu oowai maadeu i ipierraanaa irua nem khõsimpaita wau naawai.

1 Juan 5:14

Maadeu khaphʉ nʉm ĩchab, ich Ẽwandamau khõsi simjo maadeu irig jeeuwain irua maach iek ũrb khaba ũurjem.