San Juan 14:12 - Wounaan Meu

¹² Pãade mʉ iek ũrbat: Chadcha chi mʉ iekta ʉkha simuan mua nem wau chirʉmjo waunaa ag khãai ʉ̃rʉʉchajã waumajugui ajim, mʉch Aai aar pawia mammuajã mua mʉch juapá deeju aawai.

Woun Meu

¹² Pãadë mʌ hiek hũrbat: Chadcha chi mʌ hiekta hʌ̈k'a simuan mua nem wau chirʌmjö waunaa hag k'ãai hʌ̃rʌʌchajã waumajugui hajim, mʌch Haai haar pawia mammuajã mua mʌch juapá deeju haawai.

San Juan 14:12 Iomraidhean Croise

San Mateo 21:21

Magbaa ichdeu marag magjim: —Pãrau pãachdeu Ẽwandamag jeeuwaijã pãachdeu jeeubarmjo aju khĩirjunaata jeeukhiin, mua mʉg pabʉ phuapibarmjopaijã khaba, ag khãai phithurcharam nemjã wauju. Jãgkhiin pãrau mʉg Olivo durrsĩigjã, “Mʉigmua mawia jũrr phũas ee ierrpabaad” akhiinjã, chadcha pãachdeu iekhabarmjo ajugui ajim, pãar ipierr.

San Marcos 11:13

Mag i jãsoo nʉrrʉmta warpmua pabʉ higo anʉm epõo khʉd bigaau dʉnʉm oo athajim anʉm. Magbaa aar dakha oon majim aajem, ag gaai chi nemjõ ya chi wawam nʉmpii awia. Pari ag chee jaar khaba arr aawai ni por ãbjã ag gaai oobajim aajem.

San Marcos 16:17

Chi mʉ iek thãraucha ʉkha nʉm khʉʉnau mʉchdeu aajerrjo, mua mʉch juapá deebarmua õor mor eem mepeerjã obeerpi jaaubaawai chadcha dau daau obeerpʉimajugui ajim anʉm. Magnaa ĩchab deeum meu ich meu khabamta ag nawe iekhaajerrjo iekhaju.

San Juan 14:28

Pãrau mʉ iek ũrjierramgui ajim, mʉ mʉch Aai aar mawia deeu pãach aig beeju a chirʉm, pãar dʉi chitaag. Pãrau chadcha mʉ khõsi nʉm akhiin, mag mʉ mam a chirʉm ũrwiajã pãar onee naakhamgui ajim, mʉch Aai mʉch khãaijã ʉ̃rpai sim dʉita chiraimaawai mʉch Aai dʉi ãba mʉchpata õrau tho iekhaju aawai.

San Juan 16:7

Pari mag mʉ maju a chirʉmʉn, chadcha pãach wajapcha amkhĩraugui ajim. Mʉ maba akhiin, Ẽwandam Akhaar mag pãar khĩir jãsenkhajujã beebaju. Magarrau mʉ petaawain chadau mʉchdeuchata mʉch jũrr mag pãar khĩir jãsenkhajujã pʉijugui ajim.

San Juan 4:37

Ar õrau, “Chi nemjĩir jĩir simuan sĩi jĩirmam, pari khar chan pod ichdeupai eeuba aajem” aawain chadcharauwai ajim.

San Juan 5:20

Mag ich mʉ Ayaujã mʉ khõsi aajeewai ichdeu nem waupim khõsim thum mʉrʉg khap apiejemgui ajim. Maagjeewai ĩsmua atagta mua nem wau chirʉm gaaimua pãrau i jua oogpamgui ajim. Ante mʉg woun monaautarr khãaijã ʉ̃rʉʉcha mua nem waumaju. Mag oowiata pãar dauderraa ajugui ajim.

San Juan 7:33

Pari mag ich pʉr aumkhĩir ich aar õor pʉi nʉmjã ich Jesuu khaphʉ sĩerr aawai amag, —Khũchpaita pãar dʉi mʉ mʉig eegar chitabahab. Mʉʉn deeu mʉch pʉitarr aar maju chirʉmʉugui ajim.

San Juan 7:39

Mag sim aiguin Jesuu i iek ʉkhabarm khʉʉnaun Ẽwandam Akhaarta auju a sim ajim. Pari maagwai chan agtha chi Ẽwandam Akhaar beeba sĩejim, ich Jesujã agtha ich Aai aar ʉ̃gthar maba sĩerr aawai.

Hechos 10:46

amau ũurwai sĩi amach meu khabampata sereu thʉnʉm ee Ẽwandam tho iekha nʉrrjeem ũrbaawai.

Hechos 16:18

Mag maar ẽudee ähäa phʉrereukhamjã pʉaba, khãai khapan aadeewai, Pabloou khõchkhaba ewag phʉʉrba chi daupeer khĩirphee dʉnʉʉunaa, chi meperag thet khĩesir iekhajim. Mag iekhamamua, —Jesucristo jua theeg thowia mua pʉrʉg iekha chirʉm. Jopkhaa jãg ʉʉi kha ogdʉ pʉawia pʉchta sĩiubaad ajim ich Pabloou. Magbaa chadcha ag bʉrre sĩiubaadejim, chi dosãt.

Hechos 19:12

Mag õor monawaag nem jua theeg sĩewai sĩi i khĩir jãarjem wa irua khajũa jũajem khãijã chi aaunaan aar arrwia, ag ʉ̃r ausĩubarmuapai kha machag chugpaanaa ĩchab mor ee ben khaigbam wai sĩsidʉmjã chadcha obeerpʉi maajeejim aajem.

Hechos 2:33

Mag jaaumamua ichdeupai, —Jãan Ẽwandamau ich jua theegauta chadcha i phiriu autarr aawai ĩs ʉ̃gthar ich Ẽwandam dʉi ãba thumaam khʉʉn Porkha simgui ajim anʉm, ich Jesús igwia. Magta ĩchab ich chi Ayaucha ich Akhaar deeju a jaaujerrjã irig deejimgui ajim aajem. Mag ichig deebaawai jũrr ich Jesuu ĩsta õrag deebarmgui ajim anʉm. Magua cha pãrau pãach daúacha oonaa pãach jʉ̃gʉucha pãach meu ũr nʉmjã mag sĩi khech naawai khaba, thum ich Jesús gaaimuata jãg thʉnʉmgui ajim anʉm, chadcha ichta ʉ̃gtharjã maach thumaam khʉʉn Porkha sĩewai.

Hechos 2:41

Mag chadcha Pedroou jaau sim ũrwia Ẽwandam iek ʉkhamarr khʉʉnau amach por choopimajierram aajem. Ich mag edpai ʉkhawia amach por choopimarr khʉʉn appai tres miljo naajim aajem.

Hechos 4:16

—Keena, ¿mʉkhʉʉn wounaan dʉi maadeu jãga ajuuta jãg nʉma? aajeejim anʉm. Mʉg õor monaau nʉm ooba aajem chadcha. Amau jãgtarr Jerusalén phobor ee thumaam khʉʉnau khakhapdo thʉnʉm, pod maadeu “Jãan seukhaawaita jãg thʉnʉm” aju khaba nʉmgui ajim anʉm.

Hechos 4:33

Mag nʉm ee, am iek warag amach chi Jesuucha ich iek jaaumkhĩir doce jʉr autarr khʉʉnaujã maach Por Jesús iiu phiidʉtarr iekta warag iek khẽgkha jaauphobaadejim aajem. Maimua ich mag jaau wenʉrrʉm jaarjã Ẽwandamau thumaam khʉʉnag am dʉi ajapha apiejeejim anaabá.

Hechos 4:4

Mamʉ mag amach pʉrkha arrju nawe jaau durrarrdam õor pom mag thʉnarr khʉʉnau ũrtarr aawai ĩchab chi ʉkha narr khʉʉn khapanag emkhooin appai cinco miljo naajim aajem, ʉʉin dʉi chaainjã beerba.

Hechos 5:15

Amach daúa mag oo nʉm dʉi ich Jesuucha ich i jaaumkhĩir jʉr autarr khʉʉnau õor dakhĩir ag na maadeu nem ooba aajempa mag dau daau wau nʉm oowai, waragta aaunaan khapan pa bʉʉrkham gaai dawag phe aumaajeejim aajem, Pedro dichmamua i akharaupai khãijã chi aaunaan ʉ̃r khĩsu dichdimaawai magbarmuapai monaaumamkhĩir.

Hechos 6:7

Magtarr aigmua warag Ẽwandam iek aaidʉmam dʉi ĩchab chi ʉkha durrum khʉʉnjã Jerusalén phobor ee waragta khapaana paaukhamajim aajem. Mag amau jaau durrum ũrwia judionaan eem phadnaanjã khapan ĩchab Ẽwandam iek gar theerbagkha majierram aajem.

Hechos 8:7

Õor pom mor ee ben khaigbam wai sĩsid arr khʉʉnjã monaaumaawai chi mepeenjã idaau ähäig jʉrpʉimaajeejim aajem. Mag nʉm dʉi ĩchab bʉ wedʉ wedʉ khitheem khʉʉnjã monaaunaa kha chʉkhʉ pod amach appai phiidʉba sĩsid arr khʉʉnpa monaaumaajeejim anʉm.

Hechos 9:34

Magʉg Pedroou, —Eneas, phiidʉbá ajim anʉm; Jesucristoou pʉ monaaubarm. Pʉch putdam juur kherbá ajim anʉm. Magbaa chadcha ag bʉrre Eneas phiidʉbaadejim aajem.

Hechos 9:40

Magbaawai ich Pedroou õor thum dawag jʉrkhʉʉipʉiwi, kanieu phõbkhanaa, Ẽwandamag oraajim aajem. Mag oraa aaipawi chi binaanag oonaa, —Tabita, phiidʉbá ajim anʉm. Magbaawai chadcha chi binaanau dau ẽe oowia Pedro khĩir eerpa athaawai phiidʉ oo sĩsijim anaabá.

Romanos 15:19

Mamʉ mag gaaimuapaijã khaba, mag nʉm dʉi ĩchab Ẽwandam Akhaar jua theegau mua õor mor masim khʉʉn monaaunaa mepeenpa dau daau jʉr werp chitʉmjã amach daúa ootarr gaaimuapata ʉkhajierram. Mag jaau chitʉmuata maach peerdʉajem iek Jerusalenmua jaaubaaderr Iliria durram magwe jaauwi chirʉm.