San Juan 13:14 - Wounaan Meu

¹⁴ Mag mʉ pãar Maestro anaa pãar Porkha chirʉmuata pãar bʉ mʉg ʉbarpí, pãraujã agjo jũrr chikham chogkha nʉmjo agdaujo dich khapeen bʉ ʉju aai naabahab ajim.

Woun Meu

¹⁴ Mag mʌ pãar Maestro hanaa pãar Pörk'a chirʌmuata pãar bʌ̈ mʌg hʌbarpí, pãraujã hagjö jũrr chik'am chogk'a nʌmjö hagdaujö dich k'apeen bʌ̈ hʌju haai naabahab hajim.

San Juan 13:14 Iomraidhean Croise

San Juan 11:2

Ich mag Lázaro ʉ̃phʉi Mariaau ajim, maach Por Jesús bʉ ʉ̃r jʉ̃gdeeu choonaa ich porbʉʉupai jʉʉupʉitarr.

Hechos 20:35

Mʉchjo mag phidkhamkhĩirta mʉch chitʉmpierr mua ich mag pãrag jaau chitaajem, mag phidkha nʉmua ĩchab dau aphʉʉ amachdeu nemdam ig nʉmjã pod auba durrum khʉʉn juag oo wenʉrramkhĩir. Pãade maach Por Jesuu iekhatarr khĩir eyaa abat ajim: Iin chadcha i iekhõoin “Dich garmua chikhamnag nemdam deewaita maach oneecha aajemgui ajim, chi au sim khãaijã.”

Romanos 12:10

Khod ãbam khʉʉnjo agdaujota pãach khapeen kha khõsinaa, dich garmuata ʉ̃rcha am khĩrag eenaa agdaujo chikham respetaabat, amta dich khãai ʉ̃rpai nʉm khʉʉnjo.

Romanos 12:16

Pãach eepai sĩi chipar chipar aju khãai, maach Por Jesucristo athee nem wawaagjã nem par daúa ooba warag i ãba abat. Oob pãachta dich khapeen khãaijã ʉ̃rpai aju ẽkhamiet; magju khãai sĩi warag parhooba serbiibam khʉʉnjota abat. Oob pãachdeuta chikham khãaijã ʉ̃rpai khaphʉ nʉm a khĩirjumiet.

1 Corintios 12:3

Magua ĩs khĩirjuawai, ãbmua khãijã chadcha Ẽwandam Akhaar jua theegauta i iek jaau nʉrrʉm khai, pod Jesús thʉ̃r thʉ̃rnaa khaigba iekhaju khaba sim. Maimua ich Ẽwandam Akharauta iekhapibam chan, pod ãbmua, “Jesuuta thumaam khʉʉn Porou” a iekhabaju.

1 Corintios 8:13

Magam uguata, mua oowai mua nemek kho chirʉm gaaimua khãijã mʉ hermano imeraa pekau ee burrpiju sim khai, warag mʉchta bʉ̃ʉrjã nemek khoba ich mag chitaju. Magba akhiin mua nemek kho chirʉm gaaimua i pekau ee burrju.

2 Corintios 10:1

Mʉʉn Pablota pãar dʉi iekha chirʉm. Mʉ pãar dʉi meeukhajã meeukhaba, sĩi Cristoou api simjota ithũu pãrag iekha chirʉm. Am iek mag pãar okgauta pãar dʉi ãba chirʉm aiguin sĩi imaa chitʉm aajem; pari jũrr warpmua ẽsap phã deepäaiwaita pãrag iek theeg iek khẽgkhata jaaupäaijem aajem.

2 Corintios 8:9

Pãrau ni ãbmuajã meraa khaba nʉm, jãga maach Por Jesucristojã Ẽwandam dʉi ãba sĩerr aawai dau aphʉʉ khaba sĩerrta ich khĩrau mʉg jẽb gaai beewia dau aphʉʉ ajĩ maach gaaimua. Pari juau ogthom mag ich dau aphʉʉ apitarran, ich magbarm gaaimua jũrr Ẽwandamau maachta ich Cristo dʉi ãba wenʉrramkhĩir ajim. Magua Cristo gaaimua maach khodkha nʉm khʉʉn dau aphʉʉ oowai am dau aug khaug paraa abat.

Gálatas 5:13

Hermanonaan, Ẽwandamau pãrag ich iek ʉkhapi aauwaijã tag magʉm pãach jooin i ʉʉrkhapieg khaba, ich ipierraa amkhĩirta pãar ichig thʉ̃rkha aujim. Magtarr aawai irua khõsim nemen chad pãachdeu waum aig wauju aai nʉm. Mamʉ mag pãachdeu waum aig nem wauju aai nʉm awi oob sĩi parhoobam khõchag pãach khĩirjug ee beewai agpierr amiet. Magju khãai pãach khapeenjã agdaujo kha khõsinaa am dʉi ajapha ajuuta ẽkhabat.

Filipenses 2:11

Mag nʉmua thumaam khʉʉnau i khaphʉ amach meukhĩraucha irig, “Jesucristo, pʉchta chadcha thumaam khʉʉn Porou; pʉchdeuta nem thum khap chirʉm” a iekhamam gaaimua, ĩchab ich Ẽwandam chi Aaipata mag tho iekhaju.

1 Timoteo 5:10

Magnaa ĩchab amau nem ajapham waaujemta ooju aai nʉm, khan nem agá: ¿Amach chaain ajapha bãaukhapʉiwia jooin ee agpierraa wenʉrrʉ́? ¿Õordam parhoobam khʉʉn amach aig beewaijã, amach deg jẽerpim khõsi jẽerpinaa, am dʉi o ajaphanaa, amach khapeen Ẽwandam iek ʉkha nʉm khʉʉn atheejã bʉ̃ʉrjã nem waumapham aba sĩi nem par daúa ooba khithee aajẽ, ya “Maar jãgʉm athee khaba nʉm” a iekhaba? ¿Õor khamor masi wa gaai masi khãijã aawai, dau aug khaugwi dʉi nem par daúa ooba aajẽ? Magʉm appaijã khaba, ¿tag nem parhoobamdam wau nʉmua õrau am eugar ajapha ig iyʉʉ aajẽ? Magʉm nem thum chadcha waaujem pãachdeu khaphʉ nʉm khai, magan amau nemdam ig nʉmjã oob sĩi par daúa oomiet.

Hebreos 12:2

ãba Jesús gaaita dich khĩirjug sĩuju aai nʉm. Ichdeuta warrjã ʉu maachig Ẽwandam iekjã ʉkhapiwi mʉg atagjã parta ʉkha naajim apibaju, ich Ẽwandamau maach dʉi wauju jaautarr thum chadcha oopiju aawai. Ich Jesuuta chi khaigbacharam khʉʉnjo pakuls gaai ʉdʉraa ich thõopibajieb, chigagjã igba, mag ich thõopibarmua õor peerdʉ athaawai ichpa onee ich mag sĩerraju khaphʉ sĩerr aawai. Ichta ĩchab ich Aai jup sim khu juupjem gaai dʉi i juachaar garcha ãba jupimawi ich mag sĩerrʉm.

1 Pedro 4:1

Mag, Cristojã maach gaaimua õrau mas wautarr aawai pãarjã agjo i gaaimua dau aphʉʉ aag magʉm abaju aai nʉm. Cristo gaaimua dau aug wau nʉmjã magʉm aba, waragta i ipierraa jʉmpʉpʉikhamʉn, pekaujã maach dʉi jua theeg chukhuta aadeejem,

1 Pedro 5:5

Ich agjo ẽwannaanagjã mua mag chirʉm: Ẽwandam iek ʉkha durrum khʉʉn ee pãach khãai jooinau pãachig iekhaawai, sĩi am ipeer ahau aju khãai, ʉdʉraa pãach wawipinaa warag am ipierraata abat. Thumaa agdaujo jũrr dich khapeen chogkha nʉmjota abat. Magbaju atheen Ẽwandamau ich iek gaai jaau simjo: “Ar mʉjã igba amach juapaaupaita wenʉrraajem aajem khʉʉn chan mʉchdeujã igba chitʉm” a sim. “Magarrau amach serbiibag khap mʉchdeu nem jaau chirʉm wawaagjã mʉch juapadam iigjem khʉʉnan chadau, mʉch garmuajã am dau ee aug khaaugjem” a phãpijim. (Pr. 3:34)