San Juan 13:18 - Wounaan Meu

¹⁸ ’Mag pãar onee wenʉrraju a chirʉm chan, pãar thumaam khʉʉn igwiata mag jaauba chirʉmgui ajim, ãb pãar eem cha mʉchdeu jaau chirʉmjo onee khabaju aawai. Mua khaphʉ chirʉmgui ajim, chadcha mʉchdeucha jʉr autarr khʉʉn thãar. Pari ichiita Ẽwandam iek phã sim gaai “Mʉ dʉi ãbam mes gaai thach khoojerraupaita ãsie mʉ khaibag wauju” a phã simjo, chadcha ich ag ee obermkhĩirta mua jãjã jʉr aujimgui ajim.

Woun Meu

¹⁸ ’Mag pãar honee wënʌrraju ha chirʌm chan, pãar t'umaam k'ʌʌn higwiata mag jaauba chirʌmgui hajim, hãb pãar heem cha mʌchdëu jaau chirʌmjö honee k'abaju haawai. Mua k'ap'ʌ chirʌmgui hajim, chadcha mʌchdëucha jʌr hautarr k'ʌʌn t'ãar. Pari hichiita Hẽwandam hiek p'ã sim gaai “Mʌ dʌ̈i hãbam mes gaai t'ach k'oojerraupaita hãsie mʌ k'aibag wauju” ha p'ã simjö, chadcha hich hag hee höbërmk'ĩirta mua jãjã jʌr haujimgui hajim.

San Juan 13:18 Iomraidhean Croise

San Mateo 10:36

Wajapcharan deeum khʉʉnjã khaba, dich wir aiguim khʉʉnpaita kha ukhur thʉnaajugui ajim, iwiir ãbmua mʉ iek ʉkhamapha aadephʉm gaaimua.

San Mateo 26:21

Mag ãba kho nʉmuata ichdeu marag magjim: —Cha mʉ iekha chirʉm iekhau mʉig maach ãba nʉm khʉʉn ee ãbmua wir aig mʉ oomapham khʉʉnag mʉ pʉr deeju ajim.

San Mateo 26:23

Mag jũrram khʉʉnau ichig jejeeu khaawai magjim: —Chi mag wir aig mʉ khaibag waujuun nau mʉ dʉi ãbam thep ee pan sĩ khobarmʉugui ajim.

San Marcos 14:17

Mag ich na numí pʉitarr aawai ya kheeuraa aadem ee, tagam khʉʉn dʉi barjim aajem, warm khʉʉnau phiejãb wau wai narr aar.

San Marcos 14:18

Mag barbaimaawai thach thoikhawia ya ãba mes gaai kho nʉmua Jesuu amag, —Keena, mua warre pãrag jaaukhimgui ajim anʉm: Mʉ cha iekha chirʉm iekhau maach khapeer mʉig maach dʉi ãba thach kho simuapai thethem khʉʉnag mʉ pʉr deejugui ajim anʉm.

San Marcos 14:20

Mamʉ par mag ichig jejeeukhamjã amag chi thʉ̃rjã jaauba, sĩi, —Pãach mʉg doce nʉm eem ãb mʉ kho chirʉm thep ee ich panau sĩkho sim wounauta mʉ khaibag waujugui ajim anʉm.

San Lucas 22:21

Pãrag khap amkhĩir warre jaau chirʉmgui ajim anʉm: Mag mʉ bag ãrmkhĩran, maach eem mʉig maach dʉi ãba thach kho simuapaita ich paarmua mʉ pʉr deeju, mʉ oomapham khʉʉnag.

San Juan 13:21

Marag mag iekhawia warag ichta gaai machaaga aademua, —Chadcha mʉ cha iekha chirʉm iekhau pãar eem khʉʉnau ãbmua wir aig imeraa sĩi chikhamnag mʉ pʉr deejugui ajim.

San Juan 13:22

Pari irua warre chi thʉ̃rcha jaauba arr aawai marau khaugba, sĩi jũrr chikham khĩirta agdaujo eerpag eerpag naajim.

San Juan 13:26

Magbaawai ich Jesuu mʉrʉg, —Oobá, pʉrʉg oomkhĩir mua pan omnaa agʉgcha deekhimgui ajim. Magnaa chadcha pan khõreunaa, omnaa, Judaagta deejim, woun ãb Simón Iscariote anʉm ag iewaag.

San Juan 15:16

Warrjã pãrau pãach garmuata pãach Porkhamkhĩir mʉ jʉr auba mʉch garmuata pãar jʉr autarr aawai, mua pãar pʉi chirʉmgui ajim, wetwia õrag mʉ iek aaidʉ jaaumamua õor mʉch igar paa aumamkhĩir. Pãrau magmʉn, magan mʉ iek gaai thʉwia mʉ Ayag nem jeeuwaijã thum irua deeb khaba deejugui ajim.

San Juan 15:19

Pãraujã am denjo mʉ iek ʉkhaba nʉm akhiin, amau pãar daupii akham, amach igar nʉm khʉʉn dʉi aajemjo. Pari pãar am eemua mua mʉch athee jʉr autarr aawai amau pãar oomapha nʉmgui ajim, ya pãar amach dʉi khaba naawai.

San Juan 15:25

Pari juaujo amau mag nʉmʉn, amachdeu wajapha ʉʉrkhaajem iek gaai phã simjo, “Bʉ̃ʉrjã iekkhõr chukhum paarta mʉ oomap ajurau” a simjo, chadcha ich ag ee obermkhĩrau a jaaumajim ich Jesuu marag.

San Juan 17:12

Mʉg jẽb gaai mʉchta am kha ogdʉba chitaawain pua mʉrʉg jua theeg deetarrau mua am chig apiba thʉa wai chitajimgui ajim, magamkhĩirta pua amag mʉ iek ʉkhapitarr aawai. Mag am thʉa wai chitaawai ãbjã okhooba, ãba ya ag nawe chi okhoom arr appaita okhoobarmgui ajim. Dau ãb jãgbarmʉn, jãan pʉch iek phã sim gaai jaau simjo ich jãgju arr aawai ajimgui” ajim, Judas igwia.

San Juan 18:32

Pari mag Romapienagta amachdeu i thõopi jaau nʉmjã, ag nawe ich Jesuu pakuls gaai ich thõoju jaautarrjo thum ich ag eyaa obermkhĩir jaau nʉmta amachdeujã khaugba naajim.

San Juan 19:24

ãrmaaugau awia, “Jãgan par thʉrreuju khãai khaíuta gan athaju khai” awia, mokdaudam bar jemkha nʉmua ãbmua ag dʉi sĩsijim, chi gan autarrau. Pari amau magtarran, magju nawe Ẽwandam iek phã sim gaai, “Amachpierr mʉ khajũa jig auwia mʉ túnica sĩi jemkha mok bar nʉmua gan auju” a phã simjo, ich agjoo oberju arr aawai ajim. Magua chadcha ich agjoota ajierram chi soldaaunau i dʉi. Mamʉ mag nʉm chan amachdeu magju Ẽwandam iek gaai phã simjã khaugba naajim.

San Juan 19:36

Soldaaunau i dʉi magtarran, ich Jesús igwia ag nawe Ẽwandam iek gaai i i jaaumienau phãtarrjo thum ag eyaa oberju arr aawai ajim. Chi Ẽwandam iek phã sim gaai, “I pa chan ãbjã buyeubaju” a sim, ich chi Ẽwandamaucha pʉitarr igwi; ajapcharan ich Jesús igwiama.

San Juan 21:17

Magnaa deeu ũwaai biek thãrjupamua irig ich ag iekpai phʉʉrba, —Simón, Juan iewaa, ¿chadchata pua mʉ khõsi chirʉ́? ajim. Mag ich ag iekpai biek thãrjup ichig phʉʉrba jejeeu khabaadeewai Pedro warag ichta okhĩirjuu aademua irig magjim: —Señor, puata nem thum khaphʉ aajeewai pua khap chirabahab ajim, mua chadcha pʉch khõsi chitʉm. Magbaawai Jesuu, —Magan mʉ ovejanaandamta chig apiba thʉa wai chitá ajim.

San Juan 6:70

Simón Pedroou ichig magbaawai Jesuu jũrr, —Chadcha mʉchdeuta mua pãar doce thʉ̃rkha aujimgui ajim, mʉch dʉi ogdʉba wenʉrramkhĩir. Magjieb mamʉ pãar ee ãb meperau por meu simgui ajim.

Hechos 1:16

—Keena ajim anʉm, Jesús gaaimua khodamnaan. Mua pãrag jaaukhimgui ajim anʉm. Jãg maach Por Jesús imeraa perpʉitarran ichiita ich jãgju aai sĩejim, warrgarwe rey David khararrau Ẽwandam Akharau ichig jaaubaawai ich mag phã pʉarrjo. Chadcha magtarr aawaita õrau maach Por Jesús pʉr awaan beewaijã maach khapeer Judas khararrta chi porkha nʉrrajimgui ajim anʉm.

Hechos 1:2

Mua pʉrʉg jaau chirajim ĩchab, mag ich Jesuu ʉ̃gthar maju nawe, Ẽwandam Akharau ichig jaaupibaawai, jũrr irua ich dʉi ogdʉba wenʉrramkhĩir ichdeucha jʉr autarr khʉʉnag, jãga amau nem wau wenʉrraju a jaau pʉatarr.

2 Corintios 4:5

Mʉ chan pãrag wir aig mʉchta pãar porkha chirʉm a jaauba chitʉm, muan Jesucristota õrag amach porkhapimkhĩir jaau chitaajem; í khabahab chadcha maach Por. Mʉch garmuajã Jesucristo khõsi chirʉm gaaimua, mʉg i iek jaau chitʉmua mʉʉn sĩi pãar chogkhata chitʉm.

Hebreos 4:13

Mʉg thʉnʉm aig chan pod iwiir ãbmuajã Ẽwandam dau merpʉiju khaba sim. Irigan nem thʉnʉm thum ich dau aig aunaata oo nʉmjo dawaa thʉnʉm. Ẽwandam mag maadeu nem wau nʉmjã thumaa oojem khĩirpheeta maachin dʉnʉnʉid aimaju, maachdeu nem waaujerr thumaa irig meerba jawaag.

Apocalipsis 2:23

I chaainjã warre khechpʉiju anaabá. Mag oobaawaita thum iglesia nʉnʉidʉm eem khʉʉnau khakhapdo aju anaabá, ichdeuta chadcha õor thumaam khʉʉn thãar khaphʉnaa am khĩirjugjã khaphʉ chitʉm. I iek õrau khaphʉ aju aajem ĩchab, amachdeu nem waumarrpierr ichdeuta am dʉijã amachdeu aajerrjo aju.