San Juan 13:31 - Wounaan Meu

³¹ Mag ya Judas oberbaadeewai Jesuu magjim marag: —Ĩsta ya chadcha mʉch chi Emkhooi Iewaa jua theeg chirʉm thumaam khʉʉnau oogpam. Maagwai jũrr mʉ gaaimua Ẽwandamau ich jua theegjã oopiegpamgui ajim.

Woun Meu

³¹ Mag ya Judas höbërbaadeewai Jesuu magjim marag: —Hĩsta ya chadcha mʌch chi Hemk'ooi Hiewaa jua t'eeg chirʌm t'umaam k'ʌʌnau hoogpam. Maagwai jũrr mʌ gaaimua Hẽwandamau hich jua t'eegjã hoopiegpamgui hajim.

San Juan 13:31 Iomraidhean Croise

San Mateo 8:20

Magbaa jũrr Jesuu irig, —Pʉchdeu mag mʉ dʉi mam khõsi chirʉm khai, marrau magan; mamʉ pʉrʉg jaaukhimgui ajim anʉm: Mʉ khãyau pabʉ eem nemchaain amach khãaijem jẽbdi paraam; nem ichpanjã kheeupaawai amach khãaijem khãidu wai sĩsidʉm. Mamʉ mʉch chi Emkhooi Iewaa chan mʉg chitʉm aig kheubaadeewai khãyaag wajapha werba chiraju didamjã chukhu chitʉmgui ajim anʉm. Pʉjã mʉjo magta chitam khõsi chirʉm khai, marrau magan ajim anʉm.

San Lucas 12:50

Mamʉ magaagan õor jua machgau agtha ajappha dau aug wauju waaur chirʉmgui ajim anʉm. Mʉch dʉi õrau magju thumaa khĩirjubaadeewaita okhĩirjug pooma chiraajem; mamʉ ichiita ich mag ajugui ajim anʉm.

San Juan 11:4

Pari ichig mag jaaubaa sĩi warag, —Jãg khamor machagau chan i meem iek meebamgui ajim. Jãan sĩi jãg khamor machag gaaimua Ẽwandamta thumaam khʉʉn khãaijã ʉ̃rpai sim anaa mʉchjã i Iewaa aawai agjo chirʉm a khap amkhĩirta jãgpijimgui ajim ich Jesuu mag ichig iek jaauchetarrag.

San Juan 12:23

Mag wetwia judionaan khabam khʉʉnau ich jʉr wenʉrrʉm a jaaubaicheewai amjã peerdʉ awaag ʉdʉraa ich thõopiju jaaubaademua magjim: —Ya ĩsta chadcha mʉch chi Emkhooi Iewaa chikhamnau thõoju gayaa pamamgui ajim, mag amau mʉ thõobarmua mʉchta Ẽwandamau thumaam khʉʉn khãaijã ʉ̃rpai apieg.

San Juan 12:28

Maimua sĩi ich Ayag, —Tata, muan mʉch gaaimuata sĩi thumaam khʉʉnaujã pʉrʉgta ãba ee apim khõsi chirʉmgui ajim. Pari irua magbaawai ʉ̃gtharmuata woun iekjo, —Ya pʉ gaaimua õrau mʉrʉg ee abarm; pari ichiita warag mʉchig ee apijugui ajim.

San Juan 14:13

Pãar chadcha mʉch denkha naawai pãrau pãachdeu nem khõsim thum mʉ Ayagta mʉ iek gaai thʉwiata jeeumʉn, mua pãar dʉi mag pãachdeu jeeu nʉmjo ajugui ajim, mʉchdeu pãar dʉi mag chirʉm gaaimua ich mʉ Aaita chi jua thierriu a khap amkhĩir.

San Juan 16:14

Iruata mʉ jaauju aai chirʉm aawai ichdeuta mua jaaujerr iekjã mʉchdeu jaaujerrjo ũwaai pãrag khĩir eyaa apinaa wajapcha khap apiju. Mag sim aig chan ichta tho iekhapiba, mʉʉta irua pãrag tho iekhapi simgui ajim.

San Juan 7:39

Mag sim aiguin Jesuu i iek ʉkhabarm khʉʉnaun Ẽwandam Akhaarta auju a sim ajim. Pari maagwai chan agtha chi Ẽwandam Akhaar beeba sĩejim, ich Jesujã agtha ich Aai aar ʉ̃gthar maba sĩerr aawai.

Hechos 2:36

Maimua deeu ich Pedrooupai, —Keena ĩsmua atag israelnaan thumaam khʉʉnau warre khaphʉ abat ajim anʉm, cha mua pãrag jawaagpam. Ar pãach ipaarmua pa gaai meerphe thõopʉipi jaautarr Jesuuta warag Ẽwandamau thumaam khʉʉn Porkhapibarm; ich khabajieb ajim anʉm warrgarwe Ẽwandamau jʉr auwia maach peerdʉ aumkhĩir pʉiju jaaujerr.

Hechos 3:13

Jãan ar Ẽwandamau ich Iewaa pʉitarrta ar khabam awi pãachdeu thõotarr ag jua theegauta jãg i monaaubapʉimgui ajim anʉm. Ich jãg Jesuuta i chogkha beetarr aawai, maach Ẽwandam anaa ĩchab maach jooin Abrán Isá maimua Jacob am Ẽwandamaupai thumaam khʉʉn Porkhapinaa nem jua theeg apijim. Ich ag Jesupai khabajieb ajim anʉm, ar Pilatoou pʉapäaig abaawai pãachdeu warag thõopʉipi jaautarr.

2 Corintios 3:18

Maguata maach i iek ʉkha durrum khʉʉn chan mag agtha putiu khĩir borr nʉmjo khaba aawai espheg dau wajapham ee oo nʉmjota ich Ẽwandam wajaugjã maach gaaita õrau oo nʉm, maach nem wajapha wau nʉm gaaimua. Mag nʉmua maachin waragta ich Ẽwandam Akharau wajaug paamaawai warag maach Por Jesujota paaukhamam.

Efesios 1:12

Magta maach chi nacha Cristo iek ʉkhatarr khʉʉnjã ich denkha aujim, mag ichdeu maar ich denkha autarr gaaimua pãar maarjo i iek ʉkha nʉm khʉʉnaujã ich Ẽwandam ajaug khitʉmta tho iekhamkhĩir.

Efesios 2:7

Mag Ẽwandamau maachigta nacha Cristo iek ʉkhapiwi ich denkha autarran, ĩs ewag pawiajã jãga chadcha ichdeu maach khõsi sĩ a khap apinaa, mag Cristo denkha nʉm gaaimuata chadcha ichjã maach dʉi ajaug khitʉm khap apieg ajim.

Efesios 3:10

Pari mag mʉrʉg jaautarran, mag maach thumaam khʉʉnta Cristo denkha nʉm gaaimua chi jua thierrnaan thum edjã eem khʉʉnau ʉ̃gtharm magwe mag Ẽwandam khĩirjug khaug sim khakhapdo amkhĩir ajim. Chadcha ichdeu nem wau nʉmpierr nem waau khaauga sĩerrʉm.

Filipenses 2:11

Mag nʉmua thumaam khʉʉnau i khaphʉ amach meukhĩraucha irig, “Jesucristo, pʉchta chadcha thumaam khʉʉn Porou; pʉchdeuta nem thum khap chirʉm” a iekhamam gaaimua, ĩchab ich Ẽwandam chi Aaipata mag tho iekhaju.

1 Pedro 1:21

Ich mag Cristo khurauta ʉu pãrau Ẽwandam iek ʉkha durrum. Mag Cristo thõowaijã, ich Ẽwandamauta ʉu i phiriu auwi, ich aar auwi, ich dʉi jua theeg ãba apijim. Maguata chadcha pãrau pãach thãraucha i iek ʉkha durrum, ich jãg Ẽwandamau Cristojã phiriu auwi ich aar autarrjo pãachjã agjo ich aar auju khaphʉ naawai.

1 Pedro 2:12

Ẽwandam iek ʉkhabam khʉʉn daarjã nem ajaphata waaujeet. Maagwai amau pãar eugar õor khaigbam khʉʉn eugarmjo iekhawiajã, Ẽwandam beem edjã chadcha pãrau nem ajapha waaujerr khĩirjunaa jũrr amau, “Jãgan chadcha amau nem ajaphata waaujeejiebma” aju.

1 Pedro 4:11

Ãb khãijã Ẽwandamau ich i jaaujemkhapi sim khai, ich Ẽwandam jua theeg dichig deetarrauta magʉm phidagjã waubá. Nem thum Ẽwandam athee waauwaijã, maach Jesucristo denkha nʉmua mag wau nʉm oowia bigaaum khʉʉnagpa Ẽwandam tho iekhamkhĩirta nem wauju aai nʉm. Pãar Jesucristo denkha naawaita magmʉn ʉucha sim. Ich Jesucristota mʉg atag pawiajã ich mag jua theeg sĩerraju aawai irigta maach thumaam khʉʉnau ee aju aai nʉm.