San Juan 13:8 - Wounaan Meu

⁸ Magbaawai chará warag Pedroou irig, —Señor, pʉʉta mʉ khãai ʉ̃rpai sĩewai pʉrʉg chan mua mʉch bʉ ʉpibamgui ajim. Magbaawai jũrr Jesuu chi Simón Pedroog, —Pua mʉrʉg pʉch bʉ ʉpimapha chirʉm khai, magan ya tag pʉ mʉ dʉi nʉrraju khaba simgui ajim irig.

Woun Meu

⁸ Magbaawai chará warag Pedroou hirig, —Señor, pʌʌta mʌ k'ãai hʌ̃rpai sĩewai pʌrʌg chan mua mʌch bʌ̈ hʌpibamgui hajim. Magbaawai jũrr Jesuu chi Simón Pedroog, —Pua mʌrʌg pʌch bʌ̈ hʌpimap'a chirʌm k'ai, magan ya tag pʌ mʌ dʌ̈i nʌrraju k'aba simgui hajim hirig.

San Juan 13:8 Iomraidhean Croise

San Mateo 16:22

Mag jaaumam ũrwia, Pedroou ich appai chaaur thʉ̃rnaa, —Señor, ¿khanii Ẽwandamau pʉ dʉi magpibarju? Pʉ dʉi chan õrau magju khaba nʉmgui ajim irig.

San Mateo 21:29

Magbaa chi iewaau, “Mʉ mamapha chirʉmgui” ajim aajem. Maimua khĩirju sĩi awiata, “Magan mʉ majugui” awia majim aajem, phidkhaan.

San Mateo 26:33

Magbaawaita Pedroou jũrr irig, —Thumaam khʉʉnau pʉch ap barpʉawiajã mua chan pʉ barpʉabamgui ajim.

San Mateo 26:35

Mamʉ Jesuu ichig magbaawai chará warag Pedroou irig, —Pʉ thõbaimam aar dʉi thõimaju awiajã mua chan pʉ khaugba chitʉm a iekhabamgui ajim. Irua magbarm dʉi maach chi khapeenaujã thumaam khʉʉnau ich mag iekhajim.

San Juan 13:6

Mag ʉkhapʉpʉigmamua ya Simón Pedro den ʉag abaawai chi Simón Pedroou irig magjim: —Señor, ¿puata mʉ bʉ ʉagá? ajim.

San Juan 13:9

Magbaawaita Simón Pedroou irig, —Señor, mag khai magan oob mʉ bʉ appai ʉm. Mʉ bʉjã ʉnaa, mʉ juajã ʉnaa mʉ porpa sũurbapʉi ajim.

San Juan 3:5

Magbaawai jũrr Jesuu deeu ũwaai, —Ʉ̃hʉ̃, mua chan sĩi thaabaa chaar thaaba nʉm jaauba chirʉmgui ajim. Mua mag eeupemjo thaabaju a chirʉmʉn, Juanau por choo simua jaaujerrjo Ẽwandam Akharag dich khĩirjug chi iiurig paapʉipi nʉmta jaau chirʉmgui ajim. Magbam chan pod Ẽwandam sim aar oberbam, agtha i den khaba sĩewai.

Hechos 22:16

Magnaa mʉrʉg, “¿Jãimua pʉ khani nʉ chirʉ́ma? ajim. Phiidʉwi, pʉch por choopibá. Magnaa Ẽwandamau pʉch khaibag chugpaamkhĩir Jesucristoog jeeubá” ajim ich jooi Ananiaau mʉrʉg.

1 Corintios 6:11

Ãaur khʉʉn pãar ee cha mua jaau chirʉmjota thʉnaajim warrgar. Mamʉ ĩs ya maach Por Jesucristo gaaimua ich Ẽwandam Akharau ya pãar khaibag thum ʉpʉiwia ich atheepaita nem wajapham appai wau wenʉrramkhĩir pãar jʉr aujim. Mag nʉm dʉi warr pãar i dʉi iekkhõr pom wenʉrrarrjã, maach Por Jesucristoou Ẽwandam Akhaar dʉimua ʉu pãar peerdʉ auwia pekau chukhu arrjo pãar wai sim.

Efesios 5:26

Cristoou mag ich thõopitarran, maach peerdʉajem iek ũr nʉm dʉi dich por choopibarmua ajaug paapʉiwi ich atheepaita nem wau wenʉrramkhĩir ajim.

Colosenses 2:18

Ar jãg amachdeuta ajapcha ʉkha nʉm awi pãachig, “Maar denjo Ẽwandam chognaanagpa jeeuba naawai pãar chan agtha ajapcha khaba nʉm” a iekhaawai, oob am iek asekasmiet. Jãgʉm khʉʉnaun, Ẽwandamau amagta nem inagjã dau daau oopiejeewai amauta pãar khãaijã khapcha nʉm anaa, sĩi amachdeu nem khaphʉmta tho iyʉʉ sĩerrjeem.

Colosenses 2:23

Par daúapai oowain, chadcha amau jaau nʉm ʉuumjo sĩsidʉm, Ẽwandam dawagaa amkhĩir nem wau nʉm dʉi dichta thumaam khʉʉn khãaijã serbiibanaa dichdeupaijã dich dau aug khaugpiba jaau naawai. Pari mag nʉm chan pod bʉ̃ʉrjã nem khaigbam wauju khõchag chugpaa aubajuuta mag jaau nʉm.

Tito 3:5

Mag irua maach peerdʉ autarr chan nem ajapha wau wenʉrrarr gaaimuajã khabajim; irua maach peerdʉ autarran, sĩi ich garmua maach dau aug khaugwi ajim. Mag maach dau aug khaug nʉm aig, ich Ẽwandam Akharau maach pekau do badag barbapʉimjo thum chugpaabapäaiwaita, ya tag warr dich wenʉrraajerrjo khaba, jũrr maach khĩirjugta chi iiurig paapʉijim.

Hebreos 10:22

Mag chadcha Cristoou ich bagauta maach ajaug paabarm dʉi phadnaanau chi ʉ̃rʉmpai ʉpʉiwi Ẽwandamag jewaag ajaug paajerrjo ich Ẽwandam Akharauchata maach thãar ajaug paawi dooujã ajap ʉtarrjo naawai, warag thãraucha Ẽwandam jʉrtarrau keena, bʉ̃ʉrjã irua maach isegjujã khĩirjuba.

Apocalipsis 7:14

Magbaa mua irig, —Señor, pʉchdeuta khap chirabahab, mua chan khaugba chirʉm a chirajim. Magbaa ichdeu mʉrʉg jaaubaadewi magjim: —Jãkhʉʉnan Ẽwandamau õor okhĩirjug pooma api nʉm jaar ʉu i iek ogdʉba ʉkha durrawia peerdʉtarr khʉʉnaugui ajim. Magua khabahab ajim, jãg am khajũa bäpphä jũa sĩsidʉm, chadcha ich chi Cordero bag ãrtarrauta amach khaibag thum chugpaatarr aawai.