San Juan 13:21 - Wounaan Meu

²¹ Marag mag iekhawia warag ichta gaai machaaga aademua, —Chadcha mʉ cha iekha chirʉm iekhau pãar eem khʉʉnau ãbmua wir aig imeraa sĩi chikhamnag mʉ pʉr deejugui ajim.

Woun Meu

²¹ Marag mag hiek'awia warag hichta gaai machaaga haadëmua, —Chadcha mʌ cha hiek'a chirʌm hiek'au pãar heem k'ʌʌnau hãbmua wir haig himeraa sĩi chik'amnag mʌ pʌr deejugui hajim.

San Juan 13:21 Iomraidhean Croise

San Mateo 26:21

Mag ãba kho nʉmuata ichdeu marag magjim: —Cha mʉ iekha chirʉm iekhau mʉig maach ãba nʉm khʉʉn ee ãbmua wir aig mʉ oomapham khʉʉnag mʉ pʉr deeju ajim.

San Mateo 26:38

Mag simua amag, —Mʉʉn degolp gaai machgau okhĩirjuuga aadem; ãba mʉch thõjuuta khĩirju chirʉmgui ajim. Pãar mʉig nʉisit, mamʉ mʉ dʉi daukhana abat. Oob khãimiet ajim anʉm.

San Marcos 14:18

Mag barbaimaawai thach thoikhawia ya ãba mes gaai kho nʉmua Jesuu amag, —Keena, mua warre pãrag jaaukhimgui ajim anʉm: Mʉ cha iekha chirʉm iekhau maach khapeer mʉig maach dʉi ãba thach kho simuapai thethem khʉʉnag mʉ pʉr deejugui ajim anʉm.

San Marcos 3:5

Mag ni ãbmuajã ich iek ʉkhaba abaawai amag khĩir masi eerpanaa warag okhĩirjuu aadejim anʉm, ichdeu oowai amau bʉ̃ʉrjã wir aig amach khapeen dau ee aug khaugba nʉm oowia. Magwia chi jua jʉsar khitʉmʉgta, —Dayag jua ʉabá ajim anʉm. Mag chadcha i ipierr ʉ̃gthaag jua ʉabaawai warre jua monakkha sĩsijim anaabá.

San Juan 11:33

Mag warag ich dakhĩir bĩebaadem dʉi chi judionaan i dʉi beetarr khʉʉnjã bĩephobaadem oobaawai ichpa o jãsenaaga aademua gaai machaaga aadejim.

San Juan 11:35

Mag gaai machag aademua ich Jesujã bĩejim.

San Juan 11:38

Mag mawia ya chi aukhertarr aar pabaimaawai deeu gaai machag aadejim. Chi binaan aukhertarr jẽbdi, nawe durrbʉ ee chi khorm ajim. Mag simta mok por pom simuata sĩi chi jẽbdi i ee joothʉ wai naajim.

San Juan 12:27

Maimua mag jaaumamua ĩchab, —Ĩs chadcha thumaa khĩirjuwia mʉ okhĩirjug pooma chirʉmgui ajim, chikhamnau mʉch thõoju dakkha pamaawai. Mag chirab mamʉ am jua ee thõmaaugaujã mua mʉch Ayag, “Tata, mʉ peerdʉ athájã” abamgui ajim, warrjã mag atheeta mʉ beetarr aawai.

San Juan 13:18

’Mag pãar onee wenʉrraju a chirʉm chan, pãar thumaam khʉʉn igwiata mag jaauba chirʉmgui ajim, ãb pãar eem cha mʉchdeu jaau chirʉmjo onee khabaju aawai. Mua khaphʉ chirʉmgui ajim, chadcha mʉchdeucha jʉr autarr khʉʉn thãar. Pari ichiita Ẽwandam iek phã sim gaai “Mʉ dʉi ãbam mes gaai thach khoojerraupaita ãsie mʉ khaibag wauju” a phã simjo, chadcha ich ag ee obermkhĩirta mua jãjã jʉr aujimgui ajim.

San Juan 13:2

Amau i magju ed maar i dʉi thum ãba thach kho naajim, ya kheeuraa pamamua. Maagwain Judas Iscarioteen ya meperau por meu thʉnaajim, Jesús oomapha aajem khʉʉnag i pʉr deeg. Chi Judas woun ãb Simón anʉm iewaa ajim.

San Juan 13:22

Pari irua warre chi thʉ̃rcha jaauba arr aawai marau khaugba, sĩi jũrr chikham khĩirta agdaujo eerpag eerpag naajim.

Hechos 17:16

Mag Pablo Atenas barwia Silas Timoteo dʉi nʉbaadejim aajem, ya ichdeu ag nawe am aar iek jaaupʉiwi sĩerr aawai. Mamʉ chi Pablo onee khaba sĩejim anaabá, mag phobor eem khʉʉnau amach juau nem wautarr khapaana thʉnʉmʉgta Ẽwandamagamjo jeeu nʉm oowia.

1 Juan 2:19

Pari jãg nʉrrjeem khʉʉnan maach eem arr khʉʉnpaita ĩs jãg Cristo igar khaba iekha nʉrrjeem; mag maach eem khʉʉn ajieb mamʉ, am chadcha maachjo Cristo den khabajierram. Am chadcha maachjo Cristo den arr akhiin agtha maach dʉi ogdʉba wenʉrrakham. Pari juaujo ich Ẽwandamau jãgpi simʉn, jãan maach ee maach khapeen anʉm khʉʉnjã chadcha Cristo den chaar khaba nʉmta jãg nʉrrjeemjã merag chukhu khap amkhĩrau.